நிலவரம் இப்போ கலவரம்! தட்டித் தூக்குது தவெக! பலிக்குமா ஆக்சிஸ் மை இந்தியா கணிப்பு! தவிக்கும் திமுக!
சென்னை: 2026 தமிழக சட்டசபை தேர்தல் வாக்கு எண்ணிக்கை நடைபெற்று வரும் நிலையில் தமிழக ஒன்பதரை மணி நிலவரப்படி தமிழக வெற்றிக் கழகம் 90க்கும் மேற்பட்ட தொகுதிகளில் முன்னிலையில் இருக்கும் நிலையில் மை இந்தியா வெளியிட்ட கருத்துக்கணிப்பு பலிப்பதற்கு நிறைய வாய்ப்பு இருக்கிறது. காரணம், பெரும்பாலான கணிப்புகள் திமுகவே மீண்டும் ஆட்சியைப் பிடிக்கும் என்று கூறியுள்ள நிலையில், இந்த நிறுவனம் மட்டும் முதன்முறையாக தேர்தலில் களம் கண்டுள்ள நடிகர் விஜய்யின் தமிழக வெற்றி கழகம் ஆட்சி அமைக்கும் என கணித்தது குறிப்பிடத்தக்கது.
அந்த கணிப்பின் படி, தமிழக வெற்றி கழகம் 98 முதல் 120 தொகுதிகள் வரை வெற்றி பெறும் என்றும், திமுக 92 முதல் 110 இடங்கள் வரை மட்டுமே பெறும் என்றும் கூறப்பட்டது. மேலும் அதிமுக கூட்டணி 22 முதல் 32 இடங்களில் தான் வெற்றி பெறும் எனவும் அந்த கணிப்பு தெரிவித்துள்ளது.
இதனால், தமிழக அரசியலில் மூன்றாவது சக்தியாக உருவெடுத்து நேரடியாக ஆட்சியைப் பிடிக்கும் வாய்ப்பு தமிழக வெற்றி கழகத்துக்கு இருக்கிறது என்ற எதிர்பார்ப்பு எழுந்துள்ளது. தமிழகத்தில் கடந்த பல ஆண்டுகளாக திமுக மற்றும் அதிமுக ஆகிய இரு கட்சிகளுக்குள் தான் ஆட்சிப் போட்டி இருந்து வந்தது.
ஆனால் இந்த முறை விஜய் தலைமையிலான தமிழக வெற்றி கழகம் களம் இறங்கியதால் அரசியல் கணக்குகள் முழுவதும் மாறியுள்ளன. ஆக்சிஸ் மை இந்தியா 2021 தேர்தலில் திமுக மிகப்பெரிய வெற்றி பெறும் என அதிக அளவில் கணித்திருந்தது. அதேபோல் திமுக 133 இடங்களுடன் ஆட்சியைப் பிடித்தது. இதனால், அந்த கணிப்புகள் முழுமையாக துல்லியமாக இல்லாவிட்டாலும், ஒரு அளவுக்கு மக்களின் ஆதரவு போக்கை காட்டியதாகவே பார்க்கப்பட்டது.
குறிப்பாக நடிகர் விஜய்யின் தமிழக வெற்றிக் கழகம் 98 முதல் 120 இடங்கள் கிடைக்கும் என்ற கணிப்பு பலருக்கும் ஆச்சரியமாக உள்ளது. ஏனெனில் மற்ற நிறுவனங்கள் வெளியிட்ட கணிப்புகள் பெரும்பாலும் திமுகக்கு சாதகமாகவே இருந்தன. இந்த நிலையில் தற்போது வெளியாகி உள்ள தேர்தல் முடிவுகளின் படி தமிழக வெற்றி கழகம் முன்னிலையில் இருக்கிறது. அதிர்ச்சி தரும் விதமாக திமுக மூன்றாவது இடத்திற்கு தள்ளப்பட்டு இருக்கிறது. ஆக்ஸிஸ் மை இந்தியா கணிப்பின்படி 90 முதல் 120 இடங்கள் தமிழக வெற்றி கழகத்திற்கு கிடைக்கும் என சொல்லி இருந்த நிலையில் தற்போது அந்த நிலையில்தான் தமிழக வெற்றிக்கழகம் இருப்பது குறிப்பிடத்தக்கது.
Click it and Unblock the Notifications
Sign in with Google