600க்கு 600 மார்க் எடுத்த நந்தினிக்கு வைர நெக்லஸ் பரிசு.. கழுத்தில் மாட்டி அழகு பார்த்த விஜய்
சென்னை: பிளஸ் 2வில் 600க்கு 600 மதிப்பெண்கள் பெற்ற திண்டுக்கல் நந்தினிக்கு நடிகர் விஜய் வைர நெக்லஸ் பரிசளித்தார். அதனை உதவியாளரின் கையில் கொடுத்து நந்தினியின் கழுத்தில் போடச்சொல்லி அழகு பார்த்தார் விஜய்
நடிகர் விஜய் 12ம் வகுப்பு பொது தேர்வு மற்றும் பத்தாம் வகுப்பு பொதுத் தேர்வில் அதிக மதிப்பெண் எடுத்த மாணவர்களை சந்திக்க இருப்பதாக கடந்த வாரம் அறிவித்தார்.
அகில இந்திய தலைமை தளபதி விஜய் மக்கள் இயக்கம்" சார்பாக சென்னை, நீலாங்கரையில் உள்ள R.K Convention Centre ல் 2023ஆம் ஆண்டு நடந்து முடிந்த பத்து மற்றும் பணிரெண்டாம் வகுப்பு பொதுத் தேர்வில் தமிழ்நாடு முழுவதும் தொகுதி வாரியாக முதல் மூன்று இடங்களை பெற்ற மாணவ, மாணவிகளுக்கு "தளபதி விஜய்" மாணவ, மாணவிகளின் பெற்றோர்கள் முன்னிலையில் சான்றிதழ்கள் மற்றும் ஊக்கத்தொகை வழங்கி கௌரவப்படுத்த உள்ளார் என்று தெரிவிக்கப்பட்டது.
இந்நிலையில், இன்று 10 மற்றும் 12ம் வகுப்பு தேர்வில் தொகுதி வாரியாக முதல் மூன்று இடங்களை பிடித்தவர்களுக்கு கல்வி உதவித்தொகை மற்றும் சான்றிதழ் வழங்கினார் நடிகர் விஜய். அதன்படி முதல் இடம் பிடித்தவர்களுக்கு 25 ஆயிரம் ரூபாயும், இரண்டாம் இடம் பிடித்தவர்களுக்கு 15 ஆயிரம் ரூபாயும், 3ஆம் இடம் பிடித்தவர்களுக்கு 10 ஆயிரம் ரூபாயும் காசோலையாக வழங்கப்பட்டது. மாணவ, மாணவிகளுக்கு பொன்னாடை அணிவித்து வாழ்த்தினார். மொத்தம் ரூ.2 கோடி செலவில் இந்த விருது விழா நடைபெறுவதாக விஜய் மக்கள் இயக்க நிர்வாகிகள் தெரிவித்தனர்.
தமிழ்நாட்டில் பிளஸ் 2வில் 600க்கு 600 மதிப்பெண்கள் பெற்ற திண்டுக்கல் மாணவி நந்தினிக்கு வைர நெக்லஸ் பரிசளித்தார் நடிகர் விஜய். இரண்டு கைகளையும் இழந்த மாணவர் கீர்த்தி வாசனுக்கு பொன்னாடை அணிவித்து மேடையில் பரிசளித்தார்.
நீங்கள் நினைப்பதை உற்சாகத்தோடு செய்யுங்கள். உங்கள் மனது சொல்வதை கேட்டு நடங்கள். வெற்றி பெற்றவர்களுக்கு வாழ்த்துக்கள். வெற்றியடைந்தவர்கள் தோல்வியடைந்த மாணவர்களை சந்தித்து பேசுங்கள். படிப்பது எவ்வளவு எளிது என்று சொல்லி புரியவையுங்கள் என்றும் நடிகர் விஜய் கூறினார்.
Click it and Unblock the Notifications
Sign in with Google