மகன் சண்முகப்பாண்டியன் பிறந்தநாள்... கேக் ஊட்டி வாழ்த்திய விஜயகாந்த் - குறையாத கம்பீரம்

தேமுதிக தலைவர் விஜயகாந்தின் மகன் சண்முகப்பாண்டியன் பிறந்தநாள் எளிமையான முறையில் கொண்டாடப்பட்டது.

Updated: Wednesday, April 6, 2022, 20:32 [IST]

Subscribe to Oneindia Tamil

சென்னை: தேமுதிக தலைவர் விஜயகாந்தின் இளைய மகன் சண்முகப்பாண்டியன் பிறந்தநாள் எளிமையான முறையில் கொண்டாடப்பட்டது. கேக் ஊட்டி வாழ்த்துக்களை தெரிவித்தார் விஜயகாந்த்.

தமிழ் சினிமாவை பொறுத்தவரை சூப்பர் ஸ்டார் ரஜினிகாந்த், உலக நாயகன் கமல் ஹாசனுக்கு இணையாக ரசிகர்கள் பட்டாளத்தைக் கொண்டவர் கேப்டன் விஜயகாந்த். இரண்டு பேரும் அரசியலுக்கு வரலாமா?, வேண்டாமா? என்று யோசனை செய்து கொண்டிருந்த காலத்திலேயே களத்தில் இறங்கி கலக்கியவர்.

முதல் தேர்தலிலேயே விஜயகாந்திற்கு மக்களிடம் கிடைத்த செல்வாக்கு அளப்பறியது. அப்படி சினிமா, அரசியல் என இரண்டு விஷயங்களில் சாதித்த விஜயகாந்திற்கு இரண்டு மகன்கள் மூத்த மகன் விஜய பிரபாகரன் அப்பாவிற்கு துணையாக அரசியலில் களம் இறங்கியுள்ளார். இளைய மகன் சண்முகபாண்டியன் அப்பாவைப் போலவே சினிமாவில் சாதித்துக்காட்ட வேண்டும் என முயன்று வருகிறார்.

சண்முகப்பாண்டியன்

விஜயகாந்த் மகன் சண்முகப்பாண்டியன், 'சகாப்தம்' என்ற படம் மூலம் ஹீரோவாக அறிமுகமானார். இது சண்முகப்பாண்டியனுக்கு திறமையை வெளிப்படுத்தும் படமாக அமையவில்லை. இதைத் தொடர்ந்து வெளியான 'மதுரவீரன்' திரைப்படம் இவருக்கு ரசிகர்களிடம், சிறந்த நடிகர் என்கிற அந்தஸ்தை பெற்று தந்தது.

விஜயபிரபாகரன்

விஜயகாந்தின் மூத்த மகனான விஜய பிரபாகரனும் தன் அப்பா வழியில் நடிகராகவிருக்கிறாராம். பேட்மிண்டன் அணியின் உரிமையாளராக இருக்கும் விஜய பிரபாகரன் அப்பாவுக்கு ஆதரவாக அரசியல் வேலையை பார்த்து வருகிறார். லாக்டவுன் நேரத்தில் வீட்டில் சும்மா இருந்தபோது தன் உடல் எடையை வெகுவாக குறைத்து ஒல்லியான விஜயபிரபாகரனும் நடிக்கப் போகிறார்.

சண்முகப்பாண்டியன் பிறந்தநாள்

உடல் நல பாதிப்பினால் ஆக்டிவ் அரசியலில் இருந்து ஒதுங்கியிருந்தாலும் விஜயகாந்த் தற்போது அறிக்கை மட்டும் வெளியிடுகிறார். இந்த நிலையில் இளைய மகன் சண்முகப்பாண்டியனின் பிறந்தநாளை எளிமையான முறையில் மனைவி பிரேமலதா, மூத்த மகன் விஜயபிரபாகரனுடன் கொண்டாடியுள்ளார். அந்த போட்டோக்களை தனது முகநூல் பக்கத்தில் வெளியிட்டுள்ளார் விஜயகாந்த்.

வெற்றிச்சின்னம்

விஜயகாந்த் உடல் இளைத்து காணப்படுகிறார் என்றாலும் சிவப்பு நிற டி சர்ட்டில் பழைய கம்பீரம் குறையாமல் இருக்கிறார். இரண்டு மகன்களும் முத்தம் கொடுக்க அந்த போட்டோவையும் பதிவிட்டுள்ளார். மகன்களுடன் வெற்றிச்சின்னத்தையும் காட்டுகிறார் விஜயகாந்த். அரசியலையும் தாண்டி விஜயகாந்துக்கு இன்றைக்கும் மாறாத ரசிகர்கள் பலர் உள்ளனர்.