பாபா பின்னணி.. தர்பார் சபதம்.. 12 செண்டிமெண்ட்.. மார்ச் 12ஐ ரஜினிகாந்த் தேர்வு செய்ய என்ன காரணம்?

நடிகர் ரஜினிகாந்த் தனது அரசியல் குறித்து இன்று அறிவிப்பு வெளியிட முக்கியமான காரணம் இருப்பதாக அவரது ரசிகர்கள் தெரிவிக்கிறார்கள்.

Updated: Thursday, March 12, 2020, 12:12 [IST]

Subscribe to Oneindia Tamil

சென்னை: நடிகர் ரஜினிகாந்த் தனது அரசியல் குறித்து இன்று அறிவிப்பு வெளியிட முக்கியமான காரணம் இருப்பதாக அவரது ரசிகர்கள் தெரிவிக்கிறார்கள். இதற்கு பின் முக்கியமான செண்டிமெண்ட் காரணம் உள்ளதாக கூறுகிறார்கள்.

நடிகர் ரஜினிகாந்த்

இந்த நிலையில் நடிகர் ரஜினிகாந்த் இன்று அரசியல் அறிவிப்பு குறித்து வெளியிட முக்கிய காரணம் இருக்கிறது என்கிறார்கள். பல்வேறு ஜாதக ரீதியான மற்றும் செண்டிமெண்ட் ரீதியான காரணங்களால் ரஜினி இந்த தேதியை தேர்வு செய்துள்ளார் என்கிறார்கள். முதலில் 12ம் தேதி என்பது நடிகர் ரஜினியின் பிறந்த நாள் தேதி ஆகும். டிசம்பர் 12ல்தான் ரஜினிகாந்த் பிறந்தார் என்பது குறிப்பிடத்தக்கது.

பாபா எப்படி

ஜாதக ரீதியாக அவருக்கு 12 ராசியான எண் ஆம். அடுத்தபடியாக, நடிகர் ரஜினிகாந்த் பாபா படத்தின் செண்டிமெண்ட் ஒன்றையும் இன்று பயன்படுத்துகிறார். அதன்படி ரஜினிகாந்த் பாபா படத்தில் இதே மார்ச் 12ம் தேதிதான் அரசியல் ஆதரவு குறித்த முடிவை எடுப்பார். அரசியலை மாற்ற வேண்டும் என்று இதே நாளில்தான் ரஜினி அந்த படத்தில் முடிவு எடுப்பார். சக்தி கொடு பாடலுக்கு முன்பாக இந்த காட்சி படத்தில் இடம்பெற்று இருக்கும்.

தர்பார் படம்

பாபா முத்திரையை சின்னமாக மாற்ற நினைக்கும் ரஜினிகாந்த் சரியாக மார்ச் 12ம் தேதியை தேர்வு செய்துள்ளார். அதேபோல் தர்பார் படத்தின் செண்டிமெண்ட் ஒன்றையும் ரஜினி பின்பற்றுகிறார். தர்பார் படத்தில் ரஜினிகாந்த் வில்லனை பழிவாங்க இதே நாளில்தான் செல்வார். அப்போது ரஜினி, ''இன்னைக்கு மார்ச் 12'' என்று வேண்டும் என்றே சொல்லிவிட்டு, சபதம் எடுப்பது போல எடுத்துவிட்டு, வில்லனை பழிவாங்க செல்வார்.

செண்டிமெண்ட்

சரியாக தற்போது மார்ச் 12ம் தேதி அரசியல் அறிவிப்பை வெளியிட ரஜினிகாந்த் முடிவு செய்துள்ளார். ரஜினிகாந்த் பல விஷயங்களைத் திட்டமிட்டுதான் இந்த தேதியை தேர்வு செய்துள்ளார் என்கிறார்கள். பொதுவாக நடிகர் ரஜினிகாந்த் நிறைய விஷயங்களில் ஆன்மீக ரீதியாக செண்டிமெண்ட் பார்க்க கூடியவர். அதேபோல் இதிலும் இவர் செண்டிமெண்ட் பார்க்கிறார் என்றும் கூறுகிறார்கள்.