தாடியுடன் தினகரன்.. ஏன் இப்படி.. என்னாச்சு.. நிறைய சோகமோ?

Updated: Wednesday, January 2, 2019, 13:27 [IST]

Subscribe to Oneindia Tamil

Recommended Video

ஆளுநர் உரை குறித்து டிடிவி தினகரன் விமர்சனம்

சென்னை: இன்னைக்கு எல்லாருமே கவனித்த ஹாட் நியூஸ் என்ன தெரியுமா? டிடிவி தினகரனின் தாடி சமாச்சாரம்தான்.

வாய் நிறைய புன்னகை என்றே இருக்கும் தினகரன் இப்போதெல்லாம் கொஞ்சம் சைலன்டாக இருக்கிறார். அதிலும் எப்பவுமே மழ மழ முகம் என பளிச்சென காட்சி தெரியும் தினகரன் தாடியுடன் காட்சி தருகிறார்.

இன்று சட்டப்பேரவை கூட்டம் தொடங்கியது. தமிழகத்தின் எல்லா கட்சிகளும் இதில் பங்கேற்றன. அதில், சுயேட்சை உறுப்பினரான டிடிவி தினகரனும் பங்கேற்றார். ஆளுநர் உரை சபையில் ஒரு பக்கம் நிகழ்ந்து கொண்டிருந்தாலும், "தினகரனின் தாடி"யை எல்லாரும் கவனிக்க தவறவில்லை.

டல் அடிக்கிறது

எப்பவுமே டானிக் பேச்சுடன், ஃப்ரஷ்ஷாக காணப்படும் தினகரனிடம் இப்போது அதெல்லாம் மிஸ்ஸிங்!! குறிப்பாக, செந்தில் பாலாஜி அணி தாவலுக்கு பிறகு தினகரனின் பேச்சும் சரி, பேட்டியும் சரி கொஞ்சம் டல் அடிக்க ஆரம்பித்து விட்டது.

முகத்தில் தாடி

வருத்தம் தோய்ந்த முகத்துடன் வலம் வருவது ஏனோ தெரியவில்லை. பழைய உற்சாகமும் முகத்தில் தென்படவில்லை. தாடியும் முகத்தில் முளைத்து வருவது பல சந்தேகங்களை எழுப்பி உள்ளது.

கோபப்பட்டவர்

எப்படா இந்த இடைத்தேர்தல்கள் நடக்கும் என்று காத்து கிடந்த முதல் நபர் டிடிவி தினகரன்தான். இடைத்தேர்தல் இப்போதைக்கு நடத்த முடியாது என்று தேர்தல் ஆணையம் அன்று மழையை காரணம் காட்டி சொன்னபோது, கோபப்பட்ட முதல் நபரும் தினகரன்தான். இது சம்பந்தமாக கோர்டுக்கு போகிறேன் என்றுகூட சொன்னார்.

தாடி ரகசியம்?

ஆனால் இப்போது தேர்தல் தேதி அறிவித்தும் தினகரனிடம் அந்த உற்சாகம் இல்லை. திருவாரூர் இடைத்தேர்தலில் வெற்றி பெறுவது குறித்த சந்தேகம் எழுந்துவிட்டதா? அல்லது செந்தில் பாலாஜிக்கு பிறகு வேறு சிலரும் அணி மாற போவதாக சொல்லி கொண்டிருந்தார்கள். முக்கியமாக தங்க.தமிழ்செல்வன்!! இப்போது அணி தாவல் விவகாரம் ஏதேனும் விஸ்வரூபம் எடுக்க வாய்ப்பு உள்ளதா? என தெரியவில்லை.

மிஸ்டர் கூல்

அதனால் டிடிவி தினகரனின் தாடியின் ரகசியம் என்னவாக இருக்கும் என்பதை உறுதியாக கணிக்க முடியவில்லை. இதற்கான விளக்கத்தை "மிஸ்டர் கூல்"தான் முன்வந்து விளக்க வேண்டும்!