பண்ருட்டியில் வேல்முருகனுக்கு வெற்றி.. டெல்டா மாவட்டங்களில் திமுக கூட்டணி அபாரம்.. தந்தி டிவி சர்வே

Published: Tuesday, March 30, 2021, 22:15 [IST]

Subscribe to Oneindia Tamil

சென்னை: டெல்டா மாவட்டங்களில் திமுக அதிக இடங்களில் வெல்லும் என்றும், திமுக கூட்டணி சார்பில் பண்ருட்டியில் போட்டியிடும் தமிழக வாழ்வுரிமை கட்சித் தலைவர் வேல்முருகன், வெற்றிபெற வாய்ப்பு இருப்பதாகவும், தந்தி டிவி கருத்துக் கணிப்பு தெரிவிக்கிறது.

தந்தி டிவி கருத்துக் கணிப்பில் டெல்டா தொடர்பானதை இதோ பாருங்கள்:

திருவையாறு சட்டசபை தொகுதியில், திமுக 47 சதவீதம் முதல் 53 சதவீத வாக்குகளைப் பெறும். பாஜக 38 சதவீதம் முதல் 44 சதவீதம் வரை வாக்குகளை பெறக்கூடும்.

கும்பகோணம், மயிலாடுதுறை, பாபநாசம்

பாபநாசம் சட்டசபைத் தொகுதியில் திமுக கூட்டணியில் மனிதநேய மக்கள் கட்சி 41 சதவீதம் முதல் 47 சதவீதம் வரை வாக்குகளைப் பெற்று வெல்லக்கூடும். அதிமுக கூட்டணி 42 சதவீதம் வரை வாக்கு பெறும். கும்பகோணம் சட்டசபை தொகுதிகளில் திமுக 44 சதவீதம் முதல் 50% வரை வாக்குகளை பெறும். அதிமுக கூட்டணி 38 சதவீதம் முதல் 44 சதவீதம் வரை வாக்குகளை பெறும். மயிலாடுதுறை சட்டசபை தொகுதியில் காங்கிரஸ் 44 சதவீதம் முதல் 50% வரை வாக்குகளைப் பெறும். பாட்டாளி மக்கள் கட்சி 37 சதவீதம் முதல் 43 சதவீதம் வரை வாக்குகளைப் பெற வாய்ப்பு இருக்கிறது.

சீர்காழி, வேதாரண்யம்

சீர்காழி சட்டசபை தொகுதிகளில் திமுக 44 சதவீதம் முதல் 50% வரை வாக்குகளை பெறும். அதிமுக 40 சதவீதம் முதல் 46 சதவீதம் வரை வாக்குகளை பெறும். வேதாரண்யம் தொகுதியில் திமுக மற்றும் அதிமுக இடையே கடும் போட்டி நிலவுகிறது.

குறிஞ்சிப்பாடி, நெய்வேலி

குறிஞ்சிப்பாடி தொகுதி - திமுக கூட்டணி 45-51 %, அதிமுக கூட்டணி 41-47%, அமமுக 3-6%, நாம் தமிழர் 4-7%, நெய்வேலி தொகுதி - திமுக கூட்டணி 46-52 %, அதிமுக கூட்டணி 41-47%, அமமுக 2-5%, நாம் தமிழர் 3-6%, திருவாரூர் தொகுதி - திமுக கூட்டணி 44-50 %, அதிமுக கூட்டணி 37-43%, அமமுக 4-7%, நாம் தமிழர் 4-7%, மநீம 3-6% இவ்வாறு கூறுகிறது தந்தி டிவி கணிப்பு.

திருவாரூர்

திருவாரூர் தொடர்ந்து திமுக கோட்டையாக இருக்கிறது. இந்த முறையும் அப்படித்தான் அமையப்போகிறது. மன்னார்குடி தொகுதி - திமுக கூட்டணி 40-46 %, அதிமுக கூட்டணி 37-43%, அமமுக 8-11%, நாம் தமிழர் 5-8%, மநீம 2-5%, நன்னிலம் தொகுதி - அதிமுக கூட்டணி 42-48 %, திமுக கூட்டணி 41-47%, அமமுக 58%, நாம் தமிழர் 4-7%, மநீம 1-4% என்று தெரிவிக்கப்பட்டுள்ளது.

பரமக்குடி

பரமக்குடி தொகுதி - அதிமுக கூட்டணி 45-51 %, திமுக கூட்டணி 40-46%, அமமுக 2-5%, நாம் தமிழர் 3-6%, மநீம 3-6%, பண்ட்ருட்டி தொகுதி - திமுக கூட்டணி 46-52%, அதிமுக கூட்டணி 38-44%, நாம் தமிழர் 5-8%, மநீம 2-5% இப்படிச் சொல்கிறது கருத்துக் கணிப்பு.

வேல்முருகன் வெற்றி

பண்ட்ருட்டியில் த.வா.க தலைவர் வேல்முருகன், திமுக கூட்டணியில் உதய சூரியன் சின்னத்தில் போட்டியிடுகிறார். இந்த நிலையில் கருத்துக் கணிப்பில் அந்த தொகுதியில் திமுக கூட்டணிதான் வெல்லும் என்று தெரிவிக்கப்பட்டுள்ளதால் வேல்முருகன் ஆதரவாளர்கள் மகிழ்ச்சியடைந்துள்ளனர்.

Published On March 30, 2021