ஆஹா.. சென்னையில் ஆரம்பிச்சிருச்சே .. உங்க வீட்டு கரண்ட் பில்லை பாதியாக குறைக்க ஈஸியான வழிகள் என்ன?
சென்னை: சென்னை உள்பட வடமாவட்டங்களில் இப்போதே வெயில் அதிகரிக்க தொடங்கிவிட்டது. மார்ச் மாதம் வெயில் உக்கிரமாக இருக்கும். இந்த சூழலில் இனி ஏசி, பிரிட்ஜ், வாசிங் மெஷின் உள்ளிட்டவற்றின் பயன்பாடு வழக்கத்தைவிட அதிகரிக்கும். இந்த சூழலில் உங்க வீட்டு கரண்ட் பில்லை பாதியாக குறைக்க ஈஸியான வழிகள் என்ன என்பதை இந்த பதிவில் பார்ப்போம்.
முன்பனி முடிந்து பின் பனி அடிக்கிறது பல ஊர்களில், ஆனால் சென்னையில் மட்டும் பேன் போடாமல் ஐந்து நிமிடம் கூட உட்கார முடியாத நிலை இருக்கிறது.. சென்னை மற்றும் சுற்றுவட்டார மாவட்டங்களில் இப்போதே வெயில் அதிகரிக்க தொடங்கிவிட்டது.. அடுத்த மாதத்தில் இருந்து ஏசி, பிரிட்ஜ் பயன்பாடு இப்போது உள்ளதைவிட இரண்டு மடங்கு அதிகரிக்கும். அப்படி அதிகரித்தால் கரண்ட் பில் இப்போது உள்ளதைவிட 3 மடங்கு வரை உயர வாய்ப்பு உள்ளது.
ஏற்கனவே அரிசி விலை, காய்கறிகளின் விலை மிகப்பெரிய அளவில் உயர்ந்து வருகிறது. சிலண்டர் விலை, பெட்ரோல் விலையும் தாங்க முடியாத அளவிற்கு உள்ளது. இந்நிலையில் மின்கட்டணமும் கடுமையாக உயர்ந்தால் நிச்சயம் அது பாராமாக மாறும். இஎம்ஐ, லோன்,வீட்டு வாடகை என வாழும் மக்கள் மின் கட்டணத்தை சில எளிய வழிகளை பின்பற்றுவதன் மூலம் குறைக்க முடியும். அதனை இப்போது பார்ப்போம்.
உங்கள் வீட்டில் டியூப் லைட்கள் அதிக அளவில் உள்ளது என்றால், அதனை எல்லாம் உடனே மாற்றுங்கள். டியூப்லைட்டுக்கு பதிலாக எல்இடி பல்புகளை வாங்கி அனைத்து அறைகளிலும் பயன்படுத்துங்கள். 2 வாட்ஸ் முதல் 40 வாட்ஸ் வரை திறன் கொண்ட எல்இடி பல்புகள் சந்தையில் கிடைக்கின்றன. 15 வாட்ஸ் எல்இடி பல்புகளே பெரும்பாலும் போதும் என்பதால் அறைகளில் தேவையான அளவிற்கு பல்புகளை பொறுத்துவதன் மூலம் உங்களால் வீட்டின் மின்சார கட்டணத்தை கணிசமாக குறைக்க முடியும்.
அதேபோல் உங்கள் வீட்டில் பழைய காலத்து மின்விசிறிகள் ஓடிக் கொண்டிருந்தால் அவற்றை உடனடியாக மாற்றி விடுங்கள். பழைய காலத்து மின்விசிரிகள் 100 முதல் 140 வாட்ஸ் திறன் கொண்டவை. ஆனால் தற்போது புதிய தொழில்நுட்பமான BLDS மின்விசிறிகள் சந்தையில் கிடைக்கின்றன. இந்த BLDS மின்விசிறிகள் 40 வாட்ஸ் வரை திறன் கொண்டவை. இவை மின்சார பயன்பாட்டை குறைப்பதால் உங்கள் வீட்டின் மின்சார கட்டணம் கணிசமாக குறையும்.
அதேபோல் ஏசியில் மின் கட்டணம் குறைய வேண்டும் என்று நினைத்ததால் இன்வெர்ட்டர் ஏசியைப் பயன்படுத்துங்கள். உங்கள் வீட்டில் வழக்கமான விண்டோ அல்லது ஸ்பிலிட் ஏசி இருந்தால், அதற்கு பதில் இன்வெர்ட்டர் ஏசியை பொருத்தலாம். இதன் மூலம் உங்கள் வீட்டின் மின்சார கட்டணத்தை கணிசமாக குறைக்க முடியும்.
இதேபோல் சிலர் அடிக்கடி பிரிட்ஜை திறந்து மூடுவார்கள்.. அப்படி செய்ய வேண்டாம். அதேபோல் தேவையற்ற நேரங்களில் பல்புகளை எரிய விட வேண்டாம்.. மிக்சியை போட்டால் கையோடு ஆப் செய்துவிடுங்கள். அதை ஆனிலேயே வைக்க வேண்டாம். பேன் மற்றும் ஏசி பயன்பாட்டை குறைக்க கதவுகள் ஜன்னல்களை பகல் நேரத்தில் திறந்து வைக்கலாம். ஏசியை மிகவும் குறைவான வெப்பநிலைக்கு வைக்க வேண்டாம். ஏசியில் 24 அல்லது 25 என்கிற அறை வெப்பநிலைக்கு வந்தால் மின்சாரம் அதிகம் செலவாகாது. எனவே இதை முயற்சித்து பாருங்கள்.. அதேபோல் ஒவ்வொருவரும் ஒரே அறையில் அமர்ந்து கொண்டு இருப்பதைவிட, ஒரே அறையில் நேரத்தை செலவிட்டால் மின்சாரம் சிக்கனமாகும்.
Click it and Unblock the Notifications
Sign in with Google