விஜய்யை எதிர்த்து போட்டி போட்டவர்களின் பரிதாப நிலை.. அதே டெய்லர், அதே வாடகை!

தமிழ்நாட்டில் சுமார் 60 ஆண்டு கால திராவிட கட்சிகளின் ஆதிக்கத்தையும் , ஆட்சியையும் தகர்த்து நடிகர் விஜய் தலைமையிலான தமிழக வெற்றி கழகம் (தவெக) ஆட்சி அமைக்க தயாராகி வருகிறது. 108 இடங்களில் வெற்றிப்பெற்ற தவெக 118 பெரும்பான்மை உடன் ஆட்சியை அமைக்க கூட்டணிக்கு தீவிரமாக பேச்சுவார்த்தை நடத்தி வருகிறது.

இந்த நிலையில் சட்டமன்றத் தேர்தல் முடிவுகளில் தமிழக வெற்றி கழகத்தின் தலைவரும், பெரம்பூர் மற்றும் திருச்சி கிழக்கில் இரு தொகுதிகளின் வேட்பாளருமான விஜய் மிகப்பெரிய வெற்றியைப் பதிவு செய்துள்ளார். இந்த நிலையில் விஜய்யை எதிர்த்து போட்டிப்போட்டவர்களின் நிலை என்ன..?

பெரம்பூர் தொகுதி

பெரம்பூர் சட்டமன்றத் தொகுதி வாக்கு எண்ணிக்கை 23 சுற்றுகளின் முடிவில், தமிழக வெற்றி கழகத்தின் விஜய் 1,20,365 வாக்குகளைப் பெற்று 58.89 சதவீத வாக்கு சதவீதத்துடன் மாபெரும் வெற்றியைப் பெற்றுள்ளார். EVM இயந்திரத்தில் 1,19,785 வாகுகளும், தபால் வாயிலாக 580 வாக்குகளும் பெற்றுள்ளார்.

விஜய்-க்கு அடுத்தபடியாக திராவிட முன்னேற்றக் கழகத்தின் வேட்பாளர் ஆர்.டி.சேகர் 66,650 வாக்குகளைப் பெற்று 32.61 சதவீத வாக்குகளுடன் இரண்டாவது இடத்தைப் பிடித்தார். இதனால் விஜய்க்கும் அவருக்கும் இடையே 53,715 வாக்குகள் பெரிய வித்தியாசம் ஏற்பட்டுள்ளது.

இவரை தொடர்ந்து பட்டாளி மக்கள் கட்சியின் வேட்பாளர் எம். திலகபாமா 8,561 வாக்குகளையும், நாம் தமிழர் கட்சி வேட்பாளர் எஸ்.வெற்றித்தமிழன் 5,114 வாக்குகளையும் பெற்றுள்ளனர். NOTA-விற்கு 601 வாக்குகள் செலுத்தப்பட்டு உள்ளது. 5 இடத்தில் NOTA இருக்கும் காரணத்தால் பெரம்பூர் சட்டமன்றத் தொகுதியில் போட்டியிட்ட 47 பேரில் 42 பேர் NOTA-வுக்கு பின் உள்ளனர்.

திருச்சிராப்பள்ளி (கிழக்கு) தொகுதி

திருச்சிராப்பள்ளி (கிழக்கு) சட்டமன்றத் தொகுதியில் 28 சுற்று வாக்கு எண்ணிக்கைக்கு பின்பு ஜோசப் விஜய் 91,381 வாக்குகளைப் பெற்று 50.07 சதவீத வாக்கு சதவீதத்துடன் வெற்றி பெற்றுள்ளார். இங்கு திமுக வேட்பாளர் எஸ்.இனிகோ இருதயராஜ் 63,965 வாக்குகளுடன் 35.05 சதவீத வாக்குகளைப் பெற்று இரண்டாவது இடத்தைப் பிடித்தார்.

அண்ணா திராவிட முன்னேற்றக் கழகத்தின் வேட்பாளர் ஜி.ராஜசேகரன் 19,715 வாக்குகளுடன் 10.8 சதவீத வாக்குகளைப் பெற்றார். நாம் தமிழர் கட்சி வேட்பாளர் டாக்டர்.வி.கிருஷ்ணசாமி 4,790 வாக்குகளைப் பெற்றுள்ளார். நோட்டா-வுக்கு 514 வாக்குகள் வந்துள்ளது.

திருச்சி கிழக்கில் சுமார் 20 பேர் போட்டிப்போட நிலையில் 16 பேர் நோட்டாவுக்கு பின் உள்ளனர்.

English summary

Tamilaga Vettri Kazhagam leader C. Joseph Vijay has delivered a spectacular double victory by winning both Perambur and Tiruchirappalli East Assembly seats with commanding margins in the 2026 Tamil Nadu elections. While TVK is racing towards government formation with 108 seats and active alliance talks, the candidates who contested against Vijay have ended up in a pitiable position, with many trailing even behind NOTA.