கங்குவாவுக்கு டிசைன் டிசைனா வரும் பிரச்சினை! சூர்யாவுக்கு குறுக்கே எஸ்கே? அமரனை தூக்காத தியேட்டர்கள்

சென்னை: இயக்குனர் சிறுத்தை சிவா இயக்கத்தில் சூர்யா நடித்திருக்கும் கங்குவா திரைப்படம் நாளை மறுநாள் வெளியாக இருக்கிறது. இந்த நிலையில் பண விவகாரம் உள்ளிட்ட பிரச்சனைகளில் கங்குவா ரிலீஸ் ஆகுமா என்ற கேள்வி எழுந்திருக்கிறது. இதற்கிடையே சிவகார்த்திகேயனின் அமரன் படத்தின் மூலமும் கங்குவாவுக்கு சிக்கல் முளைத்திருக்கிறது.

முதன்முறையாக சிறுத்தை சிவா இயக்கத்தில் சூர்யா நடித்திருக்கும் கங்குவா திரைப்படம் பல்வேறு தடைகள் பிரச்சனைகளைத் தாண்டி நவம்பர் 14ஆம் தேதி வெளியாக இருக்கிறது. ஏற்கனவே அக்டோபர் பத்தாம் தேதி வெளியாகும் என அறிவிக்கப்பட்ட நிலையில் அப்போது வேட்டையன் படத்தின் ரிலீஸ் காரணமாக தள்ளி வைக்கப்பட்டது.

வரலாற்று பின்னணியில் உருவாகி இருக்கும் இந்த படம் 350 கோடி ரூபாய் பட்ஜெட்டில் எடுக்கப்பட்டிருக்கிறது. ஸ்டுடியோ கிரீன் தயாரிக்கும் இந்த படம் இதுவரை சூர்யா நடித்த படங்களிலேயே அதிக பட்ஜெட் கொண்டது என்பது குறிப்பிடத்தக்கது. இந்நிலையில் நவம்பர் 14 ரிலீஸ் என அறிவிக்கப்பட்டு,, தொடர்ந்து படத்துக்கான பிரமோஷன் பணிகளில் சூர்யா உள்ளிட்ட படக்குழுவினர் ஈடுபட்டு வந்தனர். படம் 2000 கோடிக்கும் மேல் வசூலிக்கும் என தயாரிப்பாளர் ஞானவேல் ராஜா நம்பிக்கையை தெரிவித்திருக்கிறார்.

இது ஒரு புறம் இருக்க சென்னையில் தற்போது மழை கொட்டி தீர்த்து வரும் நிலையில் தியேட்டர்களில் மக்கள் கூட்டம் இருக்குமா என்பது ஒரு கேள்வி. இது மட்டுமல்லாமல் அர்ஜுன் லால் என்பவரிடம் கங்குவா படத்திற்காக ஸ்டுடியோ கிரீன் 20 கோடி கடன் வாங்கிய நிலையில் அந்த பணத்தை செலுத்திய பிறகு தான் படம் ரிலீஸ் ஆகும் என்ற நிலைமையில் இருக்கிறது.

இது ஒரு புறம் இருக்க அமரன் திரைப்படம் கங்குவா படத்திற்கு புதிய சிக்கலாக உருவெடுத்திருக்கிறது. கடந்த 31ஆம் தேதி தீபாவளியை முன்னிட்டு சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் மேஜர் முகந்த் வரதராஜனின் வரலாற்று திரைப்படமான அமரன் வெளியானது. பெரிய அளவில் எதிர்பார்ப்பு இல்லை என்றாலும் போகப் போக படத்தின் பிக்கப் அதிகரித்தது. மேலும் இஸ்லாமிய மக்களை தீவிரவாதிகளாக சித்தரித்துள்ளதாக சில கட்சிகள் போராட்டத்தில் குதிக்க அதுவே படத்துக்கான பிரமோஷன் ஆக மாறிப்போனது.

மேலும் முதலமைச்சர் ஸ்டாலின், துணை முதலமைச்சர் ஸ்டாலின், ரஜினிகாந்த், பாஜகவினர் பல பிரபலங்களும் படத்தை பாராட்ட, படத்தின் வசூல் குவிந்து வருகிறது. தற்போதைய தகவல்களின் படி அமரன் 250 கோடிக்கு மேல் படத்தின் வசூல் தாண்டி இருக்கும் நிலையில் அமரன் படம் கங்குவாவுக்கு சிக்கலாக உருவெடுத்திருக்கிறது. பொதுவாக ஒரு படம் வெளியானால் 28 நாட்களுக்குப் பிறகு ஓடிடியில் வெளியாகும். ஆனால் தற்போது வரை தியேட்டர்களுக்கு மக்கள் கூட்டம் வந்து கொண்டிருக்கிறது.

ரசிகர்கள் தவிர்த்து பொதுமக்களும் மாணவர்களும் தியேட்டருக்கு படையெடுத்து வருகின்றனர். இதனால் கங்குவா படத்தின் ஓடிடி ரிலீஸ் மேலும் ஒரு வாரம் ஒத்திவைக்கப்பட்டு இருக்கிறது. மேலும் படம் நல்ல வசூலை குவித்து வரும் நிலையில் எதற்காக படத்தை தியேட்டர்களில் இருந்து தூக்க வேண்டும் என நினைத்தார்களோ என்னவோ பல தியேட்டர்களில் கூடுதல் காட்சிகள் அமரனுக்கு கிடைத்திருக்கிறது.

தற்போதைய சூழலில் அமரன் படத்தை எடுத்தால் மட்டுமே கங்குவாவுக்கு கூடுதல் தியேட்டர்கள் கிடைக்கும் என கூறுகின்றனர் விநியோகஸ்தர்கள். 2000 தியேட்டர்களுக்கு மேல் வெளியானால்தான் முதல் நாள் கலெக்ஷனில் ஓரளவு பார்க்க முடியும். ஆனால் முதல் நாளிலேயே கங்குவா படத்தை திரையிட்டு விட்டு அமரன் படத்தை தூக்க திரையரங்க உரிமையாளர்கள் மறுப்பதாகவும் கூறப்படுகிறது. இப்படியாக சிக்கலுக்கு மேல் சிக்கலை சந்தித்து வரும் கங்குவா வசூல் சாதனை புரியுமா என்பதுதான் தற்போதைய சினிமா வட்டாரங்களில் பேச்சாக இருக்கிறது.

English summary

The release of "Kanguva," starring Suriya and directed by Siruthai Siva, faces uncertainty due to financial issues and unexpected challenges linked to Sivakarthikeyan's upcoming film "Amaran." With its release just two days away, fans are eagerly waiting to see if these issues will be resolved in time.