TVK Vijay Mahabalipuram Christmas celebration live : மற்றவர்களின் நம்பிக்கையை மதிக்கணும்.. விஜய் பேச்சு

Updated: Monday, December 22, 2025, 12:46 [IST]

Subscribe to Oneindia Tamil

சென்னை: தமிழக வெற்றிக்கழகம் சார்பில் செங்கல்பட்டு மாவட்டம், மாமல்லபுரத்தில் உள்ள 'ப்போர் பாயிண்ட்ஸ்' கன்வென்ஷன் சென்டரில் இன்று கிறிஸ்துமஸ் விழா நடைபெறுகிறது. இந்த விழாவில் த.வெ.க. தலைவர் விஜய் கலந்துகொண்டு பேசுகிறார். இதில் செங்கோட்டையன், புஸ்ஸி ஆனந்த், ஆதவ் அர்ஜுனா, அருண்ராஜ் உள்ளிட்டோரும் பங்கேற்க உள்ளனர். இதில் பங்கேற்பதற்காக நடிகர் விஜய் வீட்டை விட்டு புறப்பட்டார்.

தமிழக அரசியல் கட்சிகள் சார்பில் கிறிஸ்துமஸ் விழா ஒவ்வொரு கிறிஸ்துமஸ் பண்டிகையின் போதும் கொண்டாடப்படுவது வழக்கமாக இருக்கிறது அந்த வகையில் தமிழக வெற்றிக்கழகம் சார்பில் செங்கல்பட்டு மாவட்டம், மாமல்லபுரத்தில் உள்ள 'ப்போர் பாயிண்ட்ஸ்' கன்வென்ஷன் சென்டரில் இன்று காலை 10.30 மணிக்கு நடைபெறுகிறது.

TVK Vijay Mahabalipuram Christmas celebration live update Vijay has departed from his home

சமத்துவக் கிருஸ்துமஸ் விழா என்ற பெயரில் நடைபெறும் இந்த விழாவில் தவெக தலைவரான நடிகர் விஜய் கலந்து கொண்டு பேசுகிறார். இதில் 1500 பேர் கலந்துக்கொள்ளும் இந்நிகழ்ச்சியில், QR கோட் அனுமதிச்சீட்டு வைத்துள்ள நபர்களை மட்டும் அனுமதி அளிக்கப்படுகிறது.

கரூர் கூட்ட நெரிசல் சம்பவம் காரணமாக, தீபாவளி பண்டிகை கொண்டாட்டங்களை கட்சியினர் தவிர்த்த நிலையில், கிறஸ்துமஸ் விழாவை விமரிசையாக கொண்டாட திட்டமிட்டிருக்கிறார்கள். இன்று நடைபெறும் விழாவில் செங்கோட்டையன், புஸ்ஸி ஆனந்த், ஆதவ் அர்ஜுனா, அருண்ராஜ் உள்ளிட்டோரும் பங்கேற்க உள்ளார்கள்.

விழா நடைபெறும் நட்சத்திர ஓட்டலுக்கு தவெக தலைவர் விஜய் காரில் புறப்பட்டு சென்றுள்ளார். மகாபலிபுரத்தில் விழா நடைபெறும் இடத்தில் பாதுகாப்பு ஏற்பாடுகள் பலப்படுத்தப்பட்டுள்ளது. இந்த விழாவிற்கு செல்ல விஜய் ரசிகர்கள் பலர் ஆர்வம் காட்டுகிறார்கள். ஊடகங்கள் பல வரிசை கட்டி ஓட்டல் முன்பும் காத்திருக்கின்றன. எனினும் இந்த நிகழ்வில் பங்கேற்க பாஸ் உள்ளவர்கள் மட்டுமே அனுமதிக்கப்பட்டு வருகிறார்கள். மகாபலிபுரத்தில் ஆச்சரியம் அளிக்கும் விதிமாக வழக்கத்தைவிட அமைதியான சூழலே காணப்படுகிறது.

