லஞ்சம் இல்லாத ஆட்சி, நேர்மையான தேர்தல்.. அமெரிக்காவிலிருந்து வீடியோவில் வலியுறுத்தும் விஜயகாந்த்
Recommended Video
சென்னை: லஞ்சம் இல்லாத ஆட்சியை உருவாக்குவோம் என்றும் நேர்மையான தேர்தலுக்கு வழிவகுப்போம் என்றும் அமெரிக்காவிலிருந்து வீடியோ மூலம் குடியரசு தின வாழ்த்துகளை தேமுதிக பொதுச் செயலாளர் விஜயகாந்த் தெரிவித்துள்ளார்.
நாடு முழுவதும் இன்று 70-ஆவது குடியரசு தின விழா கோலாகலமாக கொண்டாடப்படுகிறது. இந்த விழாவையொட்டி அமெரிக்காவில் உள்ள விஜயகாந்த் வீடியோ மூலம் வாழ்த்துகளை தெரிவித்துள்ளார்.
அந்த வீடியோவில் அவர் பேசுகையில் அனைவருக்கும் குடியரசு தின வாழ்த்துகள். லஞ்சம் இல்லாத ஆட்சி, யாருக்கும் அஞ்சாத நீதி, நேர்மையான தேர்தலை மக்களோடு இணைந்து உருவாக்குவோம்.
மனைவியுடன் அமெரிக்காவில்
தமிழகத்தை முதன்மை மாநிலமாக மாற்றுவோம் என விஜயகாந்த் தெரிவித்துள்ளார். அமெரிக்காவில் கடந்த ஆண்டு டிசம்பர் மாதம் மருத்துவ சிகிச்சை மேற்கொள்ள தேமுதிக பொதுச் செயலாளர் விஜயகாந்த் மனைவி பிரேமலதாவுடன் சென்றுள்ளார்.
வதந்தி
அப்போது ஒரு கட்டத்தில் விஜயகாந்துக்கு உடல்நில மோசமடைந்ததாக தகவல் தீயாய் பரவியது. இதனால் தொண்டர்கள் கவலையடைந்தனர். விஜயகாந்த் நலமுடன் இருக்க பல்வேறு பிரார்த்தனைகளை செய்தனர்.
புத்தாண்டு
இந்த நிலையில் கிறிஸ்துமஸ், புத்தாண்டை அமெரிக்காவில் கொண்டாடிய விஜயகாந்த் அது தொடர்பான புகைப்படங்களை டுவிட்டரில் வெளியிட்டார். மேலும் விஜயகாந்த் நலமுடன் இருப்பதாக பிரேமலதாவும் பேட்டி அளித்தார். இதனால் தொண்டர்கள் நிம்மதி அடைந்தனர்.
|
வீடியோ மூலம் நேரில் தோன்றிய விஜயகாந்த்
ஒரு மாதமாக விஜயகாந்தை புகைப்படங்களில் மட்டுமே தொண்டர்கள் பார்த்து வந்தனர். தற்போது அவராகவே தோன்றி வீடியோ மூலம் குடியரசு தின வாழ்த்துகளை தெரிவித்துள்ளதால் தொண்டர்கள் மகிழ்ச்சி அடைந்தனர்.
Click it and Unblock the Notifications
Sign in with Google