விசிகவுக்கு விஜய் கொடுத்த ஆஃபர்.. தவெகவுடன் கூட்டணியா.. திருமாவளவன் புது ட்விஸ்ட்

Updated: Monday, May 11, 2026, 10:06 [IST]

Subscribe to Oneindia Tamil

சென்னை: தமிழக அரசியல் களம் சட்டமன்ற தேர்தலுக்கு முன்பு, தேர்தலுக்கு பிறகு என்று இரண்டாக மாறலாம். தவெக தனிப்பெரும்பான்மை கட்சியாக வெற்றி பெற்றனர். ஆட்சியமைப்பதற்கான பெரும்பான்மை அவர்களுக்கு கிடைக்கவில்லை. காங்கிரஸ், கம்யூனிஸ்ட்கள், விசிக ஆதரவுடன் தவெக ஆட்சியமைத்துள்ளது. திமுக கூட்டணியில் இருந்து வெளியேறி காங்கிரஸ் தவெகவுடன் ஆட்சி அதிகாரத்தில் பங்கெடுத்துள்ளது. இதேபோல விசிகவுக்கும் ஆட்சி அதிகாரத்தில் இடம்பெறுவதற்கான வாய்ப்பை முதல்வர் விஜய் வழங்கியுள்ளார். இதுகுறித்து விரைவில் முடிவு செய்யவுள்ளதாக திருமாவளவன் கூறியுள்ளார்.

விசிக தலைவர் திருமாவளவன் ஆங்கில ஊடகத்திற்கு அளித்த பேட்டியில் கூறுகையில், "தவெகவுக்கு வெளியில் இருந்து ஆதரவு அளிக்க வேண்டும் என்று விசிக உயர்நிலைக் குழுவில் முடிவு செய்துள்ளோம். நாங்கள் தவெக தலைவரோடு இந்த ஆட்சியில் அதிகார பகிர்வு செய்வது தொடர்பாக எதுவும் பேசவில்லை. அவர்கள் விசிக அமைச்சரவையில் இடம்பெற வேண்டும் என்று கேட்டு கொண்டனர்.

விசிகவுக்கு தவெக ஆஃபர்

பதவியேற்புக்கு பிறகு அதைப்பற்றி பேசலாம் என்று நாங்கள் சொல்லியுள்ளோம். திமுக கூட்டணியில் இருந்து காங்கிரஸ் வெளியேறிவிட்டது. தவெகவுடன் கூட்டணி அமைத்து ஆட்சி அதிகாரத்தில் பங்கெடுப்பது என்று முடிவு செய்துவிட்டனர். தமிழகத்தில் திமுக காங்கிரஸ் கூட்டணி இல்லை. நாங்கள் திமுக கூட்டணியில் தொடரலாமா, காங்கிரசுடன் இந்தியா கூட்டணிக்கு செல்லலாமா என்பதை முடிவு செய்யவில்லை.

எங்கள் உயர்நிலைக் கூட்டத்தில் ஆலோசித்து 2 வாரங்களில் முடிவு செய்வோம். இந்தியா கூட்டணியில் திமுக தொடர்வதற்கு வாய்ப்பில்லை. திமுக மக்களவை உறுப்பினர் கனிமொழி, மக்களவை சபாநாயகர் ஓம் பிர்லாவுக்கு ஒரு கடிதம் எழுதியுள்ளார். அதில், அவையில் திமுக உறுப்பினர்களுக்கு தனியாக இருக்கைகள் ஒதுக்கி தர வேண்டும் என்று கேட்டுள்ளார்.
திமுக இனி காங்கிரஸ் உடன் அமர்ந்து மக்களவையில் பணி செய்ய முடியாது என்பதை தெரியப்படுத்தியுள்ளார்.

திமுகவின் நிலை

அதனால் இந்தியா கூட்டணியில் திமுக இடம் பெற வாய்ப்பில்லை. திமுக எதிர்காலம் என்பது பாதிப்படையவில்லை. சட்டமன்ற தேர்தலில் கூட திமுக 60 தொகுதிகளில் வெற்றி பெற்றுள்ளனர். அதிக சட்டமன்ற உறுப்பினர்களுடன் எதிர்க்கட்சியாக உள்ளனர். அவர்கள் சட்டமன்றத்தில் திறம்பட செயல்படவுள்ளார். எனவே அவர்களின் எதிர்காலம் பாதிப்படையும் சூழல் இல்லை" என்றனர்.