வனிதா விஜயகுமார் கர்ப்பமாம்.. ஜூன் மாசம் டெலிவரியாம்! ராபர்ட் மாஸ்டர் செம ஹேப்பியாமே! போட்டோ பாருங்க

Updated: Sunday, May 25, 2025, 16:38 [IST]

Subscribe to Oneindia Tamil

சென்னை: சமூக வலைதளங்களில் எப்போதும் பேசு பொருளாக இருப்பவர் நடிகை வனிதா விஜயகுமார். தற்போது அவரது மகள் ஜோவிகா தயாரிக்க, அவரது இயக்கத்தில் ராபர்ட் மாஸ்டர் நடிக்கும் மிஸ்டர் அண்ட் மிஸஸ் படத்தின் புதிய போஸ்டர் வெளியாகியிருக்கிறது. அதில் வனிதா விஜயகுமார் கர்ப்பமாக இருப்பது போலவும், அவருக்கு ராபர்ட் மாஸ்டர் முத்தமிடுவது போலவும் போஸ்டர் வெளியிட்டு இருக்கிறார். ஜூன் மாதம் டெலிவரி எனவும் வித்தியாசமாக போஸ்டர் வெளியிட்டு இருக்கிறார் வனிதா விஜயகுமார். உங்க சேட்டைக்கு ஒரு அளவே இல்லையா என கமெண்ட் செய்து வருகின்றனர் நெட்டிசன்கள்.

மிகப்பெரிய சினிமா குடும்பத்தில் இருந்து வந்தவர் வனிதா விஜயகுமார். அவரது தந்தை விஜயகுமார் நீண்ட காலமாக திரைத் துறையில் பணியாற்றி வருகிறார். அவரது குடும்பமே மஞ்சுளா, அருண் விஜய், பிரீத்தா, இயக்குனர் ஹரி என மிகப் பெரிய கலை குடும்பம்.

இந்த நிலையில் சிறு வயதிலேயே சினிமாவுக்கு வந்த அப்போதைக்கு முன்னணியில் இருந்த ராஜ்கிரன் படத்தில் அறிமுகமானார். தொடர்ந்து ரஞ்சித், விஜய் உள்ளிட்ட முன்னணி நாயகர்களுடன் நடித்தார், தமிழ் சினிமாவில் ஒரு வெற்றிகரமான நடிகையாக வளம் வருவார் என எதிர்பார்த்து நிலையில் ஒரு சில பிரச்சனைகளால் சினிமாவில் இருந்து ஒதுங்க வேண்டி இருந்தது.

Vanitha Vijayakumar Robert Master cinema

முன்னதாக் ஆகாஷ் என்பவரை முதன் முதலாக திருமணம் செய்து கொண்டார். அவருடன் விவாகரத்து ஆனதால் விஜயகுமார் குடும்பத்துக்கும் வனிதாவுக்கும் விரிசல் ஏற்பட்டது. இடையே இரண்டு பேரை திருமணம் செய்ததோடு, பிரபல நடன இயக்குனரான ராபர்ட் மாஸ்டருடன் பழக்கத்தில் இருந்ததாகவும் சொல்லப்படுகிறது. இதனால் எப்போதும் சமூக வலைதளங்களில் மிகவும் பரபரப்பாக விவாதத்திற்குரிய நபராக வனிதா விஜயகுமார் இருந்தார்.

இடையே பிக் பாஸ் நிகழ்ச்சியில் கலந்து கொள்ள அவரது செயல்பாடுகள் பேசு பொருளானது. பிக் பாஸ்க்கு பிறகு பிரசாந்துடன் அந்தகன் உள்ளிட்ட சில திரைப்படங்களில் நடித்திருக்கிறார். தற்போது இயக்குனர் அவதாரம் எடுத்திருக்கும் வனிதா விஜயகுமார், ராபர்ட் மாஸ்டர் நாயகனாக நடிக்க மிஸஸ் அண்ட் மிஸ்டர் படத்தை இயக்கி வருகிறார். இந்த படத்தை வனிதாவின் மகள் ஜோவிகா விஜயகுமார் தயாரிக்கிறார்.

கடந்த சில மாதங்களுக்கு முன்னதாக படத்தின் ஃபர்ஸ்ட் லுக் போஸ்டர் வெளியான போது ராபர்ட் மாஸ்டருடன் திருமணம் நடைபெறுவது போல போஸ்டரை வெளியிட்டு பரபரப்பை கிளப்பினார். இந்த நிலையில் தற்போது மீண்டும் பரபரப்பை ஏற்படுத்தி இருக்கிறார் வனிதா.

மிஸஸ் அண்ட் மிஸ்டர் திரைப்படம் ஜூன் மாதம் ரிலீஸ் ஆக இருக்கிறது. படத்தின் ஆடியோ வெளியீட்டு விழா இன்று நடைபெறும் நிலையில், படம் குறித்த போஸ்டர் ஒன்றை வெளியிட்டு இருக்கிறார் வனிதா. அதில் நிறைமாத கர்ப்பிணியாக வனிதா விஜயகுமார் இருப்பது போலவும், அவருக்கு ராபர்ட் மாஸ்டர் முத்தம் கொடுத்தபடி இருப்பது போன்ற போஸ்டர் வெளியாகி இருக்கிறது. மேலும் ஜூன் மாதத்தில் டெலிவரி எனவும் அந்த போஸ்டரில் குறிப்பிடப்பட்டுள்ளது. மிகவும் வித்தியாசமாக வடிவமைக்கப்பட்டிருக்கும் இந்த போஸ்டர் ரசிகர்களிடம் நல்ல வரவேற்பை பெற்றிருக்கிறது. வனிதா விஜயகுமார் இயக்கி நடிக்கும் இந்த படத்துக்கு ஸ்ரீகாந்த் தேவா இசை அமைக்கிறார்.