எந்த கட்சியின் வாக்குகளை விஜய் அதிகமாக எடுக்கிறார்? விகடன் எடுத்த மெகா சர்வே!

Updated: Saturday, April 18, 2026, 16:20 [IST]

Subscribe to Oneindia Tamil

சென்னை: நடிகர் விஜய்யின் தவெக தரப்பு திமுக, அதிமுக, நாதக உள்ளிட்ட 3 கட்சிகளில், எந்த கட்சியின் வாக்குகளை அதிகமாக கைப்பற்றுகிறது என்ற கருத்துக்கணிப்பை ஜூனியர் விகடன் வார இதழ் வெளியிட்டுள்ளது. அதுதொடர்பாக இந்த செய்தியில் விரிவாக பார்க்கலாம்.

சட்டசபைத் தேர்தலுக்கு இன்னும் 4 நாட்கள் மட்டுமே உள்ளது. இந்த திமுக, அதிமுக, நாதக மற்றும் புதிதாக களமிறங்கியுள்ள தவெக என்று 4 முனைப் போட்டி நிலவி வருகிறது. தவெக தலைவர் விஜய் பிரச்சாரத்திற்கு செல்லும் இடங்களில் எல்லாம் பெரியளவில் கூட்டம் கூடுகிறது. அதேபோல் கருத்துக் கணிப்புகளிலும் விஜய் இரட்டை சதவிகிதத்தில் வாக்கு பெறுவார் என்று சொல்லப்பட்டு வருகிறது.

ஆனால் விஜய்யின் அரசியல் வருகையால் எந்தக் கட்சிக்கு அதிக பாதிப்பு இந்த தேர்தலில் ஏற்படும் என்பதே பலரின் கேள்வியாக உள்ளது. இந்த நிலையில் ஜூனியர் விகடன் நாளிதழ் தரப்பில் விஜய் அரசியலுக்கு வராமல் இருந்திருந்தால், இந்தத் தேர்தலில் உங்களின் ஆதரவு யாருக்கு இருந்திருக்கும் என்று ஒரு கேள்வி எழுப்பி கருத்துக்கணிப்பை எடுத்துள்ளது.

அதன்படி திமுக கூட்டணிக்கு என்று 20.21% பேரும், அதிமுக கூட்டணிக்கு என்று 27.56% பேரும், நாம் தமிழர் கட்சிக்கு என்று 30.71% பேரும், பிற கட்சிகளுக்கு என்று 21.52% பேரும் கூறி இருக்கின்றனர். இதன் மூலமாக விஜய்யின் அரசியல் வருகை நாதகவின் வாக்குகளை அதிகம் பாதிக்கப்படைய வைக்கிறது. இதன்பின் அதிமுக கூட்டணிக்கும், 3வது இடத்தில் திமுக கூட்டணியும் இருக்கிறது.

கடந்த லோக்சபா தேர்தலில் நாதக 8.2% வாக்குகளை பெற்றது. இதனால் சட்டசபைத் தேர்தலில் நாதகவின் வாக்குகளை தவெக பெருமளவில் கைப்பற்றும் என்று தெரிகிறது. இன்னொரு பக்கம் விஜய் திமுகவின் வாக்குகளை தான் கைப்பற்றுவார் என்று எடப்பாடி பழனிசாமி, டிடிவி தினகரன், அண்ணாமலை உள்ளிட்டோர் பேசி வருகின்றனர்.

ஆனால் அதிமுக கூட்டணி ஆதரவாளர்கள் சுமார் 27.56% பேர் விஜய்க்கு வாக்களிக்க இருப்பதாக கருத்துக்கணிப்பு வெளியாகி இருக்கிறது. விஜய்யின் அரசியல் வருகையால் இருக்கும் கட்சிகளில் குறைந்த அளவில் பாதிக்கப்படுவது திமுக கூட்டணியாகவே உள்ளது. இதன் மூலமாக விஜய் அத்தனை தரப்பு மக்களின் வாக்குகளையும் கணிசமாக பெறுவார் என்று தெரிகிறது.