சென்னையில் ஏழு நாளைக்கு இந்த பக்கம் போயிடாதீங்க.. போக்குவரத்து மாற்றம்.. போலீசார் முக்கிய அறிவிப்பு

சென்னை: சென்னை கதீட்ரல் சாலை அமராவதி ஹோட்டல் முன்பு கழிவுநீர் பாதாளசாக்கடை அமைப்பு சேதமடைந்துள்ளது. இதனை சென்னை குடிநீர் மற்றும் கழிவுநீர் அகற்று வாரியம் சரி செய்ய முடிவு செய்துள்ளது. இதற்காக கதீட்ரல் சாலை பகுதியில் இன்று முதல் 7 நாட்கள் போக்குவரத்து மாற்றம் செய்யப்படுகிறது.

சென்னை கதீட்ரல் சாலையில் போக்குவரத்து மாற்றம் தொடர்பாக சென்னை மாநகர போக்குவரத்து போலீஸார் நேற்று வெளியிட்ட செய்திக்குறிப்பில் கூறியிருந்ததாவது " சென்னை ஆழ்வார்ப்பேட்டை சந்திப்பில் இருந்து டிடிகே சாலை வழியாக மியூஸிக் அகாடமி சந்திப்பு வந்து கதீட்ரல் சாலையில் இடதுபுறம் திரும்பும் அனைத்து வாகனங்களும், ஆழ்வார்ப்பேட்டை சந்திப்பில் இருந்து நேராக செல்லாமல் மாறாக ஆழ்வார்ப்பேட்டை சந்திப்பில் இருந்து இடதுபுறம் திரும்பி முரேஸ் கேட் ரோடு வழியாக சென்று வலதுபுறம் திரும்பி கஸ்தூரி ரங்கன் சாலை வழியாக சென்று கதீட்ரல் சாலை அடைந்து இலக்கை நோக்கி செல்லலாம்.

பிஷப் வாலஸ் கிழக்கு சாலை வழியாக கதீட்ரல் சாலை செல்லும் வாகனங்கள் மியூஸிக் அகாடமி சந்திப்பில் யூ-வளைவு எடுத்து சவேரா ஹோட்டல் முன்பாக உள்ள சர்வீஸ் சாலையில் சென்று நீல்கிரீஸ்சந்திப்பை அடைந்து, அங்கு யூ-வளைவு எடுத்து மியூஸிக் அகாடமி மேம்பாலம் வழியாக கதீட்ரல் சாலை சென்று இலக்கை அடைய லாம்.

வி.பி.ராமன் சாலை, லாயிட்ஸ் சாலை, இந்தியன் வங்கி சந்திப்பில் இருந்து, டிடிகே சாலை வழியாக மியூஸிக் அகாடமி சந்திப்பு வலதுபுறம் உள்ள சர்வீஸ் ரோடு வழியாக கதீட்ரல் சாலை செல்லும் வாகனங்கள், இடதுபுறம் திரும்பி சவேரா ஹோட்டல் முன்பு உள்ள சர்வீஸ் சாலையில் சென்று நீல்கிரீஸ் சந்திப்பை அடைந்து யூ-வளைவு எடுத்து மியூஸிக் அகாடமி மேம்பாலம் வழியாக கதீட்ரல் சாலை சென்று அவர்களின் இலக்கை அடையலாம்.

ஜே.ஜே.சாலை, ஸ்ரீமன் சீனிவாசன் சாலை, அம்புஜம்மாள் தெரு, பாஷ்யம் பஷிர் அகமது தெரு மற்றும் பார்த்தசாரதி கார்டன் தெரு வழியாக வரும் வாகனங்கள் டிடிகே சாலை வந்து மியூஸிக் அகாடமி சந்திப்பை அடைந்து இடதுபுறம் திரும்பாமல் வலது புறம் திரும்பி சவேரா ஹோட்டல் முன்பு உள்ள சர்வீஸ் ரோடில் சென்று நீல்கிரீஸ் சந்திப்பை அடைந்து யூ-வளைவு எடுத்து மியூஸிக் அகாடமி மேம்பாலம் வழியாக கதீட்ரல் சாலை சென்று அவர்களின் இலக்கை அடையலாம்" இவ்வாறு சென்னை போக்குவரத்து போலீஸார் தெரிவித்துள்ளனர்.

English summary

In front of Chennai Cathedral Road Amaravati Hotel, the sewage system has been damaged. The Chennai Drinking Water and Sewerage Board has decided to fix this. For this purpose, traffic will be changed in Cathedral Road area from today for 7 days.