Dec 22, 2025, 12:34 pm IST

அப்படிப்பட்ட நம்பிக்கை இருந்துட்டாலே போதும்.. எப்பேர்பட்ட பிரச்சனைகளையும் ஜெயிக்கலாம். அதுமட்டுமல்ல.. அப்படிப்பட்ட நம்பிக்கையோடு வலிமையை பற்றி சொல்வதற்கு பைபிளில் நிறைய கதைகள் உள்ளன. படிக்காதவர்கள்.. படித்து பாருங்கள். ஒரு இளைஞனுக்கு எதிராக சகோதரர்கள் பொறாமை பட்டு, அவனை பாழும் கிணற்றில் தள்ளிவிட்டார்கள், அவர் எப்படி மீண்டு வந்து நாட்டுக்கே அரசனாகி, (உற்சாக குரல் எழுப்புகிறார்கள்) தனக்கு துரோகம் செய்த சகோதரர்களிடம் நாட்டையே எப்படி காப்பாற்றினார் என்ற கதை பைளில் இருக்கிறது. படிக்காதவர்கள் படித்து பாருங்கள்.. அந்த குறிப்பிட்ட கதை யாரை பற்றியது என்று நான் சொல்லி தெரிய வேண்டும் என்ற அவசியம் உங்களுக்கு இல்லை (திமுகவை பற்றியது).

Dec 22, 2025, 12:26 pm IST

மற்றவர்களின் நம்பிக்கையை மதிக்க சொல்லி தருகிறோம்.. நடிகர் விஜய் அதிரடி பேச்சு

Dec 22, 2025, 12:25 pm IST

அதனால் தான் நாம் அரசியலுக்கு வந்த பின்னர், கடவுள் நம்பிக்கை உள்ளது என்று அறிவித்தது ஏன் தெரியுமா? உண்மையான நம்பிக்கை தான் நல்லிணக்கத்தை விதைக்கும். மற்றவர்களின் நம்பிக்கையை மதிக்க சொல்லி தருகிறோம்.

Dec 22, 2025, 12:19 pm IST

மேடைடையில் விஜய் பேச தொடங்கிவிட்டார்.. நடிகர் விஜய் பேசுகையில், இது ஒரு அன்பான தருணம்,அழகான தருணம். அன்பும் கருணையும் எல்லாவற்றுக்கும் அடிப்படை. இந்த இரண்டுமே இருக்கும் மனசு தான் தாய் மனசு.. நம்ம தமிழ்நாடு மண்ணும் அப்படிப்பட்ட மண்ணுதாங்க . தாய் அன்பு கொண்ட மண்ணுதான். ஒரு தாய்க்கு எல்லாம் பிள்ளைகளும் ஒன்று தான். அதனால் பொங்கல், தீபாவளி, ரம்ஜான்,கிறிஸ்துமஸ் போன்ற எல்லா பண்டிகைகளும், எல்லாரும் சந்தோஷமாக ஷேர் பண்ணிக்ககூடிய ஊரு தானே நம்ம ஊரு.. இங்கு வாழ்க்கை முறையும் வழிபாட்டு முறையும் வேறுவேறு என்றாலும் நாம் எல்லாருமே சகோதரர்கள் தானே.

Dec 22, 2025, 10:48 am IST

நடிகர் விஜய் விழா மேடைக்கு வந்ததும், உற்சாகத்து எழுந்து கைதட்டி வரவேற்றனர். விஜய் மேடையில் இருந்த அனைவருக்கும் பொன்னாடை போர்த்தி வரவேற்றார். தொடர்ந்து விஜய் மேடையில் இருந்து விழாவில் பங்கேற்றவர்களை நோக்கி கையசைத்தார்.

Dec 22, 2025, 10:33 am IST

மாமல்லபுரத்தில் உள்ள நட்சத்திர விடுதியில் நடக்கும் சமத்துவ கிறிஸ்மஸ் விழாவுக்கு தமிழக வெற்றி கழகத்தின் தலைவர் விஜய் சென்றடைந்தார். காரில் வந்திறங்கிய விஜய்யை நிர்வாகிகள் உற்சாகமாக வரவேற்றனர்.

Dec 22, 2025, 10:12 am IST

மாமல்லபுரத்தில் உள்ள நட்சத்திர விடுதியில் நடக்கும் சமத்துவ கிறிஸ்மஸ் விழாவுக்கு தமிழக வெற்றி கழகத்தின் தலைவர் விஜய் நீலாங்கரையில் உள்ள தனது இல்லத்தில் இருந்து புறப்பட்டு சென்று கொண்டிருக்கிறார்.

10:12 AM, 22 Dec