10 பைசா முதலீடே இல்லாமல் புதிய தொழில் தொடங்குவது எப்படி தெரியுமா?

சென்னை: முதலீடு இல்லாமல் புதிய தொழிலை தொடங்குவது எப்படி என்பதை தெரிந்து கொள்ளுங்கள். மேலும் என்ன மாதிரியான தொழில்களுக்கு முதலீடு இல்லை என்பதையும் தெரிந்து கொள்ளுங்கள்.

இதுகுறித்து தமிழ் குவோராவில் வெங்கடராமன் ராமசுப்ரமணியன் என்பவர் தனது பதிவில் கூறியிருப்பதாவது: முதலீடு என்பது பணத்தால் மட்டும்தான் செய்ய வேண்டும் என்பது அவசியம் இல்லை.

அறிவு மற்றும் உடல் பலத்தை முதலீடாக கொண்டு பல்வேறு தொழில்கள் தொடங்கலாம். உதாரணமாக பின்வரும் தொழில்களை பார்ப்போம். இவற்றிற்கு தனியாக பணம் தேவையில்லை.

• இசை வகுப்பு நடத்துவது
• தேவை சார்ந்து கூப்பிடும், கால் டிரைவராக, சிற்றுந்து ஓட்டுனராவது
• அறிவியல், கணிதம் போன்ற அறிவு சார்ந்த டியூஷன் அதாவது கற்பிப்பு வகுப்புகள் நடத்துவது
• பிற மொழிகளான இந்தி, ஆங்கிலம் வகுப்புகள் நடத்துவது
• யோகா, உடற்பயிற்சி வகுப்புகள் நடத்துவது
• தோட்ட வேலைகள் செய்வது
• வீட்டு தரகராக வேலை செய்வது
• வாகனங்களை வீட்டிற்கு சென்று துடைக்கும் தொழிலை நடத்துவது
• வீடுகளைச் சுத்தம் செய்வது
• தனக்குள்ள திறமைகளைக் கொண்டு வகுப்புகள் நடத்துவது. உதாரணமாக பங்குச் சந்தை சார்ந்த வகுப்புகள்

குறைவான முதலீடுகளில் பல்வேறு தொழில்கள் உள்ளன.

• தையல் வேலை தொழில் செய்வது
• புத்தகம் எழுதுவது
• இசைக்கருவிகள் வகுப்புகள் நடத்துவது
• இருசக்கர வாகனத்தில் பொருட்களைச் சேர்ப்பிப்பது
• இருசக்கர வாகனத்தில் பயணச் சேவை வழங்குவது
• டீ சட்டைகளை வாங்கி அவற்றில் சிறிய அச்சுகள் அல்லது படங்கள் வரைந்து விற்பது
• கைவினைப் பொருட்களைச் செய்து இணையத்தில் விற்பது
• சிற்றுண்டி வகைகளைச் செய்து பொட்டலம் கட்டி விற்பது
• நிகழ்வுகளுக்கு புகைப்படங்கள் எடுத்துத் தருவது

நன்றி - marketing91.com

எவ்வாறு உங்களது தொழிலைத் தொடங்குவது?

1. நீங்கள் செய்ய வேண்டியது எல்லாம் உங்களுக்குள் உள்ள திறமையைக் கண்டு கொள்ளுங்கள். அதனைக் கொண்டு உங்களது தொழிலைத் திட்டமிடுங்கள். (Niche)
2. சந்தை ஆராய்ச்சி செய்யுங்கள்.(Market research)
3. சரியான இடத்தில் தொழிலைத் தொடங்குங்கள் (position)
4. சரியானதொரு விலையை நிர்ணயுங்கள்(price)
5. மற்றவர்களிடமிருந்து உங்களது தொழிலை வேறுபடுத்திக் காட்டுங்கள்(purple cow)
6. விளம்பரப்படுத்துங்கள்(promotion).
7. நல்லதொரு சேவை வழங்குங்கள்(product)
8. மக்களுடன் நல்லதொரு தொடர்பை வைத்திருங்கள்(people)
9. சிக்கனமாக தொழிலை நடத்தி பணத்தை சேமியுங்கள் (frugal)
10. தொழிலை அடுத்த கட்டத்திற்கு எடுத்துச் செல்லுங்கள்.(Expand)

இவ்வாறு அந்த பதிவில் குறிப்பிடப்பட்டுள்ளது.

English summary

Do you know what are the list of jobs that are no need of investment?