வாக்காளர் அட்டையில் பெயர், முகவரி, மொபைல், போட்டோவை ஆப் மூலமாக 2 நிமிடத்தில் அழகாய் மாற்றலாம்!

சென்னை: பழைய சிதைந்த வாக்காளர் அடையாள அட்டையை மாற்றி வெறும் 2 நிமிடங்களில் புதிய வண்ணமயமான அழகான வாக்காளர் அடையாள அட்டையை எப்பபடி பெறுவது என்பதை இப்போது பார்ப்போம். இதேபோல் வாக்காளர் அடையாள அட்டையில் பெயர், முகவரி, மொபைல் எண், போட்டோ என எல்லாவற்றையும் ஆன்லைனில் மாற்ற முடியம்.. எப்படி என்பதையும் சேர்த்து பார்ப்போம்..

வாக்காளர் அடையாள அட்டை என்பது இந்திய தேர்தல் ஆணையத்தால் இந்தியாவில் 18 வயது நிறைவடைந்த அனைவருக்கும் வழங்கப்படும் அடையாளம் ஆகும்.. இந்த வாக்காளர் அடையாள அட்டை தான் இந்தியாவின் தலையெழுத்தை தீர்மானிக்கிறது. தங்களை யார் ஆள வேண்டும் என்பதை மக்களே முடிவு செய்வதற்காக வாக்காளர் அடையாள அட்டை வழங்கப்படுகிறது.

வாக்காளர்களாகிய நாம் ஓட்டுப்போடும் கடமையை சரியாக செய்தால், இந்தியாவில் வேண்டிய அனைத்து மாற்றங்களையும் கொண்டு வர முடியும். அவ்வளவு முக்கியத்துவம் வாய்ந்த அட்டை தான் வாக்காளர் அடையாள அட்டை

வாக்காளர் அடையாள அட்டையை பொறுத்த வரை 2000களில் வாங்கியவர்கள், 1990களி்ல வாங்கியவர்கள் இதை பாருங்கள்.. அவர்களுக்கு நிச்சயம் பயனுள்ளதாக இருக்கும்.. உங்கள் மொபைலில் பிளே ஸ்டோருக்கு செல்லுங்கள். அங்கு 'voter helpline' என்ற ஆப்பை டவுன்லோடு செய்யுங்கள்... உங்கள் மொபைல் எண் மற்றும் பாஸ்வேர்டு கொடுத்து லாக் இன் செய்யுங்கள்... முதல்முறை என்றால் புதிய யூசர் என்பதை தேர்வு செய்து பதிவு செய்து உள்ளே லாக் இன் செய்ய வேண்டும்.

அதில் voter registration என்பதை கிளிக் செய்யுங்கள்.. அதில் new voter registration என்ற டேப்பிற்குள் போக வேண்டும். அதில் உள்ளே போனால், ஏற்கனவே வாக்காளர் அடையாள அட்டை உள்ளது என்பதை தேர்வு செய்ய வேண்டும். அதாவது no i already have voter id என்ற ஆப்சனை கிளிக் செய்ய வேண்டும்.. அப்படி செய்த பின்னர் அதன்பிறகு வாக்காளர் அடையாள அட்டை எண் தெரியுமா என்று கேட்கும்.

அது உங்களுக்கு தெரியும் என்றால், அந்த ஆப்சனை கிளிக் செய்து அதில் உங்கள் வாக்காளர் அடையாள அட்டை எண்ணை பதிவு செய்யுங்கள்.. அதன்பிறகு எந்த மாநிலம் என்பதை தேர்வு செய்ய வேண்டும். அதில் சப்மிட் கொடுத்த பின்னர், உங்கள் ஆதார் எண், இமெயில் ஐடி, மொபைல் எண், முகவரி என எல்லாமே காட்டும். அதன் பின்னர் நெக்ஸ்ட் ஆப்சனில் correction of entries in existing electoral roll என்ற ஆப்சனை தேர்வு செய்ய வேண்டும். அதில் உங்கள் பெயர், முகவரி, மொபைல் எண், போட்டோ, முகவரி, உறவினர் , உறவினர் வகை (தந்தை அல்லது கணவர் அல்லது பாதுகாவலர் பெயர்) என எதை எல்லாம் மாற்ற வேண்டுமோ அதை எல்லாம் மாற்றிக் கொள்ளலாம்.

உதாரணத்திற்கு புகைப்படம் மாற்ற வேண்டும் என்று வைத்துக் கொள்ளுங்கள்.. அதை கிளிக் செய்து உள்ளே செல்லுங்கள்.. அதில் 200 கேபிக்குள் உங்கள் பாஸ்போர்ட் சைஸ் புகைப்படத்தை அப்லோடு செய்யுங்கள். அப்படி செய்து சப்மிட் கொடுத்தால், இரண்டு மாதங்கள் கழித்து உங்கள் முகவரிக்கு இந்திய அரசு வழங்கும் வண்ணமயமான அழகான வாக்காளர் அடையாள அட்டை தபால் மூலம் உங்கள் வீட்டிற்கு வரும்..

English summary

You can change the name, address, mobile, photo on the voter card in just 2 minutes through voter help app. வாக்காளர் அடையாள அட்டையில் பெயர், முகவரி, மொபைல் எண், போட்டோ என எல்லாவற்றையும் ஆன்லைனில் மாற்ற முடியம்.