ஆர்ஆர்ஆர் பட நிகழ்ச்சிக்கு போன கர்நாடக முதல்வர்! வார்த்தையை விட்ட அண்ணாமலை! வறுத்து எடுத்த திமுக தலை

Updated: Friday, August 19, 2022, 17:48 [IST]

Subscribe to Oneindia Tamil

சென்னை: பொன்னியின் செல்வன் படத்தின் டிரெய்லரை முதல்வர் ஸ்டாலின் வெளியிடுவதை விமர்சித்த அண்ணாமலைக்கு திமுகவின் சரவணன் அண்ணாதுரை பதில் அளித்துள்ளார்.

Recommended Video

கலவர பூமியான கர்நாடகா! பாஜக நிர்வாகி கொலையால் பதற்றம்..

இயக்குனர் மணி ரத்னம் இயக்கத்தில் பொன்னியின் செல்வன் படம் தயாராகி உள்ளது. இதன் டீசர் ஏற்கனவே வெளியாகிவிட்டது. நடிகர்கள் கார்த்தி, ஜெயம் ரவி, விக்ரம், ஐஸ்வர்யா ராய், திரிஷா உள்ளிட்ட பெரிய பட்டாளமே இந்த படத்தில் நடித்து உள்ளது.

இந்த படத்தின் டிரெய்லர் வெளியீட்டு விழா அடுத்த வாரம் நடக்க உள்ளது. இந்த டிரெய்லரை முதல்வர் ஸ்டாலின் விழாவில் வெளியிட உள்ளார்.

அதன்பின் இதன் ப்ரோமோஷன் பணிகள் நடக்க உள்ளது. செப்டம்பர் மாதம் படம் வெளியாக உள்ளது.

மணிரத்னம்

முதல்வர் ஸ்டாலின் இதன் டிரெய்லரை வெளியிடுவதை பாஜக தலைவர் அண்ணாமலை விமர்சனம் செய்துள்ளார். நேற்று நிகழ்ச்சி ஒன்றில் பேசிய அண்ணாமலை.. மணிரத்னம் இயக்கத்தில் பொன்னியின் செல்வன் படம் வர உள்ளது. இந்த படத்தின் டிரெய்லரை யார் ரிலீஸ் செய்கிறார் தெரியுமா? தமிழ்நாட்டின் முதல்வர்! அடுத்த வாரம் செய்கிறார். அவர்தான் டிரெய்லரை வெளியிட போவது.

முதல்வர்

இந்தியாவில் ஏதாவது ஒரு முதல்வர் இப்படி செய்வாரா? ஏதாவது ஒரு முதல்வர் படத்தின் டிரெய்லரை வெளியிடுவாரா? அடுத்த படத்தின் முதல் நாள் முதல் ஷோவிற்கு முதல்வர் செல்வார். இன்னும் 6 மாதத்தில் இது நடக்கும். முதல்வர் அடுத்து வர கூடிய படத்திற்கு கட் அவுட் வைத்து பால் அபிஷேகம் செய்வார். ஏனென்றால் அவருக்கு தெரியும். கட்சிதான் குடும்பம்.

அண்ணாமலை

குடும்பம்தான் கட்சி. அந்த இரண்டையும் இணைப்பது சினிமா என்பதை அவர் நன்றாக உணர்ந்து இருக்கிறார், என்று அண்ணாமலை விமர்சனம் செய்தார். இந்த நிலையில் அண்ணாமலையை நெட்டிசன்கள் பலர் விமர்சனம் செய்து வருகின்றனர். கர்நாடகாவில் பாஜக முதல்வர் பசவராஜ் பொம்மை தெலுங்கு படமான ஆர்ஆர்ஆர் படத்தின் வெளியீட்டு விழாவில் கலந்து கொண்டார். சிறப்பு விருந்தினராக கலந்து கொண்டு அதில் பசவராஜ் பொம்மை பேசியதை குறிப்பிட்டு அண்ணாமலையை நெட்டிசன்கள் விமர்சனம் செய்து வருகின்றனர்.

சரவணன் அண்ணாதுரை

திமுக செய்தி தொடர்பு இணை செயலாளர் சரவணன் அண்ணாதுரை அண்ணாமலையை விமர்சனம் செய்து போஸ்ட் செய்துள்ளார். அதில், கர்நாடகா இந்தியாவில் தானே இருக்கிறது?? இந்தியாவில் ட்ரெய்லர் வெளியீட்டு விழாவிற்கு சென்ற முதல்வர். வாட்ஸப் பல்கலைக்கழகத்தின் முன்னணி மாணவருக்கு சமர்ப்பணம். யாரு அந்த மாணவர் என்று சொல்லித்தான் தெரிய வேண்டுமா???, என்று கேள்வி எழுப்பி இருக்கிறார்.