நெல்லை முபாரக் எங்கே போட்டி? திமுகவிடம் எஸ்டிபிஐ எதிர்பார்க்கும் தொகுதி எது? பரபரக்கும் தேர்தல் களம்
சென்னை: திமுக கூட்டணியில் எஸ்.டி.பி.ஐ. கட்சிக்கு 1 தொகுதி உறுதி செய்யப்பட்டுள்ள நிலையில், அது எந்த தொகுதி என்ற எதிர்பார்ப்பை அதிகரித்துள்ளது. கடந்த மக்களவை தேர்தலில் அதிமுக கூட்டணியில் எஸ்டிபிஐ கட்சி இடம்பெற்றிருந்த நிலையில், திண்டுக்கல் தொகுதியில் போட்டியிட்டார் நெல்லை முபாரக். ஆனால், சட்டமன்ற தேர்தலில் அவரது திட்டம் வேறாக இருக்கிறது.
தமிழக சட்டசபைத் தேர்தலில் முன்னெப்போதும் இல்லாத வகையில் அதிக கட்சிகளை உள்ளடக்கிய கூட்டணியை அமைத்திருக்கிறது திமுக. கிட்டத்தட்ட அக்கட்டி கூட்டணியில் 20க்கும் மேற்பட்ட கட்சிகளும், அமைப்புகளும் இருக்கின்றனர்.
காங்கிரஸ், தேமுதிக, இந்திய யூனியன் முஸ்லீம் லீக், இந்திய கம்யூனிஸ்ட், மார்க்சிஸ்ட் கம்யூனிஸ்ட், மதிமுக, விசிக, மமக, த.வா.க., கொமதேக, மஜக, என லிஸ்ட் நீண்டுக் கொண்டே செல்கிறது. அந்த லிஸ்டில் இந்த முறை எஸ்.டி.பி.ஐ. கட்சியும் உள்ளது.
தமிழக அரசியல் வரலாற்றில், சட்டசபைத் தேர்தலில் எஸ்.டி.பி.ஐ. கட்சி திமுகவுடன் கூட்டணி அமைத்திருப்பது இதுவே முதல் முறையாகும். கடந்த 2021 சட்டமன்றத் தேர்தலின் போதே திமுகவுடன் எஸ்.டி.பி.ஐ. கூட்டணி வைக்கும் என எதிர்பார்க்கப்பட்ட நிலையில் அமமுகவுடன் கூட்டணி அமைத்தார் நெல்லை முபாரக். கடந்த 2021ல் பாளையங்கோட்டையில் போட்டியிட்ட அவர் திமுக வேட்பாளர் அப்துல் வஹாப்புக்கு கடும் போட்டியை கொடுத்தார்.
பின்னர் மக்களவை தேர்தலில் அதிமுகவுடன் கூட்டணி அமைத்த எஸ்டிபிஐ கட்சி தலைவர் நெல்லை முபாரக் திண்டுக்கல் தொகுதியில் போட்டியிட்டார். இந்நிலையில், இந்தச் சூழலில் இப்போது திமுகவுக்கு ஆதரவு அளித்து அக்கட்சியின் கூட்டணியில் அங்கம் வகித்து வரும் எஸ்.டி.பி.ஐ. கட்சிக்கு 1 சீட் உறுதி செய்யப்பட்டுள்ளது. இதனிடையே தங்களுக்கு வலிமையான கட்டமைப்புள்ள தொகுதிகளை கொண்ட பட்டியலை தயாரித்துள்ளது. எஸ்.டி.பி.ஐ.
அந்த வகையில், ராமநாதபுரம், அறந்தாங்கி, பாளையங்கோட்டை, நெல்லை, ஆம்பூர், உள்ளிட்ட இன்னும் நான்கைந்து தொகுதிகள் அடங்கிய லிஸ்டை திமுக கூட்டணி பேச்சுவார்த்தைக் குழுவிடம் அளிக்க தயாராக உள்ளது எஸ்.டி.பி.ஐ. அதில் எந்த தொகுதியை திமுக ஒதுக்க கூடும் என்பது தான் எஸ்.டி.பி.ஐ. கட்சியினர் மத்தியில் மிகுந்த எதிர்பார்ப்பாக உள்ளது. தேர்தல் தேதி அறிவிக்கப்பட இன்னும் நான்கைந்து நாட்களே உள்ள நிலையில், விரைவில் தொகுதிப் பங்கீட்டை முடிக்க திமுக தீவிரம் காட்டி வருகிறது.
Click it and Unblock the Notifications
Sign in with Google