திமுகவா அதிமுகவா தினகரனா.. என்னது தேர்தல் முடிஞ்சுருச்சா.. தேமுதிகவை வறுக்கும் நெட்டிசன்கள்!

தேமுதிகவை நெட்டிசன்கள் வறுத்தெடுக்கும் மீம்ஸ்கள் வைரலாகி வருகின்றன.

சென்னை: தேமுதிக இழுபறி சம்பந்தமாக, "முந்தானை முடிச்சு" படத்திலிருந்து வடிவேலு வரை மீம்ஸ்கள் இணையத்தில் ரவுண்டு கட்டி வருகின்றன. சும்மா சொல்லக்கூடாது.. புகுந்து விளையாடி வரும் மீம்ஸ் கிரியேட்டர்களின் திறமைகளை பாராட்டாமல் இருக்க முடியவில்லை.

வாத்தியார் பாக்யராஜ் மாணவர்களிடம் பேசுவதுபோல, "எதுக்குடா துரைமுருகன் வீட்டுக்கு போனீங்க?
நாங்க ஏழு சீட்டு கேட்டோம்ல.. அதிமுக நாலு சீட்டு தர்றோம்னு சொல்லிட்டாங்க.. மீதி மூனு சீட்டு திமுக தருவாங்கன்னு கேக்க போயிருந்தோம்.." என்கிற முந்தானை முடிச்சு பட கமெண்ட்!

இதற்கு அடுத்த படம் வசூல்ராஜா எம்பிபிஎஸ். ஆபரேஷன் தியேட்டர் வாசலில் பழைய பேஷன்ட்டுகளை வெளியே அனுப்பிவிட்டு புது பேஷன்ட்டுகளை அட்மிட் செய்வது போன்ற காட்சி! மீம்ஸ் கிரியேட்டர்கள்தான் ஆபரேஷன் செய்ய போகும் டாக்டர்களாம்.

#DMDK fully under control of sister and brother...
Capitan mere puppet pic.twitter.com/PQdZZpUH6K

— vinothraj velu (@vinothrajvelu) March 6, 2019

வசூல்ராஜா எம்பிபிஎஸ்

டாக்டர்கள் பேசுகிறார்கள்.. "டேய்.. பழைய பேஷண்ட் பாமகவை ரிலீஸ் பண்ணிடு.. புது பேஷன்ட் தேமுதிகவை அட்மிட் பண்ணிடு" என்கிறார்கள். அப்படியானால் இவ்வளவு நாள் பாமகவை மீம்ஸ் கிரியேட்டர்கள் வெச்சு செய்திருக்கிறார்கள். ஆபரேஷன் சக்ஸஸ் போல... இப்போது தேமுதிக அட்மிட் செய்து அடுத்த ஆபரேஷனில் இறங்குவது போல பதிவிட்டுள்ளனர்.

#DMDK cycle. #தேமுதிக pic.twitter.com/4an7PjBLys

— கிள்ளிவளவன் (@killivalavan86) March 7, 2019

சைக்கிள்

இதற்கு அடுத்த ஒரு போட்டோ பதிவிடப்பட்டுள்ளது. ஒரு சைக்கிளை சுவற்றோரம் சாய்த்து வைத்திருக்கிறார்கள். பின் சக்கரம் பெரிசாக இருக்கிறது. முன் சக்கரம் சிறியதாக இருக்கிறது. அதாவது வளர்ந்து வந்த தேமுதிக இப்போது சுருங்கி விட்டதாம். அது மட்டும் இல்லை.. அந்த சைக்கிளுக்கு உட்கார சீட்டே கிடையாது. அதாவது தேமுதிகவுக்கு "சீட்டே" கிடையாதாம்!

எந்த கட்சி?

இதில் ஹைலைட்டாக ஒரு படம் உள்ளது. அதில், சினிமாவில் காமெடி, வில்லத்தனம் செய்யும் மொட்டை தலை நடிகர் ஒருவர் யாருடன் கூட்டணி வைக்கலாம் என்பது போல 4 பார்ட்டாக பிரித்து யோசிக்கிறார். முதலில் "திமுகவா", இரண்டாவது படம் "அதிமுகவா?" மூன்றாவது போட்டோவில் "தினகரனா", நான்காவது போட்டோவில், "என்னது எலக்‌ஷன் முடிச்சிருச்சா..." என்று ஷாக் ஆகிறார்.

இது சகஜம்தானே?

இப்படி தினுசு தினுசாக மீம்ஸ்கள் தெறித்து ஓடுகின்றன. "அவங்க துப்புறதும், நீங்க துடைக்கிறதும் எப்பவுமே நடக்குறதுதானே" என்று செய்தியாளர்களையும் விட்டு வைக்கவில்லை. கூட்டணி வருமோ இல்லையோ... இந்த மீம்ஸ்களை பார்க்கவும், படிக்கவும் செமயாவே இருக்கு!

English summary

Vijayakanth, Premalatha, Sudheesh's Alliance issue became Viral memes in social media