39.9% வாக்குகளை பெறும் அதிமுக.. 114 முதல் 124 தொகுதிகளை வெல்லும்.. Vote Vibe Exit Poll கணிப்பு!

சென்னை: தமிழ்நாட்டில் அதிமுக கூட்டணி 114 முதல் 124 தொகுதிகள் வரை வென்று ஆட்சியை பிடிக்கும் என்று Vote Vibe எக்ஸிட் போல் கணிப்பு வெளியாகி இருக்கிறது. திமுக கூட்டணி 103 முதல் 113 தொகுதிகள் வரை வெல்லும் என்று, தவெக 4 முதல் 10 தொகுதிகளில் வெற்றிபெறும் என்றும் கணிப்புகளை வெளியிட்டிருக்கிறது. அதிலும் அதிமுக 39.9% வாக்குகளையும், திமுக 38.9% வாக்குகளையும், தவெக 15.8% வாக்குகளையும், நாதக 3.5% வாக்குகளையும் பெறும் என்று கூறப்பட்டுள்ளது.

தமிழகத்தில் உள்ள 234 தொகுதிகளுக்கு ஒரே கட்டமாக கடந்த ஏப்ரல் 23ஆம் தேதி வாக்குப்பதிவு நடைபெற்றது. இறுதி வாக்காளர் பட்டியலின்படி சுமார் 5.73 கோடி வாக்காளர்கள் இடம்பெற்றிருந்தனர். இவர்களில் 85.15 சதவிகிதம் பேர் தேர்தலில் வாக்களித்திருந்தனர். இந்த முறை 4 முனைப் போட்டி நிலவி வருகிறது. திமுக, அதிமுக, தவெக, நாம் தமிழர் இடையே கடுமையான போட்டி நிலவி வருகிறது.

அதேபோல் ராமதாஸ் - சசிகலா தனி கூட்டணி அமைத்தனர். கிருஷ்ணசாமியும் தனித்தே களமிறங்கினார். மொத்தம் 4,023 வேட்பாளர்கள் களத்தில் உள்ளனர். ஆட்சி அமைப்பதற்கு 118 தொகுதிகளில் வெற்றி பெற வேண்டும். திமுக மற்றும் அதிமுக ஆகிய இரு கட்சிகளுக்கும் விஜய் கடுமையான சவால் அளிப்பதாக பார்க்கப்படுகிறது.

இந்த நிலையில் மேற்கு வங்கத்தில் 2ஆம் கட்ட சட்டசபைத் தேர்தலை முடிவடைந்த சூழலில், தேர்தலுக்கு பிந்தைய கருத்துக் கணிப்புகள் வெளியாகி இருக்கிறது. தமிழ்நாட்டில் அதிமுக கூட்டணி 114 முதல் 124 தொகுதிகள் வரை வென்று ஆட்சியை பிடிக்கும் என்று Vote Vibe எக்ஸிட் போல் கணிப்பு வெளியாகி இருக்கிறது.

திமுக கூட்டணி 103 முதல் 113 தொகுதிகள் வரை வெல்லும் என்று, தவெக 4 முதல் 10 தொகுதிகளில் வெற்றிபெறும் என்றும் கணிப்புகளை வெளியிட்டிருக்கிறது. அதிலும் அதிமுக 39.9% வாக்குகளையும், திமுக 38.9% வாக்குகளையும், தவெக 15.8% வாக்குகளையும், நாதக 3.5% வாக்குகளையும் பெறும் என்று கூறப்பட்டுள்ளது. திமுக மற்றும் அதிமுக இடையிலான வித்தியாசம் வெறும் 1 சதவிகிதமாக மட்டுமே உள்ளது. இதனால் வெற்றி, தோல்வி இடையிலான வித்தியாசம் மிகவும் குறைவாக இருக்கும் என்று பார்க்கப்படுகிறது.

English summary

Vote Vibe exit poll has predicted that the AIADMK alliance in Tamil Nadu will win between 114 and 124 constituencies and capture power. Also added, AIADMK will Secure 39.9% Vote share and DMK will Secure 38.9% vote Share.