காமெடி நடிகர் வெங்கட்ராஜ் காலமானார்.. விஜய் டிவி பிரபலத்தின் உயிரை பறித்த மூச்சுத்திணறல்
சென்னை: விஜய் டிவியில் வெளியான‛லொள்ளுசபா' காமெடி நிகழ்ச்சியில் புகழ்பெற்று திரைப்படங்களில் காமெடி நடிகராக நடித்து வந்த வெங்கட்ராஜ் இன்று காலமானார். அவருக்கு வயது 68. மூச்சுத்திணறல் காரணமாக அவரது உயிர் பிரிந்தது.
விஜய் டிவியில் வெளியான ‛லொள்ளு சபா' நிகழ்ச்சியில் நடித்த பலரும் தமிழ் சினிமாவில் நடிகர்களாக நடித்து வருகின்றனர். சந்தானம் உள்பட பலரை நாம் உதாரணமாக கூறலாம். அந்த வரிசையில் ‛லொள்ளு சபா' நிகழ்ச்சியில் பேமஸானவர் தான் வெங்கட்ராஜ்.
ஒல்லியான உடலுடன் அவர் தனது காமெடி வழியாக ரசிகர்களை ஈர்த்தார். அதன்பிறகு திரைத்துறையிலும் கால்பதித்தார். தற்போதைய துணை முதல்வர் உதயநிதி ஸ்டாலின் நடித்த மனிதன், நடிகர் சந்தானத்தின் வல்லவனுக்கு புல்லும் ஆயுதம், டிக்கிலோனா உள்பட இன்னும் பல திரைப்படங்களில் நடித்திருந்தார்.
இந்நிலையில் தான் அவர் சமீபத்தில் உடல் நலக்குறைவால் பாதிக்கப்பட்டார். நுரையீரல் சார்ந்த பிரச்சனை அவருக்கு இருந்ததாக கூறப்படுகிறது. இதனால் அவர் சென்னை மருத்துவமனையில் அவ்வப்போது சிகிச்சை பெற்று வந்தார். இதற்கிடையே தான் அவர் கீழே விழுந்து காயமடைந்த நிலையில் இன்று அவர் காலமானார்.
திடீர் மூச்சுத்திணறல் காரணமாக அவரது உயிர் பிரிந்தது. மறைந்த வெங்கட்ராஜ்க்கு மனைவி, மகன், மகள் உள்ளனர். முன்னதாக இவர் மருத்துவ சிகிச்சைக்கு பணமின்றி தவித்துள்ளார். இந்த வேளையில் விஜய் டிவி பிரபலங்கள் உதவி செய்துள்ளன. குறிப்பாக கேபிஒய் பாலா, லொள்ளுசபா சுவாமிநாதன், ஜீவா உள்ளிட்டவர்கள் உதவி செய்துள்ளனர்.
எப்படியாவது வெங்கட்ராஜை காப்பாற்ற முயற்சி மேற்கொள்ளப்பட்டு வந்த நிலையில் அவர் இன்று காலமாகி உள்ளார். வெங்கட்ராஜின் இறுதி சடங்குகள் நாளை சென்னை வேளச்சேரியில் நடைபெற உள்ளது. வெங்கட்ராஜின் மறைவு அவரது ரசிகர்களை அதிர்ச்சியடைய வைத்துள்ளது. அவருக்கு பலரும் வலைதளங்களில் இரங்கல் தெரிவித்து வருகின்றனர்.
Click it and Unblock the Notifications
Sign in with Google