வாக்களிக்கும் முன் சிந்திக்க மறுக்காதீர்கள் சிந்தித்தபின் வாக்களிக்க தவறாதீர்கள் - வைரமுத்து வீடியோ

சென்னை: அன்பை கொடுக்க சிந்திக்கத் தேவையில்லை, அதிகாரத்தை கொடுக்க சிந்திக்கவேண்டும். வாக்களிக்கும் முன் சிந்திக்க மறுக்காதீர்கள், சிந்தித்தபின் வாக்களிக்க தவறாதீர்கள் என்று கவிஞர் வைரமுத்து தனது ட்விட்டர் பக்கத்தில் வீடியோ வெளியிட்டுள்ளார் இந்த வீடியோ தற்போது வைரல் ஆகி வருகிறது.

தமிழகத்தில் ஒரே கட்டமாக வாக்குப்பதிவு நடைபெற உள்ளது. நாளை காலை 7 மணிக்கு தொடங்கி மாலை 7 மணி வரை வாக்குப்பதிவு நடைபெறும். கொரோனா பாதிக்கப்பட்டவர்கள் இறுதி ஒரு மணி நேரம் பாதுகாப்பாக வாக்களிக்க ஏற்பாடு செய்யப்பட்டுள்ளது. 6,28,69,955 வாக்காளர்கள் வாக்களிக்க உள்ளதாக தமிழக தேர்தல் அதிகாரி சத்யபிரதா சாகு கூறியுள்ளார்.

வாக்களிப்பதன் அவசியத்தை வலியுறுத்தி கவிஞர் வைரமுத்து தனது ட்விட்டர் பக்கத்தில் வீடியோ ஒன்றினை பதிவிட்டுள்ளார்.

வாக்குத் தவறாமை...#TNElection2021 #TamilNaduElections2021 pic.twitter.com/8CwPPiAavD

— வைரமுத்து (@Vairamuthu) April 5, 2021

வாக்களித்தல் என்பது உங்கள் உரிமை மட்டுமல்ல அதிகாரம்
அதிகாரத்தைக் கொடுக்கும் அதிகாரம்
அன்பை கொடுக்க சிந்திக்கத் தேவையில்லை
அதிகாரத்தைக் கொடுக்க சிந்திக்கத்தான் வேண்டும்
வாக்களிக்கும் முன் சிந்திக்க மறக்காதீர்கள்
சிந்தித்த பின் வாக்களிக்க தவறாதீர்கள்

என்று வைரமுத்து வெளியிட்டுள்ள வீடியோவில் தெரிவித்துள்ளார். அந்த வீடியோ தற்போது சமூக வலைத்தளங்களில் வைரலாகி வருகிறது.

English summary

Poet Vairamuthu has posted a video on his Twitter page saying do not refuse to think before voting and do not fail to vote after thinking. This video is currently going viral.