30-40 சீட் போதும்.. பாஜகவின் அஸ்திவாரத்தை ஆட்ட.. காங்கிரஸ் கட்சியின் "வெற்றி" பிளான்.. இது வேற லெவல்

சென்னை: 2024 லோக்சபா தேர்தலில் கடந்த தேர்தலை விட கூடுதலாக சில இடங்களை வெல்லும் திட்டத்தில் காங்கிரஸ் தீவிரமாக செயல்பட்டு வருகிறதாம். இதனால்தான் இந்த முறை அதிக இடங்களில் போட்டியிடாமல் முடிந்த அளவு குறைவான இடங்களில் தீவிர கவனத்துடன் போட்டியிடும் எண்ணத்தில் காங்கிரஸ் உள்ளதாம்.

2004 இல் நடந்த நாடாளுமன்ற தேர்தலில் பாஜக 138 இடங்களில் வென்றது. அவர்களுக்கு எதிராக காங்கிரஸ் 145 வெற்றி பெற்று முதல் UPA கூட்டணி அரசாங்கத்தை அமைத்தது, ஏனெனில் பாஜகவை விட அதிகமான கூட்டணி கட்சிகள் காங்கிரஸ் உடன் சேர தயாராக இருந்தன.

பார்முலா என்ன?: இந்த நிலையில்தான் அதே பார்முலாவை கொண்டு வர காங்கிரஸ் முயன்று வருகிறதாம். காங்கிரஸ் 140 இடங்களை எல்லாம் வாய்ப்பே இல்லை. ஆனால் இப்போது இருப்பதை விட கூடுதலாக 30-40 இடங்களை வெல்ல காங்கிரஸ் தீவிரமாக முயன்று வருகிறதாம். வரலாற்றில் இல்லாத அளவுக்கு 328 இடங்களில் மட்டுமே காங்கிரஸ் இந்த முறை போட்டியிடுகிறது. இதனால் காங்கிரஸ் தனிப்பெரும் கட்சியாக வருவதற்கு வாய்ப்பே இல்லை.

ஆனால் காங்கிரஸ் 30-40 இடங்களை கூடுதலாக முன்பை விட வென்றால் கூட களம் மாறும். 2014 மற்றும் 2019ல் காங்கிரஸ் 44 மற்றும் 52 இடங்களிலும், பாஜக 282 மற்றும் 303 இடங்களிலும் வெற்றி பெற்றன.

கடந்த தேர்தல்: மாநிலம் வாரியாக நடந்த மோதலை பார்க்கும்போது, ​​பாஜக தனது 303 கூடுதலாக மேலும் இடங்களை சேர்க்க வேண்டுமானால் பெரும்பாலும் காங்கிரஸ் அல்லாத கட்சிகளான என்சிபி, சிவசேனா, ஆம் ஆத்மி, டிஎம்சி, பிஆர்எஸ், பிஜேடி, ஆந்திராவில் YSRCP, தமிழ்நாட்டில் திமுக ஆகிவற்றிற்கு எதிராக வெல்ல வேண்டும்.

காங்கிரஸுக்கு எதிராக, 2019-ல் போட்டியிட்ட இடங்களில் 92 சதவீத இடங்களை பாஜக வென்றது. இந்த தேர்தலில் மேலும் காங்கிரசுக்கு எதிராக கூடுதல் இடங்களை பாஜக வெல்ல வாய்ப்பே இல்லை. அதாவது காங்கிரசின் இடங்களை பாஜக பறிக்க வாய்ப்பே இல்லை. காங்கிரஸ் இதற்கும் கீழ் செல்ல வாய்ப்பே இல்லை.

எனவே, காங்கிரஸுக்கு பாஜகவிடம் இழப்பதற்கு எதுவும் இல்லை. ஆனால் இப்போது, ​​இந்த சமன்பாட்டை தலைகீழாக மாற்றவும். பா.ஜ.க.வுக்கு எதிராக காங்கிரஸால் மீண்டும் வெற்றி பெற முடியுமா என்ன? பாஜகவின் இடங்களை காங்கிரஸ் சில இடங்களில் பெற முடியுமா என்று பார்க்கலாம்.

இதுதான் நிலவரம்: ஹிமாச்சல், உத்தரகண்ட், ஹரியானா, ராஜஸ்தான், மத்தியப் பிரதேசம், உத்திரப் பிரதேசம், பீகார், சத்தீஸ்கர், ஜார்கண்ட் ஆகிய மாநிலங்களில் வடக்கே தொடங்கி மேற்கு மற்றும் தெற்கே குஜராத், மகாராஷ்டிரா, கோவா மற்றும் கர்நாடகா என்று பெரும்பாலான மாநிலங்களில் எல்லா இடங்களையும் பாஜகவிடம் காங்கிரஸ் இழந்தது.

உண்மையில், இந்த மாநிலங்களில் போட்டியிட்ட மொத்தமுள்ள 241 இடங்களில் ஒன்பது இடங்களில் மட்டுமே காங்கிரஸ் வெற்றி பெற்றது. காங்கிரஸ் இனி இழப்பதற்கு எதுவும் இல்லை. இந்த இடங்களில்தான் காங்கிரஸ் இந்த முறை பாஜகவின் 30-40 இடங்களை பறித்தால் கூட பாஜகவிற்கு அது பெரிய பிரச்சனையாக மாறும்.

பாஜக 250 இடங்களை தனியாக பெற்றால் கூட காங்கிரஸ் 100-105 இடங்களை பெற்றால் கூட பாஜக ஆட்சி அமையாமல் போகும் சூழல் ஏற்படலாம். பாஜகவை விட காங்கிரஸ் அதிக இடங்களை வெல்ல முடியாது. ஆனால் 110 இடங்கள் வரை காங்கிரஸ் சென்றால் போதும் பாஜகவின் அஸ்திவாரத்தை ஆட்ட முடியும். அதைதான் காங்கிரஸ் இந்த முறை தீவிரமாக திட்டமிட்டு வருகிறது என்று அக்கட்சிக்கு நெருக்கமான வட்டாரத்தினர் தெரிவிக்கின்றனர்.

English summary

Why Congress adding merely 30-40 more seats will be a shocker for BJP after Lok Sabha elections 2024?