மாஸ்டர், பிகிலை தொடர்ந்து இப்போ Beast.. தமிழ் படங்களுக்கு ஆங்கில பெயர்களா?.. விஜய்க்கு விசிக கேள்வி

சென்னை: நடிகர் விஜய் நடிக்கும் தமிழ் படங்களுக்கு ஆங்கில பெயர்களையே வைப்பதன் மர்மம் என்னவோ என விடுதலைச் சிறுத்தைகள் கட்சியின் நிர்வாகி வன்னியரசு கேள்வி எழுப்பியுள்ளார்.

நடிகர் விஜய் நடிக்கும் 65 ஆவது படத்தை சன் பிக்சர்ஸ் தயாரிக்கிறது. இந்த படத்தை நெல்சன் இயக்குகிறார். விஜயின் பிறந்தநாளையொட்டி நேற்று மாலை இந்த படத்தின் பெயரை சன் பிக்சர்ஸ் வெளியிட்டது.

படத்திற்கு பெயர் பீஸ்ட் என வைக்கப்பட்டிருந்தது. படத்தின் பெயருடன் விஜயின் பர்ஸ்ட் லுக் போஸ்டரும் வெளியானது.

பெரிய துப்பாக்கி

அதில் விஜய் கையில் பெரிய துப்பாக்கி ஏந்தியபடி செம ஸ்டைலாக நின்றிருந்தார். இந்த நிலையில் நள்ளிரவு 12 மணிக்கு அவருக்கு பிறந்தநாள் வாழ்த்துகளுடன் சன் பிக்சர்ஸ் நிறுவனம் அந்த படத்தின் இரண்டாவது லுக்கையும் வெளியிட்டது.

ரசிகர்கள்

அதில் சிறிய கைத் துப்பாக்கியை வைத்து கொண்டு வாயில் சிகரெட்டுடன் கடும் கோபத்துடன் இருக்கும் விஜயின் புகைப்படம் வெளியானது. இதை ரசிகர்கள் கொண்டாடி வருகிறார்கள். இந்த நிலையில் படத்திற்கு பீஸ்ட் என பெயரிடப்பட்டுள்ளது சர்ச்சையை கிளப்பியுள்ளது.

ட்விட்டர்

விஜயின் திரைப்படங்களுக்கு அண்மைக்காலமாக ஆங்கில பெயர்களே வைக்கப்பட்டு வருவதாக சிலர் எதிர்ப்பு தெரிவித்துள்ளார்கள். அந்த வகையில் இதுகுறித்து விடுதலை சிறுத்தைகள் கட்சியின் நிர்வாகி வன்னியரசும் தனது ட்விட்டர் பக்கத்தில் கண்டனம் தெரிவித்துள்ளார்.

பீஸ்ட் படம்

அவர் பீஸ்ட் படத்தின் செகண்ட் லுக் போஸ்டரை பதிவு செய்து ட்விட்டரில் கூறுகையில் நடிகர் விஜய் நடிக்கும் படங்கள் தமிழில் தான் எடுக்கப்படுகின்றன.ஆனால் தமது தாய்மொழியான #தமிழ் மொழியை மதிக்காமல் தொடர்ந்து ஆங்கிலப்பெயர்களையே வைப்பதன் மர்மம் என்னவோ?Master, Bigil,படங்களை தொடர்ந்து
#Beast என பெயர் சூட்டி தாய்மொழியை புறக்கணித்து அவமானப்படுத்துவது சரியா? @actorvijay என கேட்டு விஜய்க்கும் டேக் செய்துள்ளார்.

English summary

VCK Vanniarasu opposes for tamil language movies of Vijay gets English title.