வீடு வாங்கிட்டீங்களா? மின் இணைப்பு பெயர் மாற்றம் செய்யலாமா? என்னென்ன டாக்குமென்ட் தேவை?

சென்னை: புதிதாக வீடு வாங்கியதும் மின் இணைப்பு பெயரை உரிமையாளரின் பெயருக்கு மாற்றம் செய்ய ஆன்லைனில் மிகவும் எளிதானதாகும். இது குறித்த விவரங்கள் தமிழ்நாடு மின்சார வாரியத்தின் இணையதளத்தில் இருக்கிறது.

தமிழகத்தில் உள்ள வீட்டு மின் இணைப்புகளில் பெயர் மாற்றம் பெறுவதற்கு தமிழ்நாடு மின் உற்பத்தி மற்றும் பகிர்மானக் கழகத்தின் இணையதளத்தில் ஆன்லைன் மூலம் விண்ணப்பித்து அங்கீகரிக்கப்பட்ட ஆவணங்களை பதிவேற்றம் செய்து நிர்ணயிக்கப்பட்ட கட்டணங்களைச் செலுத்தி பெயர் மாற்றம் செய்து கொள்ளலாம்.

இதுதான் நடைமுறையில் உள்ளது. எனினும் மின் இணைப்புகளில் பெயர் மாற்றம் செய்யும் போது பொதுமக்களுக்கு பல்வேறு சிரமங்கள் ஏற்படுவதால் சிறப்பு முகாம்கள் நடத்தப்பட்டு வந்தன.

இந்த பெயர் மாற்றம் செய்ய கட்டணமாக ஜிஎஸ்டியுடன் ரூ 726 வசூலிக்கப்பட்டு வந்தது. பொதுவாக ஒரு வீட்டை வேறு ஒருவரிடம் இருந்து வாங்கியதும் அவர் பெயரில் இருக்கும் அனைத்தையும் நம் பெயருக்கு மாற்றுவோம். அந்த வகையில் அவருடைய பெயரில் இருக்கும் மின் இணைப்பு வீடு வாங்கியவரின் பெயரில் மாற்றம் செய்ய tangedco.org என்ற இணையதளத்தில் போய் ஆன்லைன் சர்வீசஸ்- எக்ஸிஸ்டிங் சர்வீஸ் கனெக்ஷன், டேரிஃப் சேஞ்ச் ஆகியவற்றில் போய் மாற்ற வேண்டும்.

இல்லாவிட்டால் https://app1.tangedco.org/nsconline/mobval.xhtml?apl=NT என்ற லிங்கில் போய் உங்கள் போன் நம்பரையும் வாடிக்கையாளர் பெயரையும் கொடுத்தால் ஒரு ஓடிபி வரும் அதை பதிவு செய்து பிறகு அங்கு கேட்கும் தகவல்களை கொடுக்கலாம்.

பெயர் மாற்றம் செய்ய என்னவெல்லாம் ஆவணங்கள் தேவை தெரியுமா? ஆதார் அட்டை, சொத்து வரி ரசீது நகல், விற்பனை பத்திரத்தில் ஜெராக்ஸ் நகல், செட்டில்மென்ட் பத்திரம் ஆகியவற்றில் ஏதாவது ஒன்று, அல்லது நீதிமன்ற உத்தரவு இருந்தால் அதையும் பயன்படுத்தலாம்.

யாராவது இறந்துவிட்டால் அவர் பெயரில் இருக்கும் மின் இணைப்பை மாற்றுவதற்கு செட்டில்மென்ட் பத்திரம், வாரிசு சான்றிதழ் ஆகியவை தேவைப்படும். நலவாழ்வு சங்கத்தின் பெயரில் பதிவு சான்றிதழ் (அல்லது) வளாகம்/அப்பார்ட்மெண்ட் பெயருக்கு மாற்ற, விண்ணப்பத்தில் கையொப்பமிட குடியிருப்பாளர்களிடமிருந்து அதிகாரப்பூர்வ கடிதம் ஆகியவற்றையும் பயன்படுத்தலாம் என குறிப்பிடப்பட்டுள்ளது.

English summary

Here are the details for how to change your customer name in Tangedco?