தவெக - காங்கிரஸ் கூட்டணியா? மாணிக்கம் தாகூர் சொன்ன பதில்.. திமுக மீதும் மறைமுக அட்டாக்
சென்னை: தவெகவுடன் காங்கிரஸ் கூட்டணி அமைக்க உள்ளதா என்ற கேள்விக்கு பதில் அளித்த மாணிக்கம் தாகூர், "தமிழ்நாட்டில் நன்மைக்காக பார்க்க வேண்டும். கூட்டணி என்பது தேர்தலுக்காக உருவாக்கப்பட்டது. 2026 தேர்தல் முடிவு பெற்றுவிட்டது. அரசியல் விவகார குழு முடிவெடுத்து இருக்கிறது. அந்த முடிவை கிரிஷ் சோடங்கர் அறிவிப்பார்" என்று கூறினார்.
காங்கிரஸ் எம்பி மாணிக்கம் தாகூர் செய்தியாளர்களுக்கு பேட்டி அளித்தார் அப்போது அவர் கூறியதாவது:- மதவாத சக்திகள், வெறுப்பு அரசியலுக்கு தமிழ்நாட்டில் இடமில்லை. திருப்பரங்குன்றத்தில் ராஜன் செல்லப்பா தீபம் ஏற்றுவோம் என்று வாக்கு கேட்டார்.. அவருக்கு மக்கள் மூன்றாம் இடம் கொடுத்து இருக்கிறார்கள்.
மதவாதத்திற்கு விலை போனதால் அவரை மக்கள் நிராகரித்து இருக்கிறார்கள். தவெக தலைவர் விஜய் பாஜகவிற்கு எதிராக நின்று வெற்றி பெற்று இருக்கிறார். மதவாதத்தை ஆதரிப்போம் என்று சொன்னவர்களை தவெக தோற்கடித்து இருக்கிறது. இதெல்லாம் தேர்தல் முடிவில் வெளிவந்த உண்மை.
திமுக நிர்வாகி சரவணன் பத்திரிகையில் எதுவென்றாலும் பேசலாம். எங்களை பொறுத்தவரை காங்கிரஸ் கட்சி நிலை என்பதை அரசியல் விவகார குழு முடிவெடுத்து இருக்கிறது. அந்த முடிவை அகில இந்திய பொதுச்செயலாளர் அறிவிப்பார். எங்களை பொறுத்தவரை அவர்கள் புலம்பலில் இருக்கிறார்கள். எங்களை பொறுத்தவரை பாஜக தமிழகத்தில் வரக்கூடாது, ஆர்.எஸ்.எஸ் வரக்கூடாது.
அதற்காக சண்டை போடுகிறோம். இதை புரியாமல் செய்கிறார்கள். பாஜகவை எப்படியாவது வர விட்றனும் என நினைக்கிறார்கள். தனக்கு கிடைக்கலன்னா தட்டி விட்றனும் என்கிற பழக்கம்தான் இது. வன்மத்தின் உச்சம் இது. தமிழ்நாட்டில் நன்மைக்காக பார்க்க வேண்டும். கூட்டணி என்பது தேர்தலுக்காக உருவாக்கப்பட்டது. 2026 தேர்தல் முடிவு பெற்றுவிட்டது.
அரசியல் விவகார குழு முடிவெடுத்து இருக்கிறது. அந்த முடிவை கிரிஷ் சோடங்கர் அறிவிப்பார். தவெகவிடம் ஆட்சியில் பங்கு கேட்பீர்களா என்று கேட்கிறீர்கள்.. இதெல்லாம் பிள்ளை பிறக்கும் முன் பெயர் வைப்பது மாதிரி.. அதனால் நடக்கட்டும்.. தமிழக வாக்காளர்கள் தெளிவாக முடிவு எடுத்து வருகிறார்கள். சிலர் சொல்லிட்டு இருந்தார்கள் தமிழக மண்ணுக்கு ஆட்சியில் பங்கு ஒத்துவராது என்று.. மக்கள் அதற்கு பதில் சொல்லிவிட்டார்கள்.
தமிழக மக்கள் தீர்மானித்துவிட்டார்கள். அதிமுகவுடன் பேசுகிறார்களா என்று எனக்கு தெரியாது. தமிழக வெற்றிக் கழகமும் திராவிட சித்தாந்தம்தான் பேசுகிறது. கலைஞர், எம்.ஜி.ஆர் பேசிய அரசியலைத்தான் விஜய்யும் பேசுகிறார். தமிழ்நாட்டு மண் வெறுப்பு அரசியலுக்கு எதிரானது" என்று கூறினார்.
Click it and Unblock the Notifications
Sign in with Google