சட்டென மாறிய வானிலை! சென்னையில் இரவில் கொட்டித்தீர்த்த கனமழை.. இன்றைய ‛கிளைமேட்’ இதுதான்!

Updated: Friday, July 14, 2023, 7:14 [IST]

Subscribe to Oneindia Tamil

சென்னை: சென்னையில் நேற்று இரவு மற்றும் 2 நாளாக பல இடங்களில் கனமழை கொட்டித்தீர்த்தது. இந்நிலையில் தான் இன்று வானிலை நிலவரம் எப்படி இருக்கும்? என்ற தகவல் வெளியாகி உள்ளது.

தமிழ்நாட்டில் தென்மேற்கு பருவழை துவங்கி பெய்து வருகிறது. சென்னை மற்றும் புறநகர் பகுதிகள் உள்பட தமிழகத்தின் பல இடங்களில் அவ்வப்போது மழை பெய்து வருகிறது. மேற்கு தொடர்ச்சி மலையையொட்டி பகுதிகளில் இதமான சாரல் மழை பெய்து வருகிறது.

What are climate today in Chennai? many places gets rain including Alwarpet in yesterday night

இந்நிலையில் தான் மத்திய மேற்கு வங்கக்கடல் மற்றும் அதனை ஒட்டிய தென்மேற்கு வங்கக்கடல் பகுதிகளின் மேல் நிலவும் வளி மண்டல மேலடுக்கு சுழற்சி மற்றும் மேற்கு திசை காற்றின் வேக மாறுபாடு காரணமாக தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் நேற்று தெரிவித்து இருந்தது.

அதன்படி நேற்று சென்னையில் இதமான சூழல் நிலவியது. மாலையில் சில இடங்களில் பலத்த காற்று வீசியது. அதன்பிறகு இரவில் பல இடங்களில் கனமழை கொட்டித்தீர்த்தது. சென்னை நுங்கம்பாக்கம், நந்தனம், கோட்டூர்புரம், அண்ணாசாலை, ஆழ்வார்பேட்டை,மெரினா கடற்கரை, அண்ணாநகர், அண்ணா சதுக்கம் உள்பட பல இடங்களில் நேற்று பலத்த காற்றுடன் கனமழை கொட்டியது.

இந்த மழையின்போது சாலைகளில் தண்ணீர் தேங்கியது. இதனால் வாகன ஓட்டிகள் சிரமப்பட்டனர். இருப்பினும் மழை நின்றபிறகு வேகமாக தண்ணீர் வடிந்தன. நேற்று முன்தினம் இரவும் சென்னையில் பல இடங்களில் மழை பெய்த நிலையில் நேற்று 2வது நாளாக மழை பெய்தது. இதனால் அங்கு இதமான சூழல் நிலவி வருகிறது.

மேலும் இன்றைய வானிலையை பொறுத்தமட்டில் தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளதாக கணித்து கூறப்பட்டுள்ளது. மேலும் சென்னையின் இன்றைய காலநிலை எப்படி இருக்கும் எனவும் சென்னை வானிலை ஆய்வு மையம் தெரிவித்துள்ளது.

அதன்படி சென்னை மற்றும் புறநகர் பகுதிகளை பொறுத்தமட்டில் இன்று வானம் ஓரளவு மேகமூட்டத்துடன் காணப்படும். சில இடங்களில் இடியுடன் கூடிய லேசானது முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 35-36 டிகிரி செல்சியஸ் மற்றும் குறைந்தபட்ச வெப்பநிலை 27-28 டிகிரி செல்சியஸாக இருக்கலாம் என தெரிவிக்கப்பட்டுள்ளது.