அயோத்தி ராமர் கோவில் திறப்பால் பாஜகவுக்கு தமிழ்நாட்டில் ஓட்டு எகிறுதா? பரபர கருத்துக்கணிப்பு ரிசல்ட்
சென்னை: அயோத்தியில் ராமர் கோவில் கட்டியது வரும் லோக்சபா தேர்தலில் பாஜகவுக்கு பலன் தரும் என அக்கட்சி எதிர்பார்க்கும் நிலையில் தமிழ்நாட்டைப் பொறுத்தவரை மக்களின் மனநிலை வேறாக உள்ளது. தந்தி டிவி கருத்துக்கணிப்பு சொல்வது என்ன?
நாடாளுமன்றத் தேர்தல் நெருங்கிவரும் சூழலில், தேர்தல் களம் தகித்து வருகிறது. தமிழ்நாடு, புதுச்சேரியைப் பொறுத்தவரை மொத்தம் 40 தொகுதிகள் உள்ளன. இங்கு தற்போதைய சூழலில் நான்கு முனைப் போட்டி நிலவுவது உறுதியாகியுள்ளது. திமுக - காங்கிரஸ் கூட்டணி, பாஜக கூட்டணி, அதிமுக கூட்டணி, நாம் தமிழர் கட்சி ஆகியவை பிரதான கட்சிகளாக களத்தில் நிற்கின்றன.
லோக்சபா தேர்தலையொட்டி, மக்கள் யார் பக்கம் என தந்தி டிவி சார்பில் கருத்துக்கணிப்பு எடுக்கப்பட்டது. அதன் விபரங்கள் தற்போது வெளியாகியுள்ளன. அதன்படி, தமிழ்நாட்டில் உள்ள 39 தொகுதிகளில் உள்ள மக்களிடையே நடத்தப்பட்ட கருத்துக்கணிப்பில் பல்வேறு காரணிகள் கணக்கில் எடுக்கப்பட்டுள்ளன.
அதன்படி, அயோத்தி ராமர் கோவில் அலை தமிழ்நாட்டில் எடுபட்டுள்ளதா என்பதும் இந்த கருத்துக்கணிப்பில் தெரிவிக்கப்பட்டுள்ளது. வாக்காளர்களிடையே அயோத்தி ராமர் கோவில் தாக்கம் பற்றிய 2 கேள்விகள் கேட்கப்பட்டுள்ளன.
அயோத்தி ராமர் கோவில் திறப்பு, பாஜகவுக்கு தமிழ்நாட்டில் கை கொடுக்குமா?
ஆம் - 35%
இல்லை - 59%
கருத்து இல்லை - 6%
அயோத்தியில் ராமர் கோவில் திறக்கப்பட்டதால் பாஜகவுக்கு வாக்களிப்பீர்களா (தமிழ்நாடு)
ஆம் - 17%
இல்லை - 71%
கருத்து இல்லை - 12%
அதாவது, தந்தி டிவி எடுத்துள்ள இந்த கருத்துக்கணிப்பில், அயோத்தியில் ராமர் கோவில் கட்டியதற்காக, பாஜகவுக்கு வாக்களிக்கப் போவதில்லை என்பதே தமிழ்நாட்டைப் பொறுத்தவரை பெரும்பான்மை மக்களின் (71%) மக்களின் சாய்ஸாக இருக்கிறது.
வட மாவட்டங்களில் அயோத்தி ராமர் கோவில் பாஜகவுக்கு பெரியளவில் கை கொடுக்கும் எனக் கூறப்படும் நிலையில் தமிழ்நாட்டைப் பொறுத்தவரை இந்த கருத்துக்கணிப்பின்படி நிலை வேறாக உள்ளது தெரியவருகிறது. எனினும், 17% வாக்காளர்கள் அயோத்தியில் ராமர் கோவில் திறக்கப்பட்டதால் பாஜகவுக்கு வாக்களிப்போம் எனத் தெரிவித்துள்ளதும் குறிப்பிடத்தக்கது.
Click it and Unblock the Notifications
Sign in with Google