சாதித்த திமுக, அசரவைக்கும் அதிமுக.. பாமகவும் அபாரம்.. கட்சி வாரியாக வாக்கு சதவீதம்.. முழு விவரம்
சென்னை: இந்திய தேர்தல் ஆணையத்தின் அதிகாரப்பூர்வ அறிவிப்பின் படி எந்த கட்சி எத்தனை சதவீதம் வாக்குகள் பெற்று முன்னிலையில் உள்ளன என்ற நிலவரத்தை 210 தொகுதிகளுக்கு தேர்தல் ஆணையம் வெளியிட்டுள்ளது.
தமிழகத்தில் 234 தொகுதிகளுக்கு வாக்கு எண்ணிக்கை விறுவிறுப்பாக நடந்து வருகிறது. இதில் 210 தொகுதிகளுக்கான நிலவரம் இதுவரை தேர்தல் ஆணையத்தால் அதிகாரப்பூர்வமாக தெரிவிக்கப்பட்டுள்ளது. திமுக 36.95%% வாக்குகள் பெற்று முதலிடத்தில் உள்ளது. அஇஅதிமுக 34.83% வாக்குகள் பெற்று 2வது இடத்தில் உள்ளது.
பாமக 4.53% வாக்குகள் பெற்று 3வது இடத்தையும், காங்கிரஸ் 3.90% வாக்குகள் பெற்று 4வது இடத்தையும் பிடித்துள்ளன. பாஜக 2.40% வாக்குகளுடன் ஐந்தாவது இடத்தையும், சிபிஐ 1.36% வாக்குகளும், சிபிஐ எம் 0.62% வாக்குகளும் பெற்றுள்ளன. தேமுதிக 0.42% வாக்குகள் பெற்றுள்ளது.
13.37 சதவீதம்
அமமுக, மநீம, நாம் தமிழர் மற்றும் சுயேட்சைகள் உள்பட மற்றவர்கள் சேர்ந்து 13.37 சதவீதம் வாக்குகள் பெற்றுள்ளன. மநீம, நாம்தமிழர், அமமுக ஆகியவை பெறற வாக்கு சதவீதம் தெரியவரவில்லை.
104 இடங்களில்
முன்னிலை நிலவரம் என்று பார்த்தால் திமுக அதிகபட்சமாக 104 இடங்களில் முன்னிலை வகிக்கிறது. திமுகவிற்கு அடுத்தபடியாக அதிமுக 81 இடங்களில் முன்னிலையில் உள்ளது.
காங்கிரஸ் 10
பாமக 10 இடங்களிலும், காங்கிரஸ் 10 இடங்களிலும், பாஜக 3 இடங்களிலும், விசிக 3இடங்களிலும், சிபிஎம் மற்றும் சிபிஐ தலா 2 இடங்களிலும் முன்னிலையில் உள்ளன. மநீம ஒரு இடத்தில் முன்னிலையில் உள்ளன.
அதிமுக கூட்டணி
கூட்டணியாக பார்த்தால் திமுக கூட்டணி 121 இடங்களில் முன்னிலை பெற்றுள்ளது. அதிமுக கூட்டணி 94 இடங்களில் முன்னிலை வகிக்கிறது. மநீம கூட்டணி ஒரு இடத்தில் முன்னிலையில் உள்ளது.
Click it and Unblock the Notifications
Sign in with Google