எல்லா மதத்தினருக்கும் பொதுவானவன் நான்! எல்லா பண்டிகைகளுக்கும் வாழ்த்துச் சொல்வேன்! உதயநிதி 'பளிச்'!
சென்னை: எல்லா மதத்தினருக்கும் பொதுவானவன் நான் என அமைச்சர் உதயநிதி ஸ்டாலின் சென்னையில் நடைபெற்ற கட்சி நிகழ்ச்சி ஒன்றில் பேசியிருக்கிறார்.
கிறிஸ்துமஸ் பண்டிகைக்கு வாழ்த்துச் சொன்னது போல், தை பொங்கலுக்கும் வாழ்த்துச் சொல்வேன், ரம்ஜான் பண்டிகைக்கும் வாழ்த்துச் சொல்வேன் என அவர் கூறியிருக்கிறார்.
ஒரு நிகழ்ச்சியை எப்படி நடத்த வேண்டும் என்பதை அமைச்சர் சேகர்பாபுவை பார்த்து மற்ற மாவட்டச் செயலாளர்கள் கற்றுக்கொள்ள வேண்டும் என கூறினார்.
அன்பழகன் நூற்றாண்டு
சென்னை கிழக்கு மாவட்ட திமுக சார்பில் பேராசிரியர் அன்பழகன் நூற்றாண்டு நிறைவு விழா பொதுக்கூட்டம் நேற்று நடைபெற்றது. இதில் பங்கேற்று பேசிய அமைச்சர் உதயநிதி ஸ்டாலின், அமைச்சர் சேகர்பாபுவை புகழ்ந்து தள்ளிவிட்டார். தனது மனதுக்கு நெருக்கமான மாவட்டங்களில் சென்னை கிழக்கு மாவட்டமும் ஒன்று எனக் கூறிய அமைச்சர் உதயநிதி, தன்னை மற்ற மாவட்டங்களிலும் கட்சிப்பணிகளை கவனிக்க விடுமாறு அமைச்சர் சேகர்பாபுவுக்கு அன்புக் கோரிக்கை விடுத்தார்.
பொதுவான நபர்
வெளியூர் நிகழ்ச்சிகளுக்கு தன்னால் செல்ல முடியாத அளவுக்கு சென்னை கிழக்கு மாவட்டத்தில் அமைச்சர் சேகர்பாபு நிகழ்ச்சிகளை நடத்தி தன்னை அழைத்து வருவதாக கூறினார். மேலும் கிறிஸ்துமஸ் பண்டிகைக்கு தாம் வாழ்த்துக் கூறியது வைரலானதாகவும் தன்னை பொறுத்தவரை சாதி மதம் பார்க்க மாட்டேன் எனவும் தெரிவித்தார். எல்லா மதத்தினருக்கும் பொதுவானவன் நான் என பேசிய அமைச்சர் உதயநிதி எல்லா பண்டிகைகளுக்கும் வாழ்த்துச் சொல்வேன் எனத் தெரிவித்தார்.
எல்லா பண்டிகைகளுக்கும்
மேலும், கிறிஸ்துமஸ் பண்டிகைக்கு வாழ்த்துச் சொன்னது போல், தை பொங்கலுக்கும் வாழ்த்துச் சொல்வேன், ரம்ஜான் பண்டிகைக்கும் வாழ்த்துச் சொல்வேன் என அவர் கூறியிருக்கிறார். தன்னை பொறுத்தவரை உங்கள் வீட்டுச் செல்லபிள்ளையாக இருக்கவே விரும்புகிறேன் என கூட்டத்தினரை நோக்கி கூறினார். இதனிடையே இவருக்கு முன்னதாக பேசிய அமைச்சர் சேகர்பாபு, உதயநிதி ஸ்டாலின் ஒரு போர்வீரனை போல் சுழன்று கொண்டிருப்பதாக புகழாரம் சூடினார்.
தயாநிதி மாறன்
இதனிடையே அந்தக் கூட்டத்தில் பேசிய நாடாளுமன்ற உறுப்பினர் தயாநிதி மாறன், அமைச்சராக பொறுப்பேற்றதும் 234 தொகுதிகளிலும் விளையாட்டு ஸ்டேடியம் அமைக்கப்படும் என அறிவித்து முதல் பந்திலேயே சிக்ஸர் விளாசியிருக்கிறார் உதயநிதி எனத் தெரிவித்தார்.
Click it and Unblock the Notifications
Sign in with Google