அண்ணாமலை ஏதேதோ உளறிக்கிட்டு இருக்காரு.. அதுக்கெல்லாம் பதில் சொல்லணுமா? சட்டென சீறிய வைகோ!

Published: Sunday, February 11, 2024, 21:10 [IST]

Subscribe to Oneindia Tamil

சென்னை: பாஜக மாநிலத் தலைவர் அண்ணாமலையின் விமர்சனம் தொடர்பான கேள்விக்கு, காட்டமாக பதில் அளித்துள்ளார் மதிமுக பொதுச்செயலாளர் வைகோ.

லோக்சபா தேர்தல் நெருங்கி வரும் சூழலில், திமுக தனது கூட்டணி கட்சிகளுடன் தொகுதி பங்கீடு குறித்த பேச்சுவார்த்தையை நடத்தி வருகிறது. திமுக தொகுதி பங்கீட்டு குழுவினர், கூட்டணியில் உள்ள காங்கிரஸ், சிபிஐஎம், சிபிஐ, மதிமுக உள்ளிட்ட கட்சிகளுடன் முதல் கட்ட பேச்சுவார்த்தையை நடத்தியுள்ளனர்.

Vaiko furious reply to the question about Annamalais talk

மதிமுகவை பொறுத்தவரை கடந்தமுறை, அக்கட்சி சார்பில் கணேசமூர்த்தி, ஈரோடு லோக்சபா தொகுதியில் உதயசூரியன் சின்னத்தில் போட்டியிட்டு வென்றார். மதிமுக பொதுச் செயலாளர் வைகோவுக்கு ராஜ்யசபா இடம் கொடுக்கப்பட்டது. இந்நிலையில், 2 லோக்சபா சீட் + 1 ராஜ்யசபா பெற மதிமுக முயன்று வருவதாகத் தெரிகிறது.

கடந்த பிப்ரவரி 4ஆம் தேதி மதிமுகவின் ஆடிட்டர் அர்ஜுனராஜ், செந்திலதிபன், ஆவடி அந்திரிதாஸ், சேஷன் ஆகியோர் திமுக தொகுதி பங்கீட்டு குழுவினருடன் அண்ணா அறிவாலயத்தில் பேச்சுவார்த்தை நடத்தினர். இந்தப் பேச்சுவார்த்தையின்போது, மதிமுகவை, திமுக சின்னமான உதயசூரியன் சின்னத்தில் போட்டியிடுமாறு கேட்டுக் கொண்டதாக கூறப்படுகிறது.

எனினும், மதிமுக, இந்த முறை பம்பரம் சின்னத்தில் நிற்பதில் மதிமுக உறுதியாக இருக்கிறதாம். இதனால், அடுத்தகட்ட பேச்சுவார்த்தையில், என்ன நிலவரம் என்பது தெரியவரும். இந்த நிலையில், மதிமுக பொதுச்செயலாளர் வைகோ இன்று செய்தியாளர்களை சந்தித்தார்.

அப்போது, அவரிடம், லோக்சபா தேர்தலுக்கு திமுகவிடம் எத்தனை தொகுதிகள் கேட்டீர்கள் என்ற கேள்விக்கு, "முதல் ரவுண்ட் சும்மா பார்த்துட்டு வந்து இருக்காங்க. தொகுதி எண்ணிக்கையோ, எந்த இடமோ என்பது பற்றி இன்னும் எதுவும் பேசவில்லை" என்றார்.

நீங்கள் திமுக கூட்டணியில் எத்தனை சீட்கள் கேட்டீர்கள் என்ற கேள்விக்கு பதில் அளித்த வைகோ, "அதை எப்படி உங்களிடம் சொல்ல முடியும்" என்றார்.

திமுக கூட்டணி மீதான பாஜக மாநிலத் தலைவர் அண்ணாமலையின் விமர்சனம் தொடர்பான கேள்விக்கு, "அண்ணாமலை ஏதேதோ உளறிக்கொண்டிருக்கிறார். அதற்கெல்லாம் பதில் சொல்ல முடியுமா?" என்றார்.

அதிமுக மீதான அண்ணாமலையின் விமர்சனத்துக்கு பதிலளித்த வைகோ, "இது கண் துடைப்பு இல்லை; அந்த ஆள் அனாவசியமாக பேசக் கூடாததை பேசுகிறார். இதற்கு அவர்கள் பதில் சொல்கிறார்கள்" என்றார்.

Published On February 11, 2024