மக்களுக்கு நல்லது செய்ய அரசியலுக்கு வாங்கன்னா! கொள்ளையடிக்கிறீங்க? ஜனநாயகனில் சாட்டை சுழற்றிய விஜய்!

சென்னை: நடிகர் விஜய்யின் கடைசி படமான ஜனநாயகன் படத்தின் டிரெய்லர் வெளியாகியுள்ளது. இதில் விஜய்யின் தவெக தொடர்பாக ஒரு விஷயம் இருக்கிறது. மேலும் அரசியல் வசனங்கள் நிறைய உள்ளன.

எச்.வினோத் இயக்கத்தில் விஜய் நடிக்கும் கடைசி படம் "ஜனநாயகன்". இந்த படம் வரும் 9ஆம் தேதி திரைக்கு வருகிறது. இந்த நிலையில் இந்த படத்தின் டிரெய்லர் இன்று வெளியாகியுள்ளது.

அந்த டிரெய்லரில் தமிழக வெற்றிக் கழகத்தின் கட்சி சின்னமான இரட்டை யானை இடம் பெற்றுள்ளது. மேலும் அரசியல் வசனங்கள் ஏராளமாக உள்ளன. "I am coming, திரும்பி போறதா ஐடியா இல்ல" , "மக்களுக்கு நல்லது செய்ய அரசியலுக்கு வாங்கன்னா, கொல்றதுக்கு வர்றீங்க" என சில அரசியல்வாதிகளை பெல்ட்டில் அடிப்பது போல் காட்சி இடம்பெற்றுள்ளது.

இந்த படத்தின் படப்பிடிப்பின் தொடக்கத்திலேயே மமிதா பைஜு, ஒரு விஷயத்தை சொல்லி பரபரப்பை கிளப்பினார். அதாவது வரும் தேர்தலில் விஜய் கட்சிக்கு கிடைக்கும் ஆதரவை பொருத்து அவர் மீண்டும் நடிப்பது குறித்து முடிவு செய்வார் என தன்னிடம் கூறியதாக பைஜு தெரிவித்திருந்தார்.

இந்த படத்திற்கு அனிருத் இசையமைத்துள்ளார். இதுவரை 4 பாடல்கள் வெளியாகியுள்ளது. இதில் "தளபதி கச்சேரி" எனும் பாடல் பட்டையை கிளப்பி வருகிறது. மேலும் நேற்றைய தினம் "ராவண மகன்டா" என்ற பாடல் வெளியானது. கடந்த வாரம் இந்த படத்தின் இசை வெளியீட்டு விழா மலேசியாவில் பிரம்மாண்டமாக தொடங்கியது. இந்த நிகழ்ச்சி நாளை ஜீ தமிழில் ஒளிபரப்பாகிறது.

இந்த நிலையில் விஜய்யிந் கதாபாத்திரத்தின் பெயர் தளபதி வெற்றிக் கொண்டான். "மக்கள் அவனைக் கொண்டாடிட்டு இருக்காங்க, இப்போ கொன்னா கடவுள் ஆக்கிடுவாங்க" என்ற வசனங்கள் ஹைலைட்டாக உள்ளன. இந்த படத்தின் டிரெய்லர் தமிழ், தெலுங்கு, இந்தி ஆகிய 3 மொழிகளிலும் டிரெய்லர் வெளியாகியுள்ளது.

இந்த படம் 9-ஆம் தேதி வெளி வரவுள்ள நிலையில் இன்னும் தணிக்கை சான்றிதழ் கிடைக்கவில்லை என சொல்லப்படுகிறது. இதுதொடர்பாக த.வெ.க நிர்வாகி சி.டி.ஆர். நிர்மல் குமார் தனது எக்ஸ் தளத்தில் பதிவிட்டுள்ளதாவது; "ஜனநாயகன் படத்தை சென்சார் உறுப்பினர்கள் பல வாரங்களுக்கு முன்பே பார்த்து 'U/A' சான்றிதழைப் பரிந்துரைத்தனர். ஆயினும், தற்போது வரை சென்சார் சான்றிதழ் அதிகாரப்பூர்வமாக வழங்கப்படவில்லை. இதனைத் தடுப்பது யாரோ?" என்று அவர் கேள்வி எழுப்பியுள்ளார்.

மேலும் தனது பதிவில், "தடைகள் பல வரலாம், தட்டிப் பறிக்க சில கூட்டமும் வரலாம்; அனைத்து தடைகளையும் தகர்த்து வெற்றி வாகை சூடுவோம்" என ஆவேசமாகத் தெரிவித்துள்ளார். இதனால் படம் சொன்ன தேதியில் வெளியாகுமா என்ற கேள்வி எழுந்துள்ளது.