"ஐ யம் எ தமிழ் பேசும் இந்தியன்".. பரபரப்பை கிளப்பிய யுவன், சாந்தானு டி ஷர்ட்.. கனிமொழி பாராட்டு!
சென்னை: தமிழ் திரை உலகில் பலர் தற்போது இந்திக்கு எதிராக குரல் கொடுக்க தொடங்கி உள்ளனர். இசையமைப்பாளர் யுவன் சங்கர் ராஜா, நடிகர் சாந்தனு ஆகியோர் இந்த டிரெண்டில் இறங்கி உள்ளனர்.
Recommended Video
தமிழகத்தில் தற்போது மீண்டும் இந்தி எதிர்ப்பு அரசியல் தலை தூக்க துவங்கி உள்ளது. கடந்த சில தினங்களுக்கு முன் சென்னை விமான நிலையில் சிஐஎஸ்எப் அதிகாரி ஒருவர் திமுக எம்பி கனிமொழியை பார்த்து நீங்கள் இந்தியரா என்று கேள்வி கேட்ட சர்ச்சை இன்னும் முடியவில்லை.
திமுக எம்பி கனிமொழி தனக்கு இந்தி தெரியாது என்று கூறிய காரணத்தால், அந்த அதிகாரி கனிமொழியை பார்த்து இப்படி கேள்வி எழுப்பி இருக்கிறார். இதை தொடர்ந்து இயக்குனர் வெற்றிமாறனும் தனக்கு இந்தி தெரியாத காரணத்தால் விமான நிலைய ஊழியர்கள் தன்னை மோசமாக நடத்தியதாக பேட்டி ஒன்றில் குறிப்பிட்டு இருந்தார்.
திரை உலகம்
இந்த நிலையில் தற்போது திரை உலகில் பலர் இந்திக்கு எதிராக குரல் கொடுக்க தொடங்கி உள்ளனர். நடிகர்கள், இசையமைப்பாளர்கள் இந்திக்கு எதிராக பேச தொடங்கி உள்ளனர். இளம் நடிகர்கள், பிரபலங்கள் பலர் இந்த டிரெண்டில் குதித்து உள்ளனர். இசையமைப்பாளர் யுவன் சங்கர் ராஜா, நடிகர் சாந்தனு ஆகியோர் இந்த டிரெண்டில் இறங்கி உள்ளனர்.
யுவன் பரபரப்பு
இதற்காக யுவன் டீ சர்ட் ஒன்றை அணிந்துள்ளார். அதில் நான் தமிழ் பேசும் இந்தியன் என்று பொருள்படும் வகையில் "ஐ யம் எ தமிழ் பேசும் இந்தியன்" என்று குறிப்பிடப்பட்டுள்ளது. இவரின் இந்த டி சர்ட் இணையம் முழுக்க வைரலாகி உள்ளது. இதில் திருவள்ளுவர் படமும் இருக்கிறது. பலர் யுவனின் செயலை பாராட்டி வருகிறார்கள்.
வேறு யார்
யுவனுடன் நடிகர் சிரீஷ் இருக்கிறார். இவர் சிவப்பு நிற டீ சர்ட் அணிந்துள்ளார். இதில் இந்தி தெரியாது போடா என்று எழுதப்பட்டுள்ளது. இவரின் டீ சர்ட் தனியாக இணையம் முழுக்க ஹிட் அடித்துள்ளது. அதை தொடர்ந்து நடிகர் சாந்தனுவும் அவரின் மனைவியும் இதே ஜோடி டீ சர்ட்களை அணிந்துள்ளனர். மீண்டும் வேலையை ஆரம்பித்துவிட்டோம் என்று இவர்கள் டிவிட் செய்துள்ளனர்.
தமிழர்கள் வரவேற்பு
இவர்கள் இப்படி தமிழுக்காக குரல் கொடுப்பது பெரிய வைரலாகி உள்ளது. பலரும் இவர்களை பாராட்டி வருகிறார்கள். ஆனால் திடீரென இந்த டிரெண்ட் துவங்கப்பட்டது ஏன் என்று தெரியவில்லை. இந்த நிலையில் யுவன் சங்கர் ராஜாவின் செயலை திமுக எம்பி கனிமொழி பாராட்டி இருக்கிறார்.
கனிமொழி பாராட்டு
சுவாரஷ்யமாக இருக்கிறது என்று யுவன் டி சர்ட்டை கனிமொழி பாராட்டி இருக்கிறார். இதற்கு அளித்த யுவன் ரொம்ப சுவீட் ஆப் யூ.. மிக்க நன்றி என்று குறிப்பிட்டுள்ளார். இவர்களின் இந்த உரையாடல் இணையத்தில் ஹிட் அடித்துள்ளது.
Click it and Unblock the Notifications
Sign in with Google