திமுகவின் பார்முலாவை எடுத்து.. அவங்களையே வீழ்த்திய யுக்தி! ஸ்மார்ட்டாக நகரும் விஜய்.. கவனிச்சீங்களா?
சென்னை: நடிகர் விஜய் திடீரென நீட் எதிர்ப்பு, ஒன்றிய அரசு என்றெல்லாம் பேச தொடங்கி இருப்பது திமுக ஆதரவு நிலைப்பாடு என்று வெளிப்படையாக தோன்றினாலும்.. உள்ளுக்குள் திமுகவின் வாக்கு வங்கியை குறி வைப்பதே அவரின் நோக்கம் என்கிறார்கள் அரசியல் விமர்சகர்கள்.
நேற்று மாணவர்களுக்கு விருது வழங்கும் இரண்டாம் கட்ட விழாவில் பேசிய விஜய் தற்போது நேரடியாக பாஜகவின் அடிப்படை கொள்கையையே எதிர்த்து உள்ளார். பாஜக உறுதியாக இருக்கும் நீட் விவகாரத்தில் கடுமையான கருத்துக்களை விஜய் வைத்துள்ளார்.
விஜய் பேச்சு: அதில், தொடர்ந்து நடந்துவரும் குளறுபடிகளால் நீட் தேர்வு மீது மக்கள் நம்பிக்கையை இழந்துவிட்டனர். இனி நாடு முழுவதும் நீட் தேர்வு தேவை இல்லை என்பதுதான் இதிலிருந்து நாம் புரிந்துகொள்ள வேண்டிய விஷயம். நீட் விலக்குதான் இதற்கு உடனடி தீர்வு.
சிறப்பு பொதுப்பட்டியலை உருவாக்கி கல்வி, சுகாதாரத்தைத் மாநில பட்டியலில் கொண்டுவர வேண்டும் கல்வி, சுகாதாரத்தில் மாநில அரசுகளுக்கு முழு உரிமை வழங்கப்பட வேண்டும். மாநில பாடத்திட்டத்தில் படித்துவிட்டு NCERT முறையில் தேர்வு வைத்தால் எப்படிச் சரியாக இருக்கும்?
தொடர்ந்து நடந்துவரும் குளறுபடிகளில் நீட் தேர்வு மீது மக்கள் நம்பிக்கையை இழந்துவிட்டனர். நாடு முழுவதும் நீட் தேர்வு தேவை இல்லை என்பதுதான் இதிலிருந்து நாம் புரிந்துகொள்ள வேண்டியது.
நீட் தேர்வு மாநில உரிமைகளுக்கு எதிரானது. 'ஒரே நாடு ஒரே பாடம் ஒரே கல்வி' என்பது கல்வி கற்கும் நோக்கத்துக்கு எதிரானது, என்று விஜய் பாஜக அரசியலுக்கு எதிராக பேசி உள்ளார்.
இதன் மூலம் தான் திமுகவை மட்டும் எதிர்க்க போவது இல்லை.. இனி பாஜகவையும் எதிர்க்க போகிறேன் என்பதை வெளிப்படையாக விஜய் அடித்து சொல்லி உள்ளார். இதில் ஒன்றிய அரசு என்றெல்லாம் கூறி விஜய் நேரடியாக பாஜகவை எதிர்த்து உள்ளார்.
திமுக ஆதரவு; நடிகர் விஜய் திடீரென நீட் எதிர்ப்பு, ஒன்றிய அரசு என்றெல்லாம் பேச தொடங்கி இருப்பது திமுக ஆதரவு நிலைப்பாடு என்று வெளிப்படையாக தோன்றினாலும்.. உள்ளுக்குள் திமுகவின் வாக்கு வங்கியை குறி வைப்பதே அவரின் நோக்கம் என்கிறார்கள் அரசியல் விமர்சகர்கள்.
அதன்படி நீட்டை எதிர்த்து.. எங்களின் கொள்கையும் மாநில நலன்தான். அதனால் திமுகவை விட நாங்கள் சிறந்த மாற்றாக இருப்போம் என்று விஜய் கருத்தை முன்வைக்கிறார்.
தமிழ்நாட்டில் வலதுசாரி அரசியல், ஆன்மீக அரசியல் எடுபடாது என்பதால், திராவிட அரசியல் கொள்கைகளை, திராவிட கட்சி அல்லாத கட்சியாக விஜயின் கட்சி முன் வைக்க தொடங்கி உள்ளது. நாங்களும் இதே மாநில உரிமை, சுயமரியாதை கொள்கை கொண்ட கட்சியாக இருப்போம். அதனால் எங்களுக்கும் ஒரு வாய்ப்பு கொடுங்கள் என்று விஜய் முன் வைக்கலாம்.
நீட் எதிர்ப்பு தொடங்கி டெல்லி எதிர்ப்பு வரை பல காரணங்களுக்காக திமுகவிற்கு வாக்களித்த சிலர் இனி விஜய் பக்கம் திரும்பலாம். திமுகவின் வாக்கு வங்கியில் விஜய் இதன் மூலம் பெரிய ஓட்டை போடலாம்.
தன்னுடைய அரசியல் ஸ்டாலின் அல்லது திமுகவிற்கு எதிரானது என்பதை விஜய் சொல்லாமல் சொல்லி இருக்கிறார் என்கிறார்கள். அதாவது திமுகதான் விஜய்க்கு வாழ்த்து சொல்லவில்லை. அதேபோல் திமுகவினர் பெயரை விஜய் தனது அறிக்கையில் கூறவில்லை.
இதன் மூலம் சைலண்ட்டாக தன்னுடைய மெசேஜை விஜய் இதன் மூலம் சொல்லிவிட்டார். யாரை எதிர்த்து தன்னுடைய அரசியல் என்று விஜய் சொல்லாமல் சொல்லிவிட்டார், என்று அக்கட்சி நிர்வாகிகள் தெரிவிக்கின்றனர்.
Click it and Unblock the Notifications
Sign in with Google