மக்களின் உயிர் முக்கியம்.. சர்கார் காட்சிகள் நீக்கம் குறித்து சன் பிக்சர்ஸ் விளக்கம்!

சென்னை: தியேட்டர்களுக்குப் படம் பார்க்க வரும் ரசிகர்களின் உயிர் மற்றும் உடமைகளுக்குப் பாதுகாப்பு தேவை என்ற நோக்கில்தான் சர்கார் படத்தின் சில காட்சிகள் நீக்கப்பட்டதாக சன் பிக்சர்ஸ் நிறுவனம் தெரிவித்துள்ளது.

சர்கார் படத்திலிருந்து சில காட்சிகள் நீக்கப்பட்டுள்ளன. அதிமுகவினரின் போராட்டத்தைத் தொடர்ந்து இந்த மாறுதல் செய்யப்பட்டுள்ளது. இதுகுறித்து சன் பிக்சர்ஸ் விளக்கம் அளித்துள்ளது.

#SarkarPressRelease pic.twitter.com/jqDZccxBV8

— Sun Pictures (@sunpictures) November 9, 2018

சர்கார் திரைப்படத்தில் வரும் சில காட்சிகளுக்கு எதிராக ஆளும் கட்சியைச் சேர்ந்தவர்கள் பல திரையரங்குகள் முன் வன்முறைச் செயல்களில் ஈடுபட்டு, அதனால் திரையரங்க உடமைகளுக்கு சேதம் விளைவித்தனர்.

அதனைத் தொடர்ந்து திரையரங்கு உரிமையாளர்கள், விநியோகஸ்தர்கள் வேண்டுகோளை ஏற்றுத் திரையரங்குகளுக்கும், திரைப்படம் காண வரும் பொதுமக்களின் உயிருக்கும், உடமைக்கும் எந்தப் பாதிப்பும் ஏற்படாது பாதுகாக்கும் ஒரே நோக்கோடு சர்ச்சைக்குரியதாகக் கூறப்படும் ஓரிரு காட்சிகள் நீக்கப்பட்டன என்பதைத் தெரிவித்துக் கொள்கிறோம் என்று தெரிவிக்கப்பட்டுள்ளது.

English summary

Sun pictures has clarified Why some of the scenes were removed from Sarkar movie.