துணை முதல்வர் எல்லாம் ஜூனியர் ஆர்ட்டிஸ்ட் வேலை.. 2.5 வருஷம் முதல்வர் பதவி.. பாஜகவிடம் விஜய் டிமாண்ட்

Updated: Wednesday, March 11, 2026, 14:43 [IST]

Subscribe to Oneindia Tamil

சென்னை: "அரசியல்ல இதெல்லாம் சாதாரணமப்பா..." என்று கவுண்டமணி பாணியில் கடந்து செல்ல முடியாத அளவுக்கு, தமிழக அரசியல் திசையையே மாற்றிக் கொண்டிருக்கிறது அந்த ஒரு 'சீக்ரெட்' பேச்சுவார்த்தை.

சென்னை கமலாலயத்தில் இருந்து டெல்லி வரை லீக் ஆகியிருக்கும் அந்தத் தகவல் இதுதான்: "விஜய்க்குத் துணை முதல்வர் பதவி ஆஃபர், ஆனால் அவரோ 'ஷேரிங்' முதல்வர் பதவியை எதிர்பார்க்கிறார்!"

கமலாலயத்தின் தூது... பவனின் என்ட்ரி!

தமிழகத்தில் எப்படியாவது காலூன்றத் துடிக்கும் பாஜக, 'ஆடு நனைகிறதே' என்று ஓநாய் அழுத கதையாய் விஜய்யிடம் தூது விட்டுக்கொண்டிருக்கிறது. சமீபத்தில் ஆந்திர துணை முதல்வர் பவன் கல்யாண் மூலமாக நடந்த 'வாட்ஸ் ஆப் மீட்டிங்'கில் தான் இந்த விவகாரம் சூடுபிடித்ததாகத் தகவல். "மத்தியில் நாங்க, மாநிலத்தில் நீங்க... ஆனால் இப்போதைக்கு 'டெப்யூட்டி சிஎம்' போஸ்ட் ஓகே-வா?" என்பதுதான் பாஜகவின் கேள்வி.

விஜய்யின் '2.5' கண்டிஷன்!

ஆனால், திரையில் பஞ்ச் பேசிப் பழகிய விஜய்யோ, நிஜ அரசியலிலும் செம 'மாஸ்' கண்டிஷன் போட்டிருக்கிறாராம். "துணை முதல்வர் எல்லாம் ஜூனியர் ஆர்ட்டிஸ்ட் வேலை. எனக்கு 5 வருஷத்துல முதல் இரண்டரை வருஷம் முதல்வர் நாற்காலி வேண்டும். மீதி இரண்டரை வருஷம் நீங்க உட்காருங்க" என 'பவர் ஷேரிங்' அஸ்திரத்தைத் தூக்கியிருக்கிறார்.

இந்தத் தகவல் வெளியானதும், "ஆட்சியில் பங்கு, அதிகாரத்தில் பங்குன்னு சொன்னது இதுதானா?" என அண்ணா அறிவாலயம் முதல் எடப்பாடியின் எடப்பாடி வரை 'பக் பக்' மோடில் இருக்கிறார்கள்.

அரசியல் சதுரங்கத்தில் ஒரு பக்கம் "ஐடியாலஜி எதிரி" என்று விஜய் பஞ்ச் பேசினாலும், இன்னொரு பக்கம் திரைமறைவில் "பவர் ஷேரிங்" டீல்கள் படுஜோராகப் பேசப்படுவதாகத் தகவல். விஜய்யின் 2.5 ஆண்டு முதல்வர் நிபந்தனைக்கு பாஜக - அதிமுக சம்மதித்தால், தொகுதிகளைப் பிரிப்பதில் ஒரு பெரிய 'ஆக்ஷன் சீக்வன்ஸே' நடக்கும் என்கிறார்கள் விவரம் அறிந்தவர்கள்.

ஏன் இந்த முரண்பாடு?

பாஜகவின் கணக்கு: விஜய்யின் வாக்கு வங்கியைப் பயன்படுத்தி திராவிடக் கோட்டையைத் தகர்க்கலாம்.

விஜய்யின் கணக்கு: வெறும் கூட்டணிக் கட்சியாக இல்லாமல், 'ரூலிங் பார்ட்டி'யாக மாறினால்தான் 2031-ல் தனித்து நிற்க முடியும்.

இந்தக் கூட்டணி அமைந்தால், பாஜகவுக்குத் தேவை சுமார் 20 முதல் 30 தொகுதிகள். மீதமுள்ள 180+ தொகுதிகளில் தவெக மற்றும் அதிமுக தனது வேட்பாளர்களை நிறுத்தி, ஆட்சியைப் பிடிக்கும் கனவில் இருக்கிறது.

தமிழக அரசியல் களத்தில் 'எனிமி'யை விட 'அலையன்ஸ்' தான் இப்போதைக்கு மர்மமாக இருக்கிறது. "என்னுடைய கொள்கை எதிரி பாஜக" என்று மேடையில் முழங்கிய விஜய், இவ்வளவு சீக்கிரம் 'பவர் ஷேரிங்' டீலுக்கு வருவாரா? அல்லது இது பாஜகவின் வழக்கமான 'மைண்ட் கேம்' தந்திரமா?

விஜய் இப்போது ஒரு தீர்க்கமான முடிவில் இருக்கிறார்: "ஒன்று கோட்டை... இல்லையென்றால் வேட்டை!" பொறுத்திருந்து பார்ப்போம், இந்த 2.5 ஆண்டு ஒப்பந்தம் ஈரான் போரை விட சுவாரஸ்யமாகப் போகிறது!

டெல்லி மேலிடம் இந்த 2.5 ஆண்டுத் திட்டத்திற்கு ஓகே சொன்னால், தமிழகத்தில் ஒரு புதுவிதமான அரசியல் மேஜிக் நிகழ வாய்ப்பிருக்கிறது. ஆனால், ஆர்.எஸ்.எஸ் தரப்போ "இது ரிஸ்க்" என முணுமுணுக்கிறதாம்!