முதல்வர் விஜய்யின் முதல் அரசு நிகழ்ச்சி.. ஒரே ஏஐ வீடியோவில் இத்தனை தமிழ்ப் பிழைகளா!
சென்னை: முதல்வர் விஜய்யின் முதல் அரசு நிகழ்ச்சியில் ஒளிபரப்பப்பட்ட வீடியோவிலேயே ஏராளமான தமிழ் எழுத்துக்கள் பிழையுடன் இருந்தது சோசியல் மீடியாவில் விவாதமாகி இருக்கிறது. குறிப்பாக தமிழக அரசின் இலச்சினையில் இடம்பெற்றுள்ள "தமிழ்நாடு அரசு" என்ற வார்த்தையே எழுத்துப் பிழையுடன் இருந்தது பலரையும் கொந்தளிக்க வைத்துள்ளது.
தமிழ்நாட்டில் புதிய அரசு பொறுப்பேற்ற பிறகு, முதலமைச்சர் விஜய் பங்கேற்ற முதல் அதிகாரப்பூர்வ அரசு நிகழ்ச்சியிலேயே அரங்கேறியுள்ள ஒரு சொதப்பல், தற்போது மாநிலம் தழுவிய அளவில் பெரும் பேசுபொருளாக மாறியுள்ளது. சென்னையில் பெண்கள் பாதுகாப்பை உறுதி செய்வதற்கான 'சிங்கப்பெண் சிறப்பு அதிரடிப் படை' தொடக்க விழா நடைபெற்றது.

அந்த விழாவில் அரசுத் தரப்பில் ஒளிபரப்பப்பட்ட பிரத்யேக ஏஐ வீடியோவில் இடம்பெற்றிருந்த அடுத்தடுத்த எழுத்துப் பிழைகள் மற்றும் தமிழ் வார்த்தை தவறுகள் தவெக அரசுக்குத் தேவையற்ற சிக்கலை ஏற்படுத்தியுள்ளன. ரூ.354 கோடி ஒதுக்கீட்டில், 2,500 புதிய பணியிடங்களுடன் தொடங்கப்பட்ட இந்த மெகா திட்டத்தின் தொடக்க விழாவில், ஒரு ஏஐ வீடியோ தயார் செய்யப்பட்டு எல்இடி திரையில் ஒளிபரப்பப்பட்டது.
அந்த வீடியோவில் இடம்பெற்ற காட்சிகளில் இருந்த வார்த்தைகளில் பல இடங்களில் எழுத்துப் பிழைகளும், வாக்கியப் பிழைகளும் இடம்பெற்றுள்ளன. குறிப்பாக தமிழக அரசின் இலச்சினையில் இடம்பெற்றுள்ள தமிழ்நாடு அரசு, வாய்மையே வெல்லும் உள்ளிட்ட வார்த்தைகளிலெயே எழுத்துப் பிழை இருந்தது.
அதேபோல் ஆலந்தூர் மெட்ரோ ரயில் நிலையம் என்ற வார்த்தையிலும் எழுத்துப் பிழை இருந்தது. இன்னும் சொல்லப் போனால், அது தமிழ் எழுத்து தானா என்ற சந்தேகம் எழுந்துள்ளது. தவெக அரசின் முதல் அரசு விழாவிலேயே, அதுவும் முதலமைச்சர் கலந்துகொண்ட மேடையிலேயே இத்தனை தமிழ்ப் பிழைகளுடன் வீடியோ ஒளிபரப்பப்பட்டது எப்படி என்று எதிர்க்கட்சிகள் உடனே போர்க்கொடி தூக்கியுள்ளன.
ஏஐ தொழில்நுட்பத்தை அப்படியே நம்பி, முறையான சரிபார்ப்பு செய்யாமல் அரசு அதிகாரிகள் வீடியோவை வெளியிட்டதே இதற்குப் பிரதான காரணம் என பலரும் விமர்சித்து வருகின்றனர். தொழில்நுட்பத்தைப் பயன்படுத்துவதில் காட்டிய ஆர்வத்தை, தமிழ் மொழியின் துல்லியத்தன்மையில் காட்டத் தவறியதே இந்த விவாதத்திற்கு காரணம் என்று நெட்டிசன்கள் கருத்து தெரிவித்து வருகின்றனர்.
-
எச்டி ஹூண்டாய் தூத்துக்குடி திட்டம் இன்னும் ‘கன்பார்ம்’ ஆகல! குண்டை போட்ட கொரிய தலைவர் KIM! -
தவெக ஆட்சி சிறப்பாக இருக்கு.. இன்னும் கொஞ்சம் டைம் கொடுக்கனும்! விஜய்யை சந்தித்த அன்புமணி பாராட்டு -
ஆட்சிக்கு வந்த 1 மாதத்திற்குள்.. இன்ஸ்ட்டா முழுக்க தவெக எதிர்ப்பு அலை.. அப்படியே தலைகீழாக இருக்கே! -
அதெப்படி திமிங்கலம்.. தமிழ்நாட்டிற்கு வரவேண்டிய ஒப்பந்தம் வரிசையா.. கரெக்ட்டா ஆந்திராவுக்கு போகுது! -
ஸ்டாலின் உடனே கொடுத்த கிரீன் சிக்னல்.. விஜய்யை மதிமுக துரை வைகோ சந்தித்த அடுத்த நிமிடமே அதிரடி? -
மின் தடை பரிதாபங்கள்.. சென்னைல மட்டும் தங்கத்தில் பியூஸ் கேரியர் இருக்குமோ.. தெறிக்கும் மீம்ஸ்! -
இந்தியா கூட்டணியில் மிஸ்ஸான விஜய் கட்சி.. காங்கிரஸ் ஒன்னு சொல்ல.. திருமா வேற சொல்ல..! பெரிய குழப்பம் -
வெட்கமாக இல்லையா விஜய் அரசே? ஆன்லைன் பத்திரப்பதிவு சேவை குறித்து திமுக விளக்கம் -
“வல்லாரை கீரை சாப்பிடுங்க விஜய்”.. முதல்வருக்கு தபாலில் அனுப்ப வந்த 3 பேர் கைது! -
கிடைக்கிற கேப்பில் எல்லாம்.. அடிச்சு தூக்கிய விஜய்.. வடக்கின் அஸ்திவாரத்தையே ஆட்ட போகும் பிளான் -
”ஆபரேசன் அக்னி கலசம்” வன்னியர் ஓட்டுகளை அள்ளுவது எப்படி? விஜய் அமைத்த வியூகம்! பரபரப்பான ’நார்த்’ -
"எனக்கு சினிமாவில் ஒரே நண்பன் விஜய் தான்!"... அவர் மகன் பற்றி சொன்ன விஷயம்.. ராகவா லாரன்ஸ் ஓபன்












Click it and Unblock the Notifications