வேலூர் அமமுக வேட்பாளர் மாற்றம்... புதுவையில் 2 தொகுதிகளுக்கு அமமுக வேட்பாளர்கள் அறிவிப்பு!
சென்னை: வேலூர் சட்டமன்ற தொகுதி அமமுக வேட்பாளர் மாற்றப்பட்டுள்ளார். இதேபோல் அமமுக சார்பில் புதுவை சட்டமன்ற தேர்தலில் போட்டியிடும் 2 தொகுதிகளுக்கான இறுதி கட்ட வேட்பாளர் வெளியிடப்பட்டுள்ளது.
தமிழக சட்டசபை தேர்தலுக்காக அமமுகவும் வலிமையான கூட்டணி அமைத்துள்ளது. அதிமுகவில் இருந்து பிரிந்த தேமுதிக, அமமுக கூட்டணியில் உள்ளது.
இதுபோக அசாதுதீன் ஒவைசியின் அகில இந்திய மஜ்லிஸ்-இ-இத்தாதுல் முஸ்லிமின் கட்சி, எஸ்டிபிஐ கட்சி அமமுக கூட்டணியில் உள்ளது. இந்த கட்சிகளுக்கு தொகுதிகள் ஒதுக்கப்பட்டு விட்டன.
அமமுகவும் வேட்பாளர் பட்டியல் அறிவித்து விட்டது. இந்த நிலையில் அமமுகவில் வேலூர் சட்டமன்ற தொகுதி வேட்பாளர் அப்புபால் V.M.பாலாஜி மாற்றப்பட்டு, அவருக்கு பதிலாக V.D.தர்மலிங்கம் போட்டியிடுவார் என்று அறிவிக்கப்பட்டுள்ளது.
மேலும், அமமுக சார்பில் புதுவை சட்டமன்ற தேர்தலில் போட்டியிடும் 2 தொகுதிகளுக்கான இறுதி கட்ட வேட்பாளர் வெளியிடப்பட்டுள்ளது. காலாப்பட்டு தொகுதியில் பி.கலியமூர்த்தி, காரைக்கால் தெற்கு தொகுதியில் எஸ்.முகமது சித்திக் ஆகியோர் போட்டியிடுவார்கள் என்று அறிவிக்கப்பட்டுள்ளது.
Click it and Unblock the Notifications
Sign in with Google