செண்பகமே செண்பகமே! பட்டிதொட்டியெல்லாம் பரவிய பாடல்.. மெல்லிய குரலில் மயக்கிய ஆஷா போஸ்லே

சென்னை: பழம்பெரும் பின்னணி பாடகி ஆஷா போஸ்லேவின் தனித்துவமான குரல், இசை உலகை பல தசாப்தங்களாக ரசிகர்களை கட்டிப்போட்டுள்ளது. 80 களின் இறுதிகளில் தொடங்கி 90 கள் வரை தமிழில் பல மறக்க முடியாத பாடல்களை பாடியுள்ளார். அவற்றில் சில பாடல்களின் பட்டியலை பார்க்கலாம்.

பழம்பெரும் பின்னணி பாடகி ஆஷா போஸ்லே நேற்று இருதய அடைப்பு காரணமாக மும்பை மருத்துவமனையில் அனுமதிக்கப்பட்டார். கார்டியாக் அரஸ்ட் காரணமாக அனுமதிக்கப்பட்ட ஆஷா போஸ்லேவிற்கு தீவிர சிகிச்சை அளிக்கப்பட்டது. எனினும், சிகிச்சை பலனின்றி ஆஷா போஸ்லே உயிரிழந்தார். அவருக்கு வயது 92.

தமிழ், தெலுங்கு, இந்தி, மலையாளம் என இந்திய மொழிகளில் 12 ஆயிரத்துக்கும் மேற்பட்ட பாடல்களை பாடியுள்ளார். தமிழிலும் ஆஷா போஸ்லே மனதை லயிக்க வைத்த பல பாடல்களை பாடியுள்ளார். ஆஷா போஸ்லே பாடி தமிழில் ஹிட் அடித்த சில பாடல்களை இங்கே பார்க்கலாம்..

"ஓ பட்டர்ஃபிளை" - மீரா படத்தில் இடம் பெற்ற இந்த பாடல் 1992-ல் வெளியான மீரா திரைப்படத்தில் இடம்பெற்றதாகும். எஸ்பி பால சுப்பிரமணியனுடன் இணைந்து இந்த பாடலை ஆஷா போஸ்லே பாடியிருருப்பார். ஆஷா போஸ்லேவின் மெல்லிய குரலும் இந்த பாடலை 70, 80 கிட்ஸ்களின் பிளே லிஸ்டில் மறக்க முடியாத பாடல்களில் ஒன்றாக உள்ளது.

கொஞ்ச நேரம் கொஞ்ச நேரம் கொஞ்சி பேசக்கூடாதா.. ரஜினிகாந்த் - நயன்தாரா நடிப்பில் வெளிவந்த சந்திரமுகி படத்தில் இடம் பெற்ற பாடல்கள் அனைத்தும் ஹிட்தான். அதிலும் இந்த படத்தில் இடம் பெற்ற கொஞ்ச நேரம் பாடல்கள் அப்போது பிரபலமாக இருந்த எப் எம்களில் ஒலிக்காத நாளே இல்லை எனவும் சொல்லும் அளவுக்கு பட்டி தொட்டியெல்லாம் பிரபலமாகியிருந்தது.

சென்பகமே செண்பகமே.. ராமராஜன் நடிப்பில் வெளியான எங்க ஊரு பாட்டுக்காரன் படத்தில் இடம் பெற்ற பாடல். 1987 ஆம் ஆண்டு வெளியான இந்த படத்தில் அனைத்துமே ஹிட் தான். அதிலும் சென்பகமே பாடல் ரசிகர்களின் மனதில் நீங்கா இடம் பிடித்த பாடல்களில் ஒன்றாகும்.

விஜயகாந்த் நடிப்பில் வெளியான சேதுபதி ஐபிஎஸ் படத்தில் இடம் பெற்ற சாத்து நட சாத்து.. குளிர்காற்றுத்தான் பார்த்து என்ற பாடல்.. 90 களில் மிகவும் ஹிட் அடித்த பாடல்களில் ஒன்றாகும். இந்த பாடலுக்கு ஏற்ற சூழலுக்கு தகுந்தபடி ஆஷா போஸ்லே தனது தனித்துவமான குரலால் கூடுதல் வலு சேர்த்து இருப்பார்.

English summary

Asha Bhosle Death: The unique voice of veteran playback singer Asha Bhosle has captivated fans across the music world for decades. From the late 80s through the 90s, she sang numerous unforgettable songs in Tamil. Let us take a look at a list of some of those songs.