போச்சா.. விஜயதாரணி பாஜக போனாலும்.. விளவங்கோடு காங்கிரசுக்குதான்.. தந்தி டிவி கணிப்பு
சென்னை: தமிழ்நாட்டில் நடந்து முடிந்த லோக்சபா தேர்தல் மற்றும் விளவங்கோடு சட்டசபை இடைத்தேர்தலுக்கான தேர்தலுக்கு பிந்தைய கருத்துக்கணிப்பு முடிவுகளை தந்திடிவி வெளியிட்டுள்ளது. இதில் விளவங்கோடு சட்டசபை இடைத்தேர்தலில் காங்கிரஸ சாரபில் போட்டியிடும் தாரகை கத்பர்ட் வெல்ல வாய்ப்பு இருப்பதாக தந்தி டிவி கணித்துள்ளது.
கன்னியாகுமரி மாவட்டம் விளவங்கோடு தொகுதியில் காங்கிரஸ் எம்எல்ஏவாக இருந்த விஜயதரணி, பாஜகவில் இணைந்தார். இதையடுத்து அவர் எம்எல்ஏ பதவியை ராஜினாமா செய்ததால் அங்கு இடைத்தேர்தல் நடந்து முடிந்தது. லோக்சபா தேர்தலோடு ஏப்ரல் 19-ல் வாக்குப்பதிவு நடந்து முடிந்தது.
கேரள மாநில எல்லையை ஒட்டியுள்ள விளவங்கோடு தொகுதியில் இதுவரை நடைபெற்றுள்ள 15 சட்டப்பேரவை தேர்தல்களில் இத்தொகுதியில் 10 முறை காங்கிரஸ் கட்சி வென்றுள்ளது. 5 முறை மார்க்சிஸ்ட் கம்யூனிஸ்ட் கட்சி வென்றுள்ளது. கடந்த 2011, 2016, 2021 ஆகிய தேர்தல்களில் காங்கிரஸ் சார்பில் விஜயதரணி தொடர்ச்சியாக 3 முறை வெற்றி பெற்றிருந்தார். விஜயதாரணி போலவே காங்கிரஸ் எம்எல்ஏவாக இருந்த சுந்தரதாஸ், மார்க்சிஸ்ட் கம்யூனிஸ்ட் கட்சியைச் சேர்ந்த டி.மணி ஆகியோரும் தொடர்ச்சியாக 3 முறை வெற்றி பெற்றிருந்தார்கள்.
விளவங்கோடு தொகுதியில் இந்த முறை திமுக கூட்டணி சார்பில் காங்கிரஸ் கட்சியின் தாரகை கத்பர்ட் களம் இறங்கினார். இதில் பாஜக சார்பில் நந்தினி களம் இறங்கினார். அதிமுக சார்பில் ராணி களம் இறங்கினார். நாம் தமிழர் கட்சி சார்பில் ஜெமினி களம் இறங்கினார்.இந்த தொகுதியில் சுயேச்சைகள் உட்பட 10 பேர் களத்தில் இறங்கி உள்ளாரகள். இதில் பிரதான கட்சிகளின் வேட்பாளர்கள் எல்லாமே பெண்கள் தான் என்பதால், பெண் தான் இங்கு வெல்ல போகிறார் என்பது உறுதியானது.
இந்நிலையில் தமிழ்நாட்டில் நடந்து முடிந்த லோக்சபா தேர்தல் மற்றும் விளவங்கோடு சட்டசபை இடைத்தேர்தலுக்கான தேர்தலுக்கு பிந்தைய கருத்துக்கணிப்பு முடிவுகளை தந்திடிவி வெளியிட்டுள்ளது.இதில் விளவங்கோடு சட்டசபை இடைத்தேர்தலில் காங்கிரஸ சாரபில் போட்டியிடும் தாரகை கத்பர்ட் வெல்லவே அதிக வாய்ப்பு இருப்பதாக தந்தி டிவி கணித்துள்ளது,
Click it and Unblock the Notifications
Sign in with Google