குட்டிபோடும் வட்டி..வீட்டுக்கடன் வாங்குபவர்கள் அவசியம் அறிய வேண்டியவை! லட்சங்களை பிடுங்கும் வங்கிகள்

சென்னை: வீட்டுக் கடன் வாங்கி பலர் புதிய வீடுகளுக்கு குடியேறும் நிலையில், இனி இதன் மூலம் வீடுகளை வாங்க முயற்சிப்போர் தெரிந்துகொள்ள வேண்டிய முக்கிய விசயங்கள் என்னவென்று பார்ப்போம்.

இதுகுறித்து பொருளாதார ஆலோசகர் ராஜேஷ் தெரிவிக்கையில், "பொதுவாகவே, வீட்டுக்கடன் வாங்குபவர்களுக்கு, மாத EMI, வட்டி விகிதம் மற்றும் அசல் தொகைகள் மட்டுமே தெரியும். சற்றே ஆழமாக சென்று பார்த்தல், வேறு சில தகவல்களும் நமக்கு தெரிய வரும். பார்ப்போமா?

இந்த திரட்டிற்கு நான் எடுத்துக்கொண்ட வீட்டுக்கடன்:
கடன் தொகை - ₹50,00,000
கடன் காலம் - 20 வருடங்கள்
கடன் வட்டி - 8.75%
மேற்சொன்ன தகவல்கள், படம் 1'ல் உள்ளது.

உங்களது அசல்: ₹50,00,000 (மாதம் ₹20,833)
நீங்கள் கட்டும் வட்டி: ₹56,04,528 (மாதம் ₹23,352)

வங்கிகள் சொல்லும் complicated calculations (Monthly reducing balance / daily reducing balance) போன்று எதையும் சொல்லி குழப்பாமல், நாம் எளிமையாக இதனை அணுகலாம். அதாவது, உங்களது அசலையும், வட்டியையும் சரிசமமாக 240 மாதங்களுக்குப் பிரித்தால், நீங்கள் மாதா மாதம் கட்ட வேண்டிய EMI தொகை - ₹44,185. இப்பொழுது, நான் சொல்வதை, இந்த படம் கொண்டு பார்க்கவும்.

நமது கணக்கின்படி, EMI, வருடத்திற்கு - ₹5,30,220

வங்கியின் கணக்குப்படி, EMI, வருடத்திற்கு - ₹5,30,226

இங்கேதான் இரண்டிற்குமான ஒற்றுமைகள் முடிவடைகின்றன.

வருடம் - 1
நமது கணக்கின்படி, அசல் தொகை, வருடத்திற்கு - ₹2,49,996
வங்கியின் கணக்குப்படி, அசல் தொகை, வருடத்திற்கு - ₹96,537
நமது கணக்கின்படி, வட்டித் தொகை, வருடத்திற்கு - ₹2,80,224
வங்கியின் கணக்குப்படி, வட்டித் தொகை, வருடத்திற்கு - ₹4,33,689
- அதாவது, வெறும் 12 மாதங்களில், உங்களிடமிருந்து அவர்கள் 18.5 மாதங்களுக்கான வட்டியை வாங்கி விடுகிறார்கள்.

இப்பொழுது நீங்கள் prepayment செய்து கடனை முடிக்கிறீர்கள் என்று வைத்துக் கொள்வோம். அப்பொழுது, நீங்கள் கூடுதலாக செலுத்திய வட்டித்தொகையான ₹1,53,465 உங்களுக்குத் திருப்பித் தர மாட்டார்கள். கட்டியது கட்டியது தான். மேற்சொன்னதுபோல், முதல் ஐந்து வருடங்களுக்கு கணக்கிட்டுப் பார்த்துக் கொள்ளுங்கள். உங்களிடமிருந்து எவ்வளவு கூடுதலாக பணம் வசூலிக்கப் படுகிறதென்று உங்களுக்குத் தெரியும். எதற்கு உங்களுக்கு சிரமம். நானே சொல்லிவிடுகிறேன்.

வருடம் - 5
நமது கணக்கின்படி, அசல் தொகை, ஐந்து வருடங்களுக்கு - ₹12,49,980
வங்கியின் கணக்குப்படி, அசல் தொகை, ஐந்து வருடங்களுக்கு - ₹5,79,009
நமது கணக்கின்படி, வட்டித் தொகை, ஐந்து வருடங்களுக்கு - ₹14,01,120
வங்கியின் கணக்குப்படி, வட்டித் தொகை, ஐந்து வருடங்களுக்கு -₹20,72,123 - அதாவது, வெறும் 60 மாதங்களில், உங்களிடமிருந்து அவர்கள் 88.75 மாதங்களுக்கான வட்டியை வாங்கி விடுகிறார்கள்.

இப்பொழுது நீங்கள் முன்கட்டணம் செய்து கடனை முடிக்கிறீர்கள் என்று வைத்துக் கொள்வோம். அப்பொழுது, நீங்கள் கூடுதலாக செலுத்திய வட்டித் தொகையான ₹6,71,003 (அசலில் 13%) உங்களுக்குத் திருப்பித் தர மாட்டார்கள். கட்டியது கட்டியது தான். ஆகையால்தான் சொல்கிறேன், வீட்டுக்கடன் வாங்குவது, உங்களுக்கு எந்தவிதத்திலேயும் லாபமில்லை. நீங்கள் குடியேற தாராளமாக வீட்டுக்கடன் வாங்குங்கள். அது உங்கள் மனம் சார்ந்த விஷயம். ஆனால், முதலீடு செய்கிறேனென்று வீட்டுக்கடன் வாங்கி, பணத்தை இழக்காதீர்கள். எந்தவொரு வங்கியின் கடனோ, இன்சூரன்ஸோ அல்லது எந்தவொரு பொருளோ, உங்களின் நலனிற்காக வழங்கப்படுவதில்லை. அது அவ்வளவும், அவர்களின் நலனிற்காக மட்டுமே.

English summary

As many people move to new houses by taking home loans, let's see what are the important things that those who are trying to buy houses through this should know.