"ஏய் ஏய்".. எப்புட்றா இது.. நம்பவே முடியல.. வாயில என்னனு பாருங்க.. அசால்டா கடிச்சு கடிச்சு விழுங்குதே
சென்னை: சுத்த சைவம் என்று சொல்லப்பட்ட மான், திடீரென எப்போது நான்வெஜ்-க்கு மாறியது? என்பதே உலக மக்களின் ஆச்சரிய கேள்வியாக வலம்வந்து கொண்டிருக்கிறது.
சைவ உண்ணியான மான், புல் போன்ற தாவர வகைகளையே சாப்பிட்டு நாம் பார்த்திருக்கிறோம்... ஆனால் இப்போது ஒரு வீடியோ சோஷியல் மீடியாவில் வைரலாகி வருகிறது.
அந்த வீடியோவில் உள்ள காட்சியை நம்பவும் முடியவில்லை.. நம்பாமலும் இருக்க முடியவில்லை. அது ஒரு காட்டுப்பகுதி போல தெரிகிறது.. அந்த காட்டுப்பகுதியில், சாலையோரத்தில் உலா வரும் மான் ஒன்று, திடீரென எதையோ கடித்து உண்பது போல தெரிகிறது..
காட்டுப்பகுதி: அது என்னவென்று உற்றுபார்த்தால், அதன் வாயில் பாம்பு இருக்கிறது.. ஏதோ ரொம்ப காலமாகவே சாப்பிட்டு பழகியதைபோல, கேஷூவலாக பாம்பை சாப்பிடுகிறது.. புல் சாப்பிடுவது போலவே வெகு இயல்பாக மெல்லுகிறது.. அப்படியே அந்த பாம்பை கடித்து விழுங்குவதையும் அந்த வீடியோவில் காணமுடிகிறது.
சுவாரஸ்யம்: வனத்துறை அதிகாரியான பர்வின் கஸ்வான் என்பவர் இந்த வீடியோவை ஷேர் செய்துள்ளார்.. பிகேன் என்பவர் ட்விட்டரில் இந்த வீடியோவை ஷேர் செய்யவும், அதை வன அதிகாரியான பர்வின் கஸ்வான் எடுத்து, ரீ-ட்வீட் செய்திருக்கிறார்.. இந்த வீடியோவை பார்த்த ட்விட்டர்வாசிகள் திரண்டு வந்து கருத்துக்களை தெரிவித்து வருகின்றனர்..
அதில் ஒருவர் சொல்கிறார்.. இத்தனை காலமும், வெறும் தாவரங்களை மட்டும் சாப்பிடுவதில் மானுக்கு சலிப்பு வந்துடுச்சோ என்னவோ என்று பதிவிட்டுள்ளார்.. மாற்றம் ஒன்றே மாறாதது என்று மேலும் சிலர் பதிவிட்டு வருகிறார்கள்.
உடையும் லாஜிக்: புலி பசித்தாலும் புல் திண்ணாது என்ற கேட்டகிரியில்தான், மானும் சேருகிறது.. சைவ உண்ணிகள், சைவத்தினை மட்டும் தான் சாப்பிடும் என்ற லாஜிக்கையெல்லாம் இந்த வீடியோ உடைத்துள்ளது.. ஆகமொத்தம், இந்த வீடியோவை போல, சுவாரஸ்யமான கமெண்ட்களும் வலம்வந்து கொண்டிருக்கின்றன.
Click it and Unblock the Notifications
Sign in with Google