Udhayanidhi Stalin Arrest LIVE: சென்னை வந்ததும்.. இரவோடு இரவாக மு.க ஸ்டாலினை சந்தித்த உதயநிதி
Subscribe to Oneindia Tamil
சென்னை: தஞ்சை செங்கிப்பட்டியில் போலீஸ் விசாரணை முடிந்ததும் உதயநிதி ஸ்டாலின் திருச்சியில் இருந்து விமானம் மூலம் சென்னை வந்தடைந்தார். சென்னையில் திமுகவினர் உற்சாக வரவேற்பு அளித்தனர். தொடர்ந்து உதயநிதி ஸ்டாலின் முன்னாள் முதல்வரும், தந்தையுமான மு.க ஸ்டாலினை இரவோடு இரவாக நேரில் சந்தித்தார்.
தஞ்சை செங்கிப்பட்டியில் போலீஸ் விசாரணை முடிந்ததும் உதயநிதி ஸ்டாலின் திருச்சி விமான நிலையத்தில் இருந்து சென்னை வந்தடைந்தார். சென்னையில் திமுகவினர் உற்சாக வரவேற்பு அளித்தனர். தொடர்ந்து உதயநிதி ஸ்டாலின் முன்னாள் முதல்வரும், தந்தையுமான மு.க ஸ்டாலினை நள்ளிரவில் நேரில் சந்தித்தார்.
செங்கிப்பட்டியில் போலீஸ் விசாரணை நிறைவடைந்ததும் வெளியே வந்த எதிர்க்கட்சி தலைவர் உதயநிதி ஸ்டாலினுக்கு திமுகவின்ற மாலை அணிவித்து உற்சாக வரவேற்பு அளித்தனர். தொடர்ந்து காரில் திருச்சி விமான நிலையம் புறப்பட்ட உதயநிதிக்கு வழிநெடுகிலும் தொண்டர்கள் வரவேற்பு அளித்தனர். காரில் புறப்பட்ட உதயநிதி, திருச்சியில் இருந்து விமானத்தில் புறப்பட்டு இரவு 10.30 மணிக்கு சென்னை வந்தடைவார் என்று எதிர்பார்க்கப்படுகிறது.
உதயநிதி ஸ்டாலினிடம் செங்கிப்பட்டி காவல் நிலையத்தில் 1 மணி நேரத்திற்கும் மேலாக போலீசார் நடத்திய விசாரணை நிறைவு பெற்றது. இதையடுத்து தனது காரில் உதயநிதி சென்னை புறப்பட்டுள்ளார். உதயநிதி விடுவிக்கப்பட்டதும் அங்கு திரண்டு இருந்த திமுகவினர் உற்சாகத்தில் அவருக்கு ஆதரவாக கோஷம் எழுப்பினர்.
செங்கிப்பட்டி காவல் நிலையத்தில் வைத்து உதயநிதியிடம் விசாரணை நடைபெற்று வரும் நிலையில், உதயநிதியை விடுவிக்கும் வரை நகர மாட்டோம் என்று காவல் நிலையம் முன்பாக திரண்டுள்ள திமுகவினர் கூறினர். கொட்டும் மழையிலும் தொடர்ந்து திமுகவினர் குவிந்து வருவதால் அங்கு பரபரப்பான சூழல் நிலவுகிறது.
இன்று இரவுக்குள் விசாரணை முடியுமா?
தஞ்சைக்கு பதிலாக செங்கிப்பட்டி காவல் நிலையத்தில் உதயநிதி ஸ்டாலினிடம் விசாரணை நடைபெற்று வருகிறது. இன்று இரவுக்குள் விசாரணை முடியுமா எனவும் கேள்வி எழுந்துள்ளது. நாளை காலை தவெக அரசின் முதல் பட்ஜெட் கூட்டத்தொடர் நடக்கும் நிலையில் இன்று இரவுக்குள் உதயநிதி ஸ்டாலின் விடுவிக்கப்படுவாரா என்ற கேள்வியும் எழுந்துள்ளது. சென்னை உயர் நீதிமன்றம் கைது செய்யக்கூடாது இன்றே விடுவிக்க வேண்டும் என உத்தரவிட்டு இருந்தது.
செங்கிப்பட்டி காவல் நிலையத்தில் எதிர்க்கட்சி தலைவர் உதயநிதி ஸ்டாலினிடம் விசாரணை நடந்து வரும் நிலையில் திமுகவினர் அங்கு ஏராளமானோர் திரண்டனர். போலீசாருக்கு எதிராக கோஷம் எழுப்பியதால் பதற்றமான சூழல் நிலவுகிறது. காவல் நிலையத்திற்குள் செல்ல முயன்றதால் போலீசார் மற்றும் திமுகவினர் இடையே தள்ளுமுள்ளு ஏற்பட்டுள்ளது. இதனால் அங்கு உச்சக்கட்ட பரபரப்பான சூழல் நிலவுகிறது.
செங்கிப்பட்டியில் போலீசார் - திமுகவினர் இடையே தள்ளுமுள்ளு
செங்கிப்பட்டி காவல் நிலையத்தில் உதயநிதி ஸ்டாலினிடம் விசாரணை நடத்தப்படும் நிலையில், வெளியே குவிந்து இருந்த திமுகவினர் பேரிகார்டுகளை தள்ளிவிட்டு காவல் நிலையத்திற்குள் செல்ல முயன்றனர். அப்போது அவர்களை போலீசார் தடுத்து நிறுத்தியதால் போலீஸ் - திமுகவினர் இடையே தள்ளுமுள்ளு ஏற்பட்டுள்ளது. இதனால் அங்கு தொடர்ந்து பதற்றமான சூழல் நிலவுகிறது.
செங்கிப்பட்டி காவல் நிலையத்தில் விசாரணை நடத்துவது என்றால் வேனில் இருந்து இறங்க மாட்டேன் என உதயநிதி ஸ்டாலின் கூறியதாக தகவல் வெளியாகி உள்ளது. தஞ்சை தெற்கு காவல் நிலையத்தில் தான் விசாரணை நடத்த உயர்நீதிமன்றம் அனுமதி அளித்துள்ளது எனவும் உதயநிதி போலீசாரிடம் கூறியதாக தகவல் வெளியாகி உள்ளது.
வாகனத்தை விட்டு இறங்காமல் இருக்கும் உதயநிதி ஸ்டாலின்
தஞ்சாவூர் தெற்கு காவல் நிலையத்தில் விசாரணை நடத்துவதாக கூறிவிட்டு அங்கு திமுகவினர் அதிகளவில் திரண்டதால் செங்கிப்பட்டி காவல் நிலையத்திற்கு உதயநிதி ஸ்டாலினை அழைத்து சென்றனர். ஆனால் உயர் நீதிமன்றம் தஞ்சை தெற்கு காவல் நிலையத்தில் தான் விசாரிக்க வேண்டும் என கூறியதால் உதயநிதி ஸ்டாலின் போலீஸ் வாகனத்தில் இருந்து இறங்காமல் உள்ளார்.
READ MORE
Click it and Unblock the Notifications
Sign in with Google
