சைக்கிள் கேப் கிடைத்தால் போதும்.. படக்கென உள்ளே நுழைந்து.. மாஸ் காட்டும் திமுக.. செம்ம ஸ்கெட்ச்..!

திருவாடானை தொகுதியில் திமுக வெற்றி பெறுமா என்ற எதிர்பார்ப்பு ஏற்பட்டுள்ளது

Updated: Friday, February 5, 2021, 18:56 [IST]

Subscribe to Oneindia Tamil

சென்னை: போகிற போக்கை பார்த்தால், திருவாடானை தொகுதியில கருணாஸின் ஓட்டுக்களை அப்படியே திமுக தனக்கு ஷிப்ட் செய்து கொள்ளும்போல தெரிகிறது.. அந்த அளவுக்கு தொகுதி மக்கள் கருணாஸ் மீது அதிருப்தியில் உள்ளனராம்.

ஜெயலலிதாவின் கருணையால் சீட்டை பெற்றவர் கருணாஸ்.. கூட்டணியில் சேர்த்துக் கொண்டு திருவாடானை தொகுதியை வழங்கினார்..

தொகுதி வளர்ச்சி திட்டத்தில் கருணாஸ் நிறைய ஆர்வம் காட்டி வந்தாலும், ஜெ.மறைவுக்கு பிறகு அப்படியே தலைகீழானது. .. 2 அணிகளாக உடைந்தன.

பரபரப்பு

இதற்கு பிறகு கூவத்தூர் சமாச்சாரத்தில் பரபரப்பாக கருணாஸ் பெயர் இடம்பெற்றது.. ஆனால், இதற்கு பிறகு கருணாஸ் தொகுதி பக்கமே செல்லவில்லை. இதை கருணாஸே பலமுறை ஒப்புக் கொண்டிருக்கிறார். அதற்கு காரணம், தனக்கு போதிய பாதுகாப்பு இல்லை, ஆளுங்கட்சி தரப்பிலும் உரிய பிரதிநிதித்துவம் வழங்கவில்லை, அதனால் தொகுதி வளர்ச்சியில் முழு கவனம் செலுத்த முடியவில்லை... இருந்தாலும் முடிந்த அளவு வளர்ச்சி பணிகளை செய்திருக்கிறேன்.. இந்த முறை 2 சீட் கேட்டிருக்கிறோம்.. ஆனால், நான் திருவாடானையில் நிற்பது டவுட்" என்றார்.

கருணாஸ்

கருணாஸ் ஓபனாகவே இப்படி சொல்லிவிட்டாலும், தொகுதி மக்களும் அவர்மீது அதிருப்தியில்தான் உள்ளனர்.. நம்பி ஓட்டு போட்டோமே.. இப்படி எங்கள் தொகுதியை காணாமல் போக செய்துவிட்டாரே.. விவசாயிகளைகூட சந்திச்சு பேசவில்லை.. ஆதரவா ஒரு அறிக்கை கூட விடவில்லையே.." என்று பொங்குகிறார்கள். அதுமட்டுமல்ல, தொண்டியில் மீன்பிடி துறைமுகம், பொறியியல் கல்லூரி, நெல், மிளகாய்க்கு கொள்முதல் நிலையம், மணிமுத்தாற்றில் தடுப்பணை என்பன போன்ற கொடுத்த வாக்குறுதிகள் ஒன்றையும் நிறைவேற்றவில்லை என்று புலம்புகிறார்கள்.

மும்முரம்

இப்படிப்பட்ட ஆதங்கத்தைதான் திமுக தனக்கு சாதகமாக்கும் முயற்சியில் இறங்கி வருகிறதாம்.. திருவாடானை தொகுதி அதிருப்திகள் அத்தனையையும், திமுகவின் வாக்குகளாக்கும் மும்முரத்திலும் ஈடுபட்டு வருகிறதாம்.. இந்த 5 வருட காலங்களில் அதிமுக கூட்டணியில் இருந்த கருணாஸ் மீதே விமர்சனங்களை முன்வைத்து பிரச்சாரங்களையும் தொடங்க போவதாக கூறுகிறார்கள்.

ரஜினி

எப்படி ரஜினி ரசிகர்களை திமுக வளைத்து போட்டு வருகிறதோ, அதுபோலவே அதிமுகவின் அதிருப்தி ஓட்டுக்களையும் திமுக குறி வைத்துள்ளது.. எங்கெல்லாம் சைக்கிள் கேப் சாதகம் கிடைக்கிறதோ, அங்கெல்லாம் நுழைந்து கெத்து காட்டி வருகிறது திமுக..!