சென்னை அம்பத்தூர் அருகே சாலையில் திடீர் ராட்சத பள்ளம்! உள்ளே விழுந்த பைக்.. அந்தரத்தில் தொங்கிய லாரி
சென்னை: சென்னை அம்பத்தூர் அருகே சாலையில் ஏற்பட்ட திடீர் பள்ளத்தில் இருசக்கர வாகனம் உள்ளே விழுந்தது. பின்னால் வந்த லாரியும் பள்ளத்தில் சிக்கி தொங்கியதால் பரபரப்பு ஏற்பட்டது.
கொரட்டூரில் இருந்து கள்ளிக்குப்பம் செல்லும் வழியில் கருக்கு மேனாம்பாடு சாலையில் இன்று மதியம் ராட்சத பள்ளம் ஏற்பட்டுள்ளது. நிலை தடுமாறி ராட்சத பள்ளத்தில் விழுந்த நிலையில், இருசக்கர வாகன ஓட்டியை பொதுமக்கள் பத்திரமாக மீட்டனர். பின்னர், இருசக்கர வாகனம் கிரேன் உதவியுடன் மீட்கப்பட்டது.
இருசக்கர வாகனத்துக்கு பின்னால் வந்த லோடு வாகனத்தின் ஒரு பக்க சக்கரம் பள்ளத்தில் சிக்கித் தொங்கியது. இதனால் அப்பகுதியில் பெரும் பரபரப்பு ஏற்பட்டது. தகவல் அறிந்த சென்னை மாநகராட்சி ஊழியர்கள், அங்கு வந்து பள்ளத்தை சரி செய்யும் பணியில் ஈடுபட்டுள்ளனர்.
ராட்சத கழிவுநீர் குழாயில் உடைப்பு ஏற்பட்டதால் சாலைக்கு நடுவே திடீர் பள்ளம் ஏற்பட்டதாக தகவல் வெளியாகியுள்ளது. ஏற்கனவே ஒருமுறை இதே பகுதியில் பள்ளம் ஏற்பட்டு சரிசெய்யப்பட்ட நிலையில் மீண்டும் அப்பகுதியில் பள்ளம் ஏற்பட்டது வாகன ஓட்டிகளை அதிர்ச்சியில் ஆழ்த்தியுள்ளது.
Click it and Unblock the Notifications
Sign in with Google