Congress MLAs: தவெகவுடன் கூட்டணி.. காங்கிரஸ் 5 எம்எல்ஏக்கள் யார் யார்? எந்த தொகுதியில் வெற்றி பெற்றனர்?

Updated: Wednesday, May 6, 2026, 14:17 [IST]

Subscribe to Oneindia Tamil

சென்னை: தவெக தலைவர் விஜய்க்கு ஆதரவு அளிப்பதாக காங்கிரஸ் அறிவித்துள்ளது. இதனால் 10 ஆண்டுகளாக நீடித்து வந்த திமுக - காங்கிரஸ் கூட்டணி முறிந்துள்ளது. விஜய்க்கு ஆதரவு அளித்த நிலையில், காங்கிரஸ் கட்சியில் யார் யார் வெற்றி பெற்றுள்ளனர், எந்த தொகுதியில் வெற்றி பெற்றுள்ளனர் என்ற விவரத்தை இங்கு காணலாம்.

தமிழக சட்டசபை தேர்தலில் திமுகவுடன் இணைந்து காங்கிரஸ் போட்டியிட்டது. மொத்தம் 28 தொகுதிகளில் காங்கிரஸ் போட்டியிட்டது. இதில் 5 தொகுதிகளில் மட்டுமே காங்கிரஸ் வெற்றி பெற்றது. அந்த 5 தொகுதிகள் விவரம்:-

காங்கிரஸ் 5 எம்.எல்.ஏக்கள்

* குளச்சல் - தாரகை கத்பர்ட்
* மதுரை மேலூர் - விஸ்வநாதன்
* மயிலாடுதுறை - ஜமால் முகமது
* விளவங்கோடு - பிரவீன்
* கிள்ளியூர் - ராஜேஷ்குமார்

காங்கிரஸ் தொண்டர்கள் உற்சாகம்

இதனை ஏற்றுக்கொண்ட காங்கிரஸ் தமிழகத்தில் நிலையான ஆட்சியை வழங்க தவெகவிற்கு நிபந்தனையற்ற ஆதரவு அளிப்பதாக தெரிவித்துள்ளது. வரவிருக்கும் உள்ளாட்சித் தேர்தல்களிலும் தவெகவுடன் இணைந்து களம் காண காங்கிரஸ் முடிவு செய்து இருக்கிறது. கிராமப்புற மற்றும் நகர்ப்புற வாக்கு வங்கிகளை ஒருங்கிணைக்க இரு கட்சிகளும் திட்டமிட்டு இந்த முடிவை எடுத்துள்ளது.

Recommended For You

எடப்பாடியை விஜய் சந்திக்கவில்லை! என்டிஏ கூட்டணியில் யாருடனும் பேசவில்லை! மறுக்கும் தவெக!

2029 லோக்சபா தேர்தலின்போதும் தவெகவுடன் கூட்டணி அமைப்பதோடு, ராஜ்யசபா தேர்தல்களிலும் தவெக வேட்பாளர்களுக்கு ஆதரவு அளிக்கப்படும் என காங்கிரஸ் கூறியுள்ளது. இதனால் தவெக மற்றும் காங்கிரஸ் தொண்டர்கள் உற்சாகமடைந்துள்ளனர். காங்கிரஸ் தலைமை அலுவலகத்திலும் இனிப்பு வழங்கி பட்டாசு வெடித்து காங்கிரஸ் தொண்டர்கள் கொண்டாட்டத்தில் ஈடுபட்டுள்ளனர்.

கார்த்தி சிதம்பரம் பேச்சு

விஜய்யின் ஆட்சி என்பது மக்களின் முடிவு.. மக்களின் முடிவை ஆதரித்து நாங்கள் தவெகவுடன் கூட்டணிக்கு செல்கிறோம். தேர்தலுக்கு பிந்தையக் கூட்டணி என்பது வழக்கமான ஒன்று தான். விஜய் அழைத்ததால் அவரை மதித்து நாங்கள் செல்கிறோம் என்று கார்த்தி சிதம்பரம் கூறியிருந்தார்.