வெள்ளைக்காரனே பிச்சை எடுப்பான்.. இந்த படத்தை எடுத்தவர் மட்டும் இப்போ கையில கிடைச்சா! கலகல கவலை பதிவு

By Oneindia Staff

Updated: Friday, March 21, 2025, 13:49 [IST]

Subscribe to Oneindia Tamil

சென்னை: 2010 ஆம் ஆண்டு வெளியான கன்னட திரைப்படமான "சூப்பர்" (Super) படத்தில் இடம்பெற்ற ஒரு காட்சி, சமூக வலைதளமான X-ல் வைரலாகி வருகிறது. இயக்குநர் உபேந்திரா இயக்கிய இந்த படம், 2030 ஆம் ஆண்டில் இந்தியாவை ஒரு மிகவும் முன்னேறிய, எதிர்கால தொழில்நுட்பம் நிறைந்த நாடாக சித்தரிக்கிறது. ஆனால், இந்த காட்சியை பகிர்ந்து, "இந்த விளம்பரத்தை எடுத்தவன் மட்டும் இப்போ கைல கிடைச்சா பல பேர் கிட்ட செருப்படி விழும்" என்று @madraspaiyan_ என்ற பயனர் பதிவிட்டுள்ளார், இது பலரிடையே சிரிப்பையும் விவாதத்தையும் ஏற்படுத்தியுள்ளது.

"சூப்பர்" திரைப்படம், 2010 டிசம்பர் 3 ஆம் தேதி கன்னட மொழியில் வெளியிடப்பட்டது. இதில், 2030 ஆம் ஆண்டில் இந்தியா ஒரு உலகளாவிய வல்லரசாக மாறியிருப்பதாகவும், அதிநவீன தொழில்நுட்பங்களால் நிரம்பியிருப்பதாகவும் ஒரு கற்பனை உலகம் சித்தரிக்கப்பட்டுள்ளது.

படத்தில், உபேந்திரா இயக்குநராகவும் நடிகராகவும் பங்கேற்றுள்ளார். இந்த படம் வெளியாகும் போது, அதன் தனித்துவமான கதைக்களம் மற்றும் சமூக அரசியல் கருத்துக்களை முன்வைத்த விதம் பலரையும் கவர்ந்தது.

படத்தில் இடம்பெற்ற "2030 இந்தியா" என்ற காட்சியில், மக்கள் மிகவும் நாகரிகமாகவும், தொழில்நுட்ப ரீதியாக முன்னேறியவர்களாகவும் காட்டப்படுகின்றனர். வெளிநாட்டுக்காரர்கள் நம்மிடம் பிச்சை எடுப்பது போன்ற காட்சியமைப்பு படத்தில் இருந்தது. டாலருக்கு நிகரான இந்திய மதிப்பு என்பதை மாற்றி, ரூபாய்க்கு நிகரான டாலர் மதிப்பு என கணக்கீடு செய்யும் அளவுக்கு நாம் முன்னேறியதாக காட்டப்பட்டது.

இந்த விளம்பரத்தை எடுத்தவன் மட்டும் இப்போ கைல கிடைச்சா பல பேர் கிட்ட செருப்படி விழும் 🤣 pic.twitter.com/OQkGo4sm2y
— மெட்ராஸ் பையன் (@madraspaiyan_) March 19, 2025