விஜய் பாடல்களுக்கு தடை.. பள்ளி ஆண்டு விழாவில் பயன்படுத்த கட்டுப்பாடு.. காரணம் இதுதான்
சென்னை: தமிழகம் முழுவதும் செயல்பட்டு வரும் பள்ளிகளில் ஆண்டு விழா கொண்டாட்டத்தின்போது தவெக தலைவர் விஜயின் பாடல்கள் பயன்படுத்த தடை விதிக்கப்பட்டுள்ளது.
தமிழ் சினிமாவில் முன்னணி நடிகராக விஜய் உள்ளார். தற்போது தமிழக வெற்றிக் கழகத்தை தொடங்கி உள்ளார். இந்நிலையில்தான் தற்போது தமிழக பள்ளிகளில் ஆண்டு விழா கொண்டாட்டங்கள் நடந்து வருகிறது.
பொதுவாக பள்ளி ஆண்டு விழாக்களில் விஜயின் பாடல்களுக்கு மாணவ-மாணவிகள் நடனமாடுவது வழக்கம். இந்நிலையில் தான் தற்போது சட்டசபை தேர்தல் நடைபெற உள்ளது. விஜயின், தவெக கட்சி சட்டசபை தேர்தலில் நடைபெற உள்ளது.
இதற்கிடையே தான் பள்ளி ஆண்டு விழாக்களில் விஜய் பாடலுக்கு தடை விதிக்கப்பட்டுள்ளதாம். சென்னை உள்பட தமிழகம் முழுவதும் பல்வேறு பள்ளிகளில் விஜய் பாடல்களை ஆண்டு விழாக்களில் தவிர்க்க ஆசிரியர்கள் அறிவுரை வழங்கி உள்ளதாக கூறப்படுகிறது. இதன் பின்னணியில் முக்கிய காரணங்கள் உள்ளன.
அதாவது கல்லூரி விழாக்களில் மாணவ-மாணவிகள் விஜய் பாடல்கள் ஒலிக்கும்போது தவெகவின் கொடியை காட்டுவது, அரசியல் சார்ந்த கோஷங்களை எழுப்புவது நடக்கிறது. அதேபோல் கிரிக்கெட் மைதானம் உள்பட பல பொது இடங்களில் தவெகவினர் கொடிகளை தூக்கி செல்வது போன்ற சம்பவங்கள் நடந்துள்ளன. இதுபோல் பள்ளிகளிலும் நடக்க வாய்ப்புள்ளது. அது தேவையில்லாத சர்ச்சையை கிளப்பலாம். இதனால் ஆசிரியர்கள் பள்ளி ஆண்டு விழாக்களில் விஜயின் பாடல்களை தவிர்ப்பதாக தகவல்கள் வெளியாகி உள்ளது.
Click it and Unblock the Notifications
Sign in with Google