வெப்பச்சலனத்தால் வெயிலுக்கு இதமாக லேசான மழை - ஜூலை 1,2ல் கனமழைக்கு வாய்ப்பு

தமிழ்நாட்டில் மேற்குத் தொடர்ச்சி மலையோர மாவட்டங்களில் வெப்பச்சலனம் காரணமாக மழை பெய்ய வாய்ப்பு உள்ளதாக சென்னை வானிலை மையம் அறிவித்துள்ளது.

Updated: Monday, June 28, 2021, 19:22 [IST]

Subscribe to Oneindia Tamil

சென்னை: தமிழ்நாட்டில் பல மாவட்டங்களில் வெயில் சுட்டெரித்து வரும் நிலையில் வெப்பச்சலனம் காரணமாக மேற்குத் தொடர்ச்சி மலையை ஒட்டிய நீலகிரி, கோவை, தேனி, திண்டுக்கல், தென்காசி மாவட்டங்களில் லேசான மழை பெய்ய வாய்ப்பு உள்ளதாக வானிலை மையம் அறிவித்துள்ளது.

Recommended Video

விடிய... விடிய... அட்டகாச மழை... குளுகுளு நகரமாக மாறிய தலைநகரம்!

கடலோர மாவட்டங்களில் மழை பெய்யக்கூடும் என்று வானிலை மையம் அறிவித்தது போல சென்னையிலும் புற நகரிலும் இடி மின்னலுடன் மழை கொட்டித் தீர்த்தது. பூந்தமல்லியில் அதிகபட்சமாக 7 செமீ மழை பதிவாகியுள்ளது.
கொடநாடு பகுதியில் 6 செமீ மழையும், கொரட்டூரில் 5 செமீ மழையும் பதிவாகியுள்ளது.

கொடுமுடியில் 4 செமீ மழையும், சென்னை விமான நிலையம், ஸ்ரீபெரும்புதூர், அவினாசி, மேற்குத் தாம்பரம் பகுதிகளில் தலா 3 செமீ மழை பதிவாகியுள்ளது. நுங்கம்பாக்கம், முசிறி, சின்னக்கல்லார், ஊத்துக்குளி பகுதிகளில் ஒரு செமீ மழை பதிவாகியுள்ளது.

லேசான மழை

இன்று முதல் ஜூலை 2ஆம் தேதி வரையிலான வானிலை அறிவிப்பை சென்னை வானிலை மையம் இன்று வெளியிட்டுள்ளது. அதில் வெப்பச்சலனம் காரணமாக மேற்குத் தொடர்ச்சி மலையை ஒட்டிய நீலகிரி, கோவை, தேனி, திண்டுக்கல், தென்காசி மாவட்டங்களில் லேசான மழை பெய்ய வாய்ப்பு உள்ளதாக வானிலை மையம் அறிவித்துள்ளது. தென்மாவட்டங்கள், டெல்டா மாவட்டங்களிலும் காரைக்காலிலும் ஓரிரு இடங்களில் இடி மின்னலுடன் லேசானது முதல் மிதமான மழை பெய்ய வாய்ப்பு உள்ளதாகவும் வானிலை மையம் அறிவித்துள்ளது.

தென் மாவட்டங்களில் மழை

நாளைய தினம் 29ஆம் தேதி மேற்குத் தொடர்ச்சி மலையை ஒட்டிய நீலகிரி, கோவை, தேனி, திண்டுக்கல், தென்காசி,மாவட்டங்களில் தென் மாவட்டங்கள் மற்றும் உள் மாவட்டங்களில் ஓரிரு இடங்களில் இடி மின்னலுடன் கூடிய மழை பெய்ய வாய்ப்பு உள்ளது.

வட மாவட்டங்கள்

30ஆம் தேதி மேற்குத் தொடர்ச்சி மலையை ஒட்டிய நீலகிரி, கோவை, தேனி, திண்டுக்கல், தென்காசி,மாவட்டங்களில் வட மாவட்டங்கள் மற்றும் புதுச்சேரி, காரைக்காலில் ஓரிரு இடங்களில் இடி மின்னலுடன் கூடிய மழை பெய்ய வாய்ப்பு உள்ளது.

கனமழை பெய்ய வாய்ப்பு

ஜூலை 1 மற்றும் 2ஆம் தேதிகளில் நீலகிரி, கோவை, தேனி, திண்டுக்கல், சேலம், வேலூர், ராணிப்பேட்டை, திருவண்ணாமலை,திருவள்ளூர், காஞ்சிபுரம் மாவட்டங்களில் ஓரிரு இடங்களில் இடி மின்னலுடன் கூடிய கனமழை பெய்ய வாய்ப்பு உள்ளது. ஏனைய மாவட்டங்கள் மற்றும் புதுவை காரைக்கால் பகுதிகளில் இடி மின்னலுடன் கூடிய லேசானது முதல் மிதமான மழை பெய்ய வாய்ப்பு உள்ளது